結婚六周年

已經係2月尾嘅事, 呢日係星期日, 工人放假, 所以二打二既我地只能簡單慶祝

我地選左唐人新村既"唐", 因為距離我家只是10分鐘車程!

唐
網址: https://s.openrice.com/QrbS0nkO600
地址: 元朗 屏山唐人新村路1號地舖
電話: 3521 0144

間餐廳好大, 可能係星期日晚, 唔算多人

座位都好闊落

趁MOMO仲清醒, 影張相先!

呢間餐廳仲有個PLAY AREA畀小朋友玩, 但比想像中細, 我手抱MOMO, 無影相, 網上應該好多相關資料

DINNER TIME

老公叫左個肉眼扒, 唔錯, 唔UN, 連旁邊D豆同薯仔都好好味, 包包食左唔少薯仔!

我叫左雞 (已經唔記得咩名堂)

OK 但普通左D

底下薯餅又係好好味, HAHA

包包的兒童意粉

好普通, 但價錢就唔普通啦...

好在包包都肯食!

MOMO就自己乖乖坐

食食下MOMO眼訓, 飲左半支奶就訓左 (出街肯飲奶已經好好)

到甜品時間, 朱古力牌要加$20囉....

但呢個chocolate brownie 配雪糕真係勁好味, 暖暖地, 朱古力味唔太甜, 加上雪糕真係好正! 包包食左一半有多, 我其實想ORDER多一個呢! 只係甜品要等耐D, 加上包包都無咩耐性, 只好賣單走人....

職員好好, 主動OFFER影相

結婚六周年就只是簡單慶祝, 年初太多節目, 其實簡簡單單都唔錯!

個人太攰, 連慶祝都懶, HAHA

老公話希望10周年時可以去個二人TRIP, 唔知得唔得呢?

總結

門外有免費泊車, 揸車好方便

食物有質素, 但價錢都偏貴

地方大而舒服

有high chair又有小朋友餐具又有play area, 啱小朋友家庭

重溫上年

結婚5年，相愛15年

鄧包包與鄧momo

Momo 第一次剪頭髮

Momo一出世就好多頭髮，仲愈生愈長!

佢有一個壞習慣，就係一眼訓忟爭時就會r頭，而有時啲頭髮吉到唔舒服又r頭

睇下佢訓醒個樣，個頭好似打風咁

仲長到吉到眼，要成日潑啲頭髮

其實我想帶佢去salon剪，但99又話bb太細唔好，咁唯有自己出手啦!

剪左少少咋，到夏天就剃光佢!

剪完之後舒服晒!!

好彩剪完個樣都ok，塊面仲好似肥左tim!

鄧包包與鄧momo

製作專屬您的幸福習作

不經不覺, 包包已經三歲多了, 由當初緊張十分的新手媽媽,到現在成為熟手技工的第二任媽媽,過程中,實在學到了很多很多….

想說的,不是餵奶換片,而是在小朋友身上體會到,學到的一切。

小朋友的內心世界其實好簡單,喺陪伴孩子成長嘅旅程中，我明白”知足常樂,簡單就是福”!

平常,我會教導包包要學懂感恩,要知足。這個世代物質過盛,玩具多到玩唔晒,但我會教包包要珍惜玩具,愛護佢地。朋友送的,更加提佢,”你睇下姨姨/叔叔幾鍚你!”而不是只顧眼前玩具。玩具會壞,唯有愛是永恆不變,懂得感恩,世界都會變得美好!

的確,包包是好容易開心的小朋友,簡單如一粒朱古力,已可以令他笑到見牙唔見眼! 沒有迪士尼, 沒有冒險樂園,一個大草地, 一個足球,已可以令他樂半天! 大人呢? 我們在教導小朋友時,好多時自己都忘記,幸福其實好簡單…

常存感恩的心, 知足便常樂!

看到我的兩個寶貝天真燦爛的笑容,陪伴他們成長,是我最幸福的一堂課!

快點去美贊臣facebook,製作您專屬的幸福習作啦： www.facebook.com/meadjohnsonhk/videos/1677983682229670/

首1000位參加者仲可獲得$50書券! 我都已經分享左啦!

