呢日要離開呢間咁正嘅酒店啦～
阿包問我地幾時返來:p
我話等細佬三歲我地再來過啦～
等緊爸爸攞車，momo同嫲嫲影下相
之後我地就向南玩落去
不得不去嘅萬座毛
其實次次都有來呢度
點都要來影下相
去到無耐，阿包因為失平衡向後跌撞到木柱，應該幾痛，喊左一陣，所以佢心情麻麻
一家4口
同埋爺爺嫲嫲姑媽一齊影
Momo真係好得意！
見呢個小朋友唔開心，就買雪糕畀佢氹下佢
之後我地就去浜之家lunch
之前都有來過，tatami啱小朋友
龍蝦好好味！其他食物就一般
兒童餐好抵食！
食飽飽我地就去玩賽車，全因為個仔鍾意
Momo無得玩，玩住個圈圈先:D
有工作人員好細心幫阿包帶頭盔
未開車先興奮！
就係呢架車啦，網上見到可以一大一細咁玩，就決定來呢度！職員話呢隻車，大人要有車牌，但佢又無真係check
交momo畀爺爺嫲嫲，媽媽我都有落場玩
好耐無揸車嘅我，過下手癮，好玩呀！
阿包以為自己揸，勁開心，爸爸仲爬我頭！
玩完之後，就去我地呢兩日住嘅酒店check in
因為last day早機，所以揀一間地點方便又唔離機場唔太遠嘅酒店
位於宜野灣嘅 Laguna hotel
好好彩，我地被upgraded
間房超大，好大地方畀momo爬！
雖然無沙灘，但就有好大嘅indoor 同outdoor pool
露台view
阿包見到個泳池，係咁話要落去游水
仲未到晚飯時間，就同佢地落去玩水
Momo好鍾意玩水！
只係佢一見到媽媽我就要我唔要爸爸
接近黃昏無太陽，可能水有點凍，阿包一落水又wewa鬼叫
好快我地就入indoor pool玩，因為湊住momo無影相
裡面有條小滑梯，不過阿包玩左一次之後唔敢再玩，哈哈
沖涼之後就去好大嘅aeon mall食飯加shopping
Momo瞓左，我地可以好輕鬆咁食
去左food court, 大家可以選擇自己想食嘅野
阿包食食鰻魚飯
媽媽食魚生飯
老公居然据排！
之後就去toys r us shopping啦
掃左好多玩具!
媽媽自己無買野
其實係個mall大到唔知點行
啲牌子野又唔算平
興趣不大
酒店夠大，帶左煲，煮左一餐畀bb，點知佢唔欣賞，食得好少！
玩賽車,啱晒男孩子!
ReplyDelete"其實係個mall大到唔知點行"<=同感~!!!
ReplyDelete間HOTEL好正呀~