Momo 4個月成長紀錄

MOMO 4 個月大啦....

重

4個月返健康院, 有7.05kg，keep住50%成長線。(包包哥哥果時重7.52kg)

MOMO食咁少, 有呢個重量我已經好安慰啦

 

食

依然係厭奶, 食奶時間份量都好不一, 日間通常差D, 一安都試過, 食到4安已經叫好! 夜晚就好D, 可以食到5安左右! 全日就大概21-25安

 

訓

夜晚11點前通常訓左, 半夜訓到3-4點 (最多5個鐘)就會叫餓, 要食奶... 都成4個月, 都訓唔得耐... (媽媽我好眼訓呀)

日頭因為食無定時 (食得少就3個鐘一餐, 食得OK就4個鐘一餐), 所以都未有一個訓覺pattern... 日間都係短NAP, 30-60分鐘, 幸好夜晚算OK, 訓得淋 (但要食夜奶, 訓住食).... 眼訓時畀奶咀加拍拍PAT PAT, 好快訓, 比哥哥容易入睡...

 

行為

• 宜家除訓覺外, 一定要坐! 所以媽媽買左張私家椅畀MOMO, 當堂開心晒! 最鍾意坐係度望住哥哥玩車車.... 一係就自己食手指 (食到習習聲架)... 有時會自言自語, 完全唔使理佢都得, HAHA... 到佢叫時, 通常就係眼訓啦....






• 依然易笑愛笑, 有時仲會笑到KAKA聲架, 好得人鐘意!






• 每晚包包哥哥都會睇15分鐘PEPPA PIG DVD, MOMO都會一齊睇(無法啦~), 好讓媽媽我可以沖涼執下野, 宜家一開PEPPA PIG DVD, MOMO一聽到片頭歌就識笑, 仲會睇到好開心咁, 咁快就愛上PEPPA PIG??






• 3個月已抬頭, 呢個月無進展, 但MOMO都ENJOY我同佢玩反身, 無哥哥咁懶豬! 原以為佢會好快反身呢, 可能冬天多衫吧! 不過哥哥6.5個月先反身, 我諗MOMO點都會快少少吧 XD






• 呢個月開始勁多口水, 又鐘意食手指(包包哥哥係唔食手指架), 一日用4-5條口水巾!






• 八卦B一名，出街會四圍望, 唔理佢都得, 佢自己食手指, 但出街就唔願訓，周圍望，明明眼訓到傻都唔訓，又唔肯飲奶!

總結

MOMO豬係食奶煩D, 其他時候都好得人鍾意架! 所以我都考慮早D加固, 希望佢食得OK啦, 唔好學哥哥呀!

最估唔到4個月大都仲飲夜奶, 媽媽我都習慣了唔夠訓啦, 但只要佢食到多D奶, 我都心甘情願, 呢D日子要過幾耐呢???

星期六包包通常要上興趣班, 星期日因為工人放假, 媽媽我要湊B而好少帶包包出去玩 (因為MOMO細佬出街又唔肯飲奶), 真係有點內疚 ... 幸好包包天性樂天, 去下SUPERMARKET, 買個MCDONALD佢已經好開心! 希望MOMO大D之後可以多D兩兄弟一齊出去玩啦!!

MOMO好鍾意坐!

雙下巴 XD

沖完涼未梳頭就係咁, 宜家知佢點解叫MOMO啦.... (點解有D似北韓金X恩)

我CHOK嗎??

12月有幾天好熱, 露下肉腿先....

自己玩, 唔使理佢.... 比哥哥果時多反應

玩UP UP, 好易笑到KAKA聲

喜歡你微笑個樣, SWEET~

我個頭梳得靚唔靚呀!

出街要著得型D!

新買私家椅, 一坐上去就開心晒!

教我如何不愛他 XD

頭仔抬得好高啦

有一晚爸爸好夜返, 媽媽我一打二!

包包愛MOMO ^,^

媽媽生日遇上MOMO 4 個月

新年快樂!!

鄧包包與鄧momo