【FUN享有禮  製作屬於您的幸福#MOMment短片】

啟發自不平凡嘅親子書《孩子，你是我最幸福的一堂課》，立即到< bit.ly/mjgamesite >簡單上載三張相就能製作你嘅幸福#MOMment短片，展示你嘅幸福習作，首1000位參加者在此分享即可獲得$50書券！

遊戲玩法：

1. 建議「Like/讚好」美贊臣A+專頁及相關帖子

2. 建議「Share/分享」相關帖子

3. 到 bit.ly/mjgamesite 簡單上載三張相製作短片

4. 上載短片於留言位置

5. 到 bit.ly/MOMment_info 填寫個人資料

截止日期：2017年3月31日晚上11時59分

 

#美贊臣 #愛相伴 #MOMment #孩子你是我最幸福的一堂課

鄧包包與鄧momo

Momo 5個月成長紀錄

轉眼間又一個月，近來很忙很累，遲了，但仍然會堅持寫落去!

重

沒有磅重，但見到肉肉嘅大腿，應該ok吧!

食

5個月時，食奶好左，一般都食到4-6安，有一刻覺得momo好似唔再厭奶啦喎! 可惜媽媽我開心得太早，呢一刻嘅momo就食得好差，唉～

訓

因為食量不一，所以仲未有一個訓覺pattern，有時又會一早畀哥哥嘈醒，每日nap 3-4次不等，通常都訓得好短暫，唔多於一個鐘。夜晚10點左右訓，同哥哥同一時間訓，有時哥哥遲左訓，佢眼訓到發脾氣都唔肯訓!

10點幾最後一餐奶，通常3-4點就會餓醒，隊支奶後又訓過，訓到8點幾又會郁身郁勢，又餵奶，如果無畀哥哥嘈醒，可以訓到10點幾。所以momo基本上仍然一日6餐奶。

而且momo都算易訓之人, 暗佢訓時好多時好快就訓著,希望KEEP住啦, 因為包包哥哥有一排好難訓。

身體發展

5個月時未識反身(剛剛5m18d反到了)，可能因為少開play mat佢玩，無哥哥嗰時咁多練習! 好鍾意坐，除了訓覺之外，都要坐。有時坐佢自己張私家椅，坐得耐都會鼓譟, 叫人地抱佢架! 抱住佢坐時個人坐到好直, 有時畀佢挨住坐, 佢會自己屹起身坐直個人! 平時最大興趣係睇住哥哥玩, 望到實一實。

另一方面, 好鍾意食手指, 又好多口水, 口水巾可以一日用8條。訓係度時鍾意玩腳仔, 真係好得意架, 好彩佢未知腳仔可以食 XP

情感發展

依然係個HAPPY BABY, 唔怕生保, 個個同佢講野都笑, 有時我抱住佢同人傾計, 佢都會自己係度笑, 好得人鍾意架! 大笑既時候仲會KAKA聲笑, 好激動咁。哥哥成日同佢玩到大笑, 佢好鍾意哥哥, 哥哥都好鍾意細佬呢! 但係呢, 脾氣都好臭架, 唔鍾意就大叫! 仲識得扭媽媽抱, 爸爸抱住佢, 一見媽媽就牛咁眼望住媽媽, 如果媽媽唔過來抱佢就會開始發脾氣! 發脾氣時會R頭, 成日搞到花面貓咁。但係呢, 佢到宜家喊親都無眼淚架, 係假喊定淚線未發展好呢?

總結

momo食奶差, 所以放工後我都盡量自己餵佢, 半夜都係, 撞啱哥哥唔生性半夜要媽媽, 真係無覺好訓。上星期都頂唔順病左, 長期唔夠訓個人又攰又stress, 由朝早湊包包起身返學上校車到放工食飯陪玩暗訓半夜餵奶, 真係連透氣既空間都無。星期六有工人叫好少少, 到星期日又要全天侯湊b。但每次放工一入門口, momo 已經會笑晒望我, 真係幾攰都唔記得晒, momo 真係好好好可愛架(請願諒我咁誇張)。好想好想多點陪細佬, 好想多多抱佢!

阿婆食話梅, 個咁仔成日都係咁, ready for solid food?

Sweet Smile ~

好多口水, 牙痕? 好努力咬牙膠, 好多好多口水.....

有一日去街街大風, 包住佢好搞笑

陪哥哥去草地玩, 同媽媽selfie下先

情人節呀~ 媽媽同平時一樣放工就趕返屋企, 係咁二食下CAKE算啦....

額頭就係自己R到咁, 已經有搓指甲!

最鍾意食手指!

大爺式坐姿

Happy bear bear

美圖秀秀版, 靚唔靚仔呀?

