2012與媽同行新加坡 DAY 2

2012年10月21日

酒店係HOTELS.COM BOOK, 所以無早餐, 我覺得無所謂架,SG咁多野食...

清晨既CLARKE QUAY都好靚....

尋晚喺THE CENTRAL食晚, 發現嗰度原來有間阿坤!! HAHA , 等我地之前一日去CHINA TOWN搵佢!!!

所以今日早餐當然係食阿坤啦....

依舊的好味!!

呢個法式TOAST好味呀... 好似西多但無咁熱氣架..

裡面有CHEESE, 再點咖吷醬食, 好好味!!
本來打算買咖吷醬返HK, 點知走時唔記得左

我地下一個行程就係BOTANIC GARDEN啦...
因為媽咪好鍾意蘭花... BOTANIC GARDEN有個NATIONAL ORCHID GARDEN, O岩晒媽咪!!!!!

SINGAPORE BOTANIC GARDEN
http://www.sbg.org.sg/visitorinfo/openinghours.asp

本來打算坐TAXI去, 因為NATIONAL ORCHID GARDEN個入口唔近MRT...  (NASSIM GATE)
但媽咪死都話貴, 仲問有無巴士去!!
於是我就話咁坐MRT去到BOTANIC GARDEN站再轉TAXI啦... 媽咪先肯去JA....

點知一出MRT站... 落勁大雨呀!!!!!!!!

我地有帶遮... 所以決定坐TAXI去左BOTANIC GARDEN先...
喺TAXI上, 出面超大雨呀... 果然同MRT都有D距離... 好在無諗過行過去!!!
(坐完後媽係咁話TAXI貴 )

去到BOTANIC GARDEN, 都仲係落緊雨...
我地行左一陣間手信店雨都未停, 所以就坐低食下野先...

估唔到個SANDWISH又幾好食喎.... 而且好飽肚呢.... 對住綠油油既景色食野特別舒服!!!!

雨細左好多... 我地就起行啦...

BOTANIC GARDEN真係好大呀.... 好在落完雨, 涼涼地唔熱!!

NATIONAL ORCHID GARDEN呢PART要入場費 (ADULT SG$5), 但老人家要係SG$1

我都影左唔少相, 媽咪好ENJOY呢...

D花真係好靚呀, 喜歡蘭花既人一定要去呢...

行完蘭花園, 媽咪話想繼續行.... 證明媽咪係好行得架...

BOTANIC GARDEN真係好大呀.....

呢PART好多雞蛋花樹呀....
我好鍾意雞蛋花架....

阿媽想行耐D架, 不過我話要去下一個地方啦....

本來想同媽咪去EAST COAST, 以前同KENNETH去過, 我地好鍾意嗰度....
而且可以順便去GEYLANG食榴槤.... 同埋去食叻沙....
不過媽咪話遠喎 (我覺得佢對EAST COAST無興趣)

咁我話不如去動物園啦.... 媽咪即刻話好!!! (其實ZOO都唔係近架....)
因為媽咪十年前去過NIGHT SAFARI... 佢好鍾意睇動物...

我話ZOO無MRT架.. 要坐TAXI去....

個TAXI司機識講廣東話, 媽咪係咁同個司機傾計, 係咁同人講新加坡D野好貴呀...
而且問司機ZOO附近無MRT架... 個司機就話我地知走時可以坐TAXI去KRANJI MRT... , 再坐MRT就無咁貴啦...OMG....

SINGAPORE ZOO
http://www.zoo.com.sg/

個ZOO真係
好大呀...... 行到我想死....... 阿媽又好ENJOY睇動物喎...... 再一次證明媽咪行唔行得係睇心情!!!!

睇下, 我地真係行晒成個ZOO架!!!!

最靚係旁邊有個湖, 好PEACEFUL,好靚.........

之後我地就要趕住走, 因為呢晚約左朋友食飯呀....
而我地坐TAXI再轉MRT, 用左成個鐘先回到HOTEL呀....
行左成日, 累到想死.........................

而且, 除左個SANDWISHES, 呢日下午無食其他野呢.... 好餓呀....

去到CLARKE QUAY, 即刻要整個雪糕三文治呀!!!!
媽咪又係食榴槤味, 而我就食MANGO味... 仲試左面包, 軟綿綿, MANGO味好好味呀!!!!

去唔到EAST COAST 既LONG BEACH, 朋友帶我地去左LONG BEACH既另一分店...
水準都十分之好呢....

油炸鬼內釀左蝦肉蟹肉, 炸得剛剛好, 好味呀!!



金姑白菜... 清清地, 無味精架.... 好味!!!



每人2隻大大隻聖子... 正!!

主角呀.... CHLLI CRAB!!!!

依舊既好味呀.... 媽咪都大讚呀!!!!!

好大隻呀....

最好味既仲有呢度既曼頭.... 外面鬆脆, 裡面軟綿綿, 超好食呀!!!!!

呢餐真係好滿足呀!!!!! 而朋友仲係都要請我地.... 真係唔好意思呀....
多謝你R先生!!!
係MELB識既朋友, 都識左成10年啦... 佢又黎下HK, 我又去下SG, 所以呢幾年都KEEP住有見面....
好GENTLEMAN好NICE既男人.... 未結婚架.... HAHA.... 我成日都叫佢黎HK識女仔, 大把佢揀呢!!!!



呢日真係SUPER累呀....
返到HOTEL, 同老公傾電話... 老公話好掛住我, 星期日屋企無老婆好慘喎... HAHA....
攪到我都好掛住老公, 仲有D內疚, 掉低左佢一個人....

下一篇DAY 3 我就開始唔舒服啦....