第一次帶包包出遊，選擇了近近地的澳門，兩日一夜，順道試下，睇下可否帶包包去旅行。
為了方便，選擇了尖沙咀上船。一歲過後就要買飛，一家船飛就近千元了！
2014-12-21
兩日一夜都要帶勁多野：一篋，一背囊，輕便stroller，hipseat, 加上我自己一個手袋仔。
我地9 am船，因為尖沙咀開出嘅船少班啲，所以是日我一早六點起床煲粥啦！
以前兩個人去澳門，只係早10分鐘入閘，今次早半個鐘都只係剛剛好。因為唔可以用e道，要排隊。帶住個b多行李又想早啲上船。
上船睇下書先！
包包上船無耐就訓左，少少扭，但可以接受。訓左45分鐘左右就到啦。
我地坐中間三個位，所以包包到落船先有機會去窗邊睇海。
坐酒店shuttle bus 去酒店，我地住Sheraton，只因為平同之前住過ok，同有free wifi
上車囉！
去到先11點左右，未可以check in，於是上左頂樓個food court 食野同餵包包食粥仔。food court 有bb high chair, 方便餵包包！但啲食物就真係又貴又難食囉！我食左個$80嘅吉列雞扒飯，老公食左個$115嘅牛肉麵！佢話佢無睇價錢喎 (￣∇￣)
見時間仲早，就去food court 旁嘅shop行下，賣小朋友玩具衫褲，好大下。
包包入到去又自己行唔畀人拖，好似巡視業務咁。去到啲counter 度又攪下人地啲野，我好驚佢唔肯放低要我買呀！
呢度係賣衫，但又有啲玩具玩，包包玩行好開心
出返商場又係咁行
仲想上電梯呀～好在mama身手敏捷！
有部機可以影相，再email返畀我地，有好多background揀架，但包包又扭落地唔肯影！如果唔係影多幾張！你睇佢個曳豬樣！
行行下畀我地見到聖誕老人呀～好開心，因為香港影親都勁多人排隊呢！
包包係行到唔肯走唔畀抱！最後要咩咩先肯走ja....
玩玩下都12點幾，我地就check in啦，點知係勁慢，攪成半個鐘先畀到房，呢個時候包包已在我懷中訓左！(好在有hipseat，因為包包只肯畀我抱)
上房先放低隻包豬
間房都ok呀，好多空間畀包包走來走去。
我settle 好啲野，就同包包一齊訓到2點幾 (^_^;)
而papa就緊係去賭場玩兩手啦！
訓醒嘅包包
睇下風景先！
本來plan左3點半去睇熊貓，因為熊貓係3:30開餐架，朋友話熊貓會好活潑咁食，唔會好似香港啲熊貓咁唔識郁。
但係去前要先餵飽包包，呢個包豬一喺出面食就特別扭特別慢
食飽換片執好野結果3:30先出發。個心一直叫住熊貓熊貓你等我地呀！
喺酒店坐的士去熊貓館，三十幾蚊，真係好近。
熊貓館位於石排灣公園。
去到買飛，$10張，bb唔使錢。
沿路都好多大熊貓公仔
呢個玻璃館就係啦～
去到都四點啦，好野，仲見到熊貓呀～
仲行來行去
兩仔爺一齊睇熊貓
但係……
睇睇下兩父子好溫馨咁喺度錫錫 (￣∇￣)
包豬幾開心！
睇左兩眼又要行行行啦！
捉都捉唔住呀！
無咩做，就行下個公園，呢日天氣好好。
去playground 玩
其實呢度真係好少人來，一如所料，走時無的士。朋友話安德魯就在附近，叫我有時間去食下葡撻！
時間尚早，我地就跳上是旦一架巴士。上車就問司機去唔去安德魯，真係好快，二三分鐘司機就叫我地落車啦！
公園一出個方向就係去路環，對面線就係返氹仔，去安德魯就要去路環嗰方向。
下面個stop就係我地落車嘅stop
安德魯花園咖啡
店面唔大，去到剛好有張四人枱，包包都可以舒服咁坐stroller, 店員都好nice!
黎到當然要試葡撻啦，真係好好味呀！
我叫左檸茶，係一壺茶咁上，如果唔係同包包一齊，真係會慢慢歎茶呀！
叫左個薯蓉畀包包食。不過包包唔欣賞！個薯蓉一般，主要因為個薯仔大太舊所以中間無咩味，但就真係好飽肚！旁邊salad都好味架。
仲有老公嘅凍啡。
另外就叫左club sandwiches，呢個sandwich真係我食過最好味嘅公司三文治！裡面有雞肉，蛋，蕃茄，生菜同火腿！諗返都回味呀！而包包就好鐘意sandwich個包，食左好多呀！
呢餐埋單先百多元，真係好抵食呀！
好啦，食飽就返酒店，點知無的士！問路人都話係呀好難有的士，叫我地坐巴士話好快到氹仔。無辦法下唯有坐巴士，我抱住個仔，老公拎stroller同大背囊，好狼狽。仲要無人讓坐畀我，睇來澳門人同香港人讓坐意識一樣咁差！仲要架車好full! 大概20分鐘就到威尼斯人。好多巴士都去氹仔，上車問司機就得！
真係好唔想迫巴士！所以呢，如果有b都唔會再去安德魯啦，雖然真係好食。。。
返到酒店就休息下。發現bb床同浴盆仲未送到。要打電話follow。
包包就好開心咁走來走去玩！
而家一照鏡就錫自己 XD
bb床到左，但浴盆無來，又要打電話去check……而且原來bb嘅被枕都要request先有架！雖然我帶左sleeping bag, 但有啲被感覺張床無咁空洞。
包包好似好鍾意呢張床喎！
等埋個浴盆，我又焗埋粥畀包包，7點左右我地又出發食dinner 啦～
下面係商場噴水池。
等shuttle bus 去galaxy
再行去官也街嗰邊
葡韻美食店 A Tasca Do Luis
呢間餐廳老公出trip時試過，佢話大部份食物都好味
而我覺得最重要係佢地有baby highchair, 仲有bb餐具！
呢張highchair 好好架，高身得黎又穩又舒服！
店員都好nice, 包包玩又送糖畀佢，雖然包包唔食但feel到佢地都好welcome baby
豬仔包，內軟外脆，包包又有份食
影張相先！
好難得嘅全家福呀！
馬介休球，要幾粒order幾粒，最怕有啲餐廳一碟6粒，兩個人都唔知點食！幾好味，唔太咸，包包都試左少少！
乳豬：失望呀，一般般，但好大碟，好飽！
仲有牛油大蝦，但食完先發現無影相 :p
埋單$4xx！好貴呀！ 老公order嘅，原來個乳豬好貴！下一次都係唔好畀男人order啦～
之後就taxi 返酒店。
返到酒店到包包食粥，但可能食得太多好野包包唔點食粥！算，夜啲再畀支奶佢。
到包包沖涼，酒店已畀bb浴盆。我叫papa同包包沖住先，我就執好啲衫。點知…… 無耐就聽到包包大喊，“事發經過”我唔知，但唔係水太熱，可能papa一野就放佢落水，無畀心理準備啩 (好明顯係包爹嘅問題囉)…… 可惜包包已經唔肯沖涼T_T
算啦，抹身著衫！
玩一陣就訓。點知包包太貪玩唔肯訓。要夾佢暗佢訓，救命！
而我就洗埋啲野，自己沖涼後就訓啦！
老公就又去玩兩手！
