細路定細妹?

有個仔，當然想要個囡囡啦～

特別係包包咁可愛，更加想要個女版包包呢！

但都明白呢啲野唔能夠強求。

我又學下人地，未知bb性別時問下包包bb係男仔定女仔先! 而包包次次都話bb係男仔! 但包包嘅表弟堂弟全部係男仔，所以我都唔係幾信佢估嘅!

至於我自己，唔知係唔係女人嘅第六感，我一直覺得bb係仔黎，雖然我好想要個囡。

結果…… 14週檢查嘅時候，就已經知道……

又。係。仔。呀～

預演一家四口(個bb係包包表弟) XD

雖然有少少失望，但都好快接受左，好似自己已經有預感咁。無論仔女我都一樣咁愛佢地!!

包包係9月頭出世，而bb 會喺9月尾開刀，所以基本上所有bb衫都著得返，仲有包包表弟堂弟都有唔少可轉送畀我。唯有安慰自己呢胎可以慳唔少錢啦～ 到宜家咩都無買到呀！而包包將會喺9月開始返全日班，時間上真係啱啱好呢～

生仔6299一定最開心啦，始終係圍村人。但我要重申，宜家已經無生仔有錢分有地分呢支歌仔架啦，有時聽到啲朋友講呢啲，都真係嬲嬲地架，好似我特登生多啲仔去分錢分地咁!!

另外，就係好多人叫我再生多個啦！

下，呢胎都未出世就叫我生多個? 又唔係一定生囡喎?!

我唔敢肯定我會唔會再生，因為實在太多變數。

我同包爸都生於大家庭，也愛大家庭。但始終養一個小朋友唔容易，自己又唔知自己可否handle，還是留待上天決定吧～

我諗得太遠啦，希望呢胎順順利利，也希望細佬好似哥哥咁乖巧啦～