又好耐無寫成長紀錄了
順道寫下包包近況，因為佢真係麻煩到不得了!
重
學校每月都有weight day, 包包keep住每個月高1-2cm,宜家有92 cm了。但重量已經幾個月無重，愈來愈瘦 :(
食
最近食得好差，唔知係咪夏天無胃口，餐餐飯食一平就話飽，就算有佢平日最愛食嘅食物都係。湯又唔飲水果又唔食! 但就飲好多水。所以最近我訓前都畀支奶佢，希望佢過一排好啲啦
訓
愈大個就愈唔願訓，好似唔攰咁，bedtime story講完一個又一個!又話要weewee又話要飲水，又話要攞返啲野畀爸爸，借啲二唔訓。有時10點入房，11點先訓著，真係激死人!
語言能力
雖然相比同齡仲係差少少，但我睇住佢一路進步。會講短句，有時會好努力講句子。因為讀英文學校，有時仲會講英文添!
一啲字如瓜，龜，以前講唔到宜家都講到啦～
英文就無晒s音，要提佢先講
宜家仲勁鍾意唱歌，ABC, theyou wheels on the bus, i love u u love me (barney)，birthday song, twinkle twinle little star都係佢飲歌, 中文歌就鍾意太陽伯伯，有時仲會自己改歌詞添! 如有時間要寫下包包語錄先!
情感發展
呢part最想寫，細個都算大膽嘅包包愈來愈唔肯嘗試。除了bouncing castle驚左之外，又唔玩千秋，去到公園見到好多人玩緊嘅野，佢都唔太想埋去玩。怕游水，沙都唔太鍾意。
另外有啲trouble two 特徵，表達唔到就喊，發脾氣。屋企人暗地裡叫佢小氣鬼，好易就嬲，嬲就喊。特別係眼訓時完全蠻不講理。平日出街好behaved 嘅佢，第一次喺街度扭計喊。老公話佢曳左好多，但我唔覺得呢啲叫“曳”，只係佢嘅情緒快過佢把口，講唔到出來。我唯有多鼓勵佢表達，引導下佢，抱下佢安慰下佢。好多時扭計得我先攪得掂佢。但係，包包也變得喜歡依賴媽媽，嗲媽媽。少少事就喊住搵媽媽。老公話我唔係度時包包好少扭計，唉 …… 另外，最近仲有打人行為(包包有個好曳嘅表姐，佢唔鍾意表姐就成日話打表姐)，但我話佢，佢又知自己唔啱架喎!
愛面子，明明自己唔啱都唔認，就算認左自己唔啱都唔肯say sorry, 要我講好耐道理先肯! 有人上來屋企會即刻除奶咀。勁鍾意人地讚佢，有時仲自己讚自己叻叻，或者叫我地畀個good 佢。受軟唔受硬，爸爸鬧佢，佢死都唔認錯，仲會嬲左爸爸，反而我慢慢同佢講道理，佢就肯。最近嘅行為真係令我好頭痛!!
同學校老師求助，miss話包包喺學校好乖，完全無打人爭野玩，話佢係班上數一數二乖嘅，仲讚佢無瀨尿，自己weewee完全唔使嬸嬸幫助。對於miss嘅高度評價，估計愛面子嘅包包喺學校更係唔會曳啦！不過miss話會同佢傾下計，之後打人嘅情況又真係改善左，老師真係我地嘅救星!
講完曳野又講下好野啦，除了食飯，自理方面都好左，識自己除褲著褲，除襪著襪，朝早仲會自己著鞋揹定書包等媽媽(媽媽喺廁所極速梳洗中)。日間weewee poopoo 已經no problem，但訓覺都仲未ready。係個有禮貌小朋友，會叫人，講唔該。但對陌生人就唔係時時肯開口。同佢勾手指承諾左嘅野，唔會反口，如果做唔到佢係唔會肯勾手指。喜歡睇書，但更喜歡媽媽同佢講故事。鍾意count 1-20, 咩都數一餐。超級車迷，玩車可以玩2個鐘，咁專注，都唔知好定唔好。
依然極完美主義, 有自己主見, 畀A同B佢選擇, 佢係會選C或者唔要, 好有性格! 愛整潔, 叫佢TIDY UP佢都好樂意, 食野之後會自己攞TISSUE 抺咀, 仲會掉埋落垃圾桶... 飲完奶食完野既碟, 會攞入廚房! 但有好有唔好, 有時佢太堅持, 都十分嘔血架!
總括來說，心情好嘅包包真係好乖架(應該個個小朋友都係)，但扭計時就要用好多時間同佢講道理。但我諗男仔來說包包算斯文，做媽媽也不能要求太多。
烈火戰車，包dee
前波後波，甚至S型泊車都控制自如!
黃金海岸
訓醒嘅檬豬樣
I love panda
屋企好晒?!
自己話要同羊咩咩影相
車迷愛食nuts
Selfie
新買嘅的士，超開心
下雨look
勁愛對rainboot同呢把雨傘，上年喺沖繩買架
家中搖控車已manage得好好，叻過我
車呢方面，包包確係玩得唔錯
包包愛紫菜
仲未夠高
每次買完野都要泊好架車先走，見人地無擺好又會去泊好先走
趕時間既話真係激死
婆婆買左架巴士畀佢
勁開心
I love papa
就算咁大架嘅電動車都控制自如
Summer look
