今年嘅正月十五係momo嘅大日子，因為我地係圍村人，momo 係男丁所以有份點燈呀～
回想包包點燈時，真係好熱鬧開心! (回顧: 包包點燈)
適逢今年嘅正月十五係星期六，真係超級多人呀! 艾莉絲媽媽我因為要湊兩個，又多親戚朋友，無奈地無點影相，好在有好多朋友send返啲相畀我咋!
而唔知係唔係因為momo係我家第二個仔，所以大家都無包包哥哥嗰時咁著緊，而且當日實在太多人也有點混亂，希望momo大個睇返時唔好介意，媽媽爸爸都一樣咁重視你架!
當日朝早5點，奶奶就起身準備啦～ 要煮燈粥，仲有好多餸。
當天一早10點我們一家從家裡出發，一路行到祠堂都要敲響銅鑼，寓意話畀村民知，我家要點燈啦～ 之不過主角momo因為還在睡覺，所以無隨隊出發，而敲銅鑼嘅工作，就由包包哥哥負責啦～ (實情係佢敲左幾下就話攰 XD)
去到祠堂門口已經勁多人
去到祠堂，老爺同老公就忙於拜神拜祖先
呢個全盒就係我奶奶煮... 如果兩兄弟第時生仔，我真係唔知點煮咁多野 (>﹏<)
呢日係星期六，引來唔少人來湊熱鬧，拍照嘅人好多!
有檸檬茶就開心嘅包包!
除了個全盒，當然唔少得燈粥
燈粥，又叫丁粥
起筷啦～
好多人呀!
呢個時候我就回家接momo豬啦～
Momo都要執正啲去見人呀～
Momo剛醒，見到咁多人，一臉迷惘
我回來時，已經畀人食左好多
包包一向唔鍾意食粥，但係意思意思食少少啦
又怕佢之後肚餓
窩粥只剩下四分一
食完粥到外面影下相
回想包包點燈時，好似無幾耐之前嘅事
估唔到幾年後到細佬 (應該話估唔到又係仔)
呢個就係點燈用嘅燈啦
我條村係一大燈代表全部丁
(唔係一丁一燈)
轉眼之間，包包都咁大個了
第時你嘅仔，會唔會仲有呢啲習俗呢??
祠堂門口
回家休息一陣，又出來玩啦
因為年年十五都好熱鬧架....
包包兩個要好同事仔都黎左玩呀～
呢個傻豬幾開心!
年年都會請明星仔來唱歌, 今年有何雁詩同張彥博(細寶)
兩個真人都幾靚仔/ 靚女呀! 唱歌仲好好聽!
之後就係小朋友最期待既環節, 舞獅呀~
包包&同學仔睇到拍晒手!
呢日仲要大大個太陽, 熱到要除衫呢
連我自己都覺得好好睇!
因為多親友來, 夜晚要開3圍台食飯, 包包由早玩到晚, 超級開心, 利是都收唔少呀!
