Ocean Park - Oct 2015

因為有年票，早排見天氣好就同包包去海洋公園

我地10點就到，早上都唔太多人

首先去海洋館先

原來宜家已經唔畀摸啲海星海參啦

但包包仍然去掂啲水

啲水好凍，佢掂到就好開心

傻豬！

之後慢慢睇魚魚

去到shop就最開心

因為包包好鍾意動物公仔架

但佢唔會扭買，我話byebye啦

佢就會放返原位再同公仔byebye

跟住去睇熊貓

但隻熊貓唔夠十秒就走返入去

相都影唔到

不過都好過上次見唔到

睇包包個樣就知佢真係好鍾意動物！

熊貓餐廳附近有個影相位

包包見到呢隻會郁嘅熊貓係勁開心

可能以為佢係真熊貓？？？

(雖然我覺得佢唔太靚)

我地仲買左張相呢～

嗰時係Halloween

有條路仔行入去

入口有人派紙袋仔

每隔一段路就有姐姐玩遊戲

玩完就會派糖/timtam

包包也從此愛上timtam!

之後去食lunch啦

去返熊貓餐廳

覺得啲食物較啱包包食

最重要係有雪糕食！

咁我地先可以舒舒服服咁食飯

食完返就坐海洋列車過對面

巧遇朋友仔

Hug hug先！

大家都咁啱著紅色衫！

近近地去睇企鵝先

最鍾意動物公仔！

其實好想買畀佢

但包包又無扭我買

公仔又大隻又無咩用

都係慳返

再去海洋劇睇海豚

上次包包等等下訓左無睇

今次大個左，睇到拍晒手呀～

只係開始眼訓，要食奶咀

(佢一眼訓就會叫我地畀奶咀)

睇完就坐纜車過返對面，係時候返屋企lu

因為包包已經無電

其實佢食緊timtam

買少少零食，食埋就去攞車

因為Halloween, 我地走時已經人頭涌涌

啲鬼都已經走出來

我地都要行快兩步，免得嚇親包包

(其實可能我地驚啲XD)

上車唔夠兩分鐘暈左

其實好想多啲去op，但距離我家實在太遠

而且雖然有全年票

但隧道費，泊車費，食飯，買下飲品同零食

都唔平！

真心好羨慕台灣同日本嘅小朋友！

點解香港要睇動物要咁貴？！