開心果

momo 5 個月大啦~

哥哥幫手吹蠟燭

一家四口 :D

鄧包包與鄧momo

親子週末好去處 - 美贊臣戶外Messy Play活動

每個weekend都要諗下去邊度玩好!

可能因為住新界區, 艾利絲就比較喜歡去戶外玩, 三月份天氣好, 各類戶外活動都好適合呢! 最近留意到美贊臣將會喺數碼港舉辦首個戶外巨型的Messy Play活動!

記得上年暑假, 美贊臣喺PMQ舉辦「Inspired by Moms 原生探索坊」,可惜當時艾利絲正懷孕9個月, 未能帶包包參與其中!

甚麼是Messy Play？

Messy Play 又叫Sensery Play（感官遊戲），幫助小朋友探索、嘗試，從而刺激感官發展! 過程能增進小朋友的創造力，有助建立自信心及自我肯定，對於啟發小朋友嘅天資很有幫助！

包包係典型處女座, 完美主意者, 愛乾淨整齊, 對於 Messy Play佢一向不太熱衷。但係如果有好多小朋友一齊玩, 佢又可能會好鍾意, 又可以比佢嘗試新事物, 所以美贊臣呢個活動,艾利絲真係好有興趣帶包包去呢! 最重要係，呢個活動完全免費架!

美贊臣將於3月11至12日在數碼港特設「Inspired by Moms 原生探索遊藝會」，提供一連串免費參與的創意活動，包括巨型戶外「Messy Play原生探索屋」，首個巨型戶外以Messy Play做主題嘅原生探索屋,好似上次喺PMQ個活動咁，小朋友可以喺白雪雪嘅牆上面盡情畫、盡情玩，發揮自己嘅創意! 同場仲有多個免費嘅攤位活動，好似「畫出天資紙板屋」,「魔法綻放帽製作間」,「JAM出我天地」樂器製作坊, 「小劇場」, 「花面貓彩繪站」同埋爆谷小食開心Share! 完成指定任務仲有豐富禮品呢!

除此之外仲有原生探索回顧展, 可以回顧返上次係PMQ嘅「Inspired by Moms 原生探索坊」, 仲會show返上次參加原生探索坊嘅小朋友啲屋仔作品添! 仲可以現場walk-in, 等我mark定係schedule下星期六帶包包去玩先得!


美贊臣「Inspired by Moms原生探索遊藝會」活動詳情

日期：3月11至12日

時間：上午10時至下午5時

地點：香港數碼港數碼廣場

費用：全免

預約：所有活動可即場參與，「Messy Play原生探索屋」現已接受網上預約。可留意「美贊臣Enfinitas」Facebook專頁(www.facebook.com/enfinitashk) 參閱報名詳情。

特別多謝美贊臣送左個紙板屋畀包包, 等包包可以來個MESSY PLAY 熱身! 睇下包包收到時幾開心!

首先將顏色倒到顏色碟

再油油油 (開始時只肯用筆油)

睇下包包幾專注!

雖然好比心機油, 但說好的Messy Play 呢?

幾經鼓勵下, 終於肯"落手" XD

愛乾淨的包包真係玩得唔夠放, 希望去到美贊臣個Messy Play活動會放啲啦!

另外要一讚, 個屋仔真係好靚好得意呀!

快啲去@美贊臣Enfinitas Facebook或下面嘅link了解多啲詳情啦!

http://campaign2.meadjohnson.com.hk/messyplay/

#美贊臣 #Enfinitas #InspiredbyMoms #原生探索遊藝會 #原生營養源自母愛 #原生就是與生俱來 #啟發天資 #MessyPlay #潮媽必去 #親子週末好去處 #放電好地方 #周圍畫畫畫

拆利是

往年包包都對拆利是無乜興趣

今年三歲多，終於知道利是裡面有錢, 而有錢可以買好多野!

兩兄弟既利是, 已經分唔開

MOMO 細佬當然未識利是係咩, 但呢個HAPPY BABY係成日笑, 一同佢講野就笑

MOMO真係好得人鍾意架! 同哥哥BB時真係好唔同 (哥哥BB時好COOL架)

好啦, 拆利是啦...

順道教包包認識紙幣 (平日真係無機會特別教佢, 加上宜家出街多用八達通同信用卡, 包包好少機會拎住紙幣)

又可以訓練手指仔, 同於包包, 有D利是封係有難道

面對咁多利是, 包包: 媽咪你快D幫下我啦!

HAHA....

利是錢媽媽會好好保存.... 保存到...... 18歲? 得唔得呢??

鄧包包與鄧momo