2012與媽同行新加坡 DAY 1

2012年10月20日 (六)

本來我係想同媽咪去台灣既.... 因為我都去過幾次台北諗住唔使點PLAN... 點知媽咪因為內地出生而要一個月時間做台証, 太趕所以就改去新加坡!!
大家都知新加坡唔平架.... 所以我就用左我D  MILES黎換機票, 但由於我真係太遲先BOOK機票, 而我又只有4日假, 所以兩程機都係零晨機... 我媽唔使返工, 所以佢無所謂, 只係我自己累D啦... 因為係零晨機, 所以上機落機老公都可以黎車我地, 唔洗迫巴士, 所以媽咪都好滿意我安排...

我3年幾前去過新加坡, 而媽咪成日話自己去過新加坡, 原來係十年前去左一個星馬5天團, 留過喺新加坡一日半咁多!!! 所以我唔當佢去過新加坡 (SG)囉...

行程當然由我PLAN, 但去到新加坡好多行程都改左... 因為要就媽咪...

落機後我地就去T3坐地鐵(MRT)去CLARKE QUAY... 其實本來諗坐的士架, 不過時間咁早, 又無野做, 坐地鐵都好方便 (咁先係自由行啊)

呢日我地7點幾就去到CLARKE QUAY啦.... 清晨既酒吧區好清靜呢....

最高呢座就係NOVOTEL啦...
酒店當然未可以咁早CHECK IN... 不過好好呀, 酒店畀我地9AM CHECK IN...

所以我地就先去搵食啦...
我地決定去只有一個MRT站既CHINA TOWN牛車水..

去到都未夠8點, 我地就周圍行下...  好冷清呀...

到差不多8點, 見旅遊書話阿坤8點開, 就諗住行過去啦... 行行下見到人就問下係咪喺個邊, 點知個人話阿坤無咁早開架喎 (又一次被旅遊書騙了)...
仲點左我地返轉頭去牛車水一個地方, 話好多野食架喎...
睇旅遊書個度叫牛車水巴剎....
行返轉頭.... 去到嗰座野, 上到去原來係一個熟食街市... 我媽行左咁耐已經有點攰又熱, 去到仲要無冷氣又唔係食咩好野... 媽咪即刻無晒MOOD... 仲話無野好食....
於是...
我地喺新加坡既第一餐....
係...
港式點心...

我另外買左甘蔗汁同檸檬茶.... 甘蔗汁好飲, 無香港既咁甜架, 又甘甘地咁...

話說去買甘蔗汁時, 我問甘蔗汁係凍定熱架? 嗰個人就話你地D香港人問埋D咁既問題架, 甘蔗汁更係凍架啦...
我話香港蔗汁有熱架... 佢就話D蔗點會熱架......
我點知喎....

食飽之後就返酒店訓個靚覺啦...

間房都幾大, 幾舒服!!!

NOVOTEL喺呢區都算高, 我地間房喺22/F, 個VIEW 好好呀...

本來BOOK 左DUCK TOUR 12 NOON, 但媽咪話呢D觀光TOUR係呃遊客錢, 唔好晒錢去喎....

DUCK TOUR
https://www.ducktours.com.sg/booknow.php?tourid=DUCK
(如果打電話去BOOK係唔使預先畀錢架!!)

好在我係新加坡個FRIEND幫我打電話BOOK, 唔使預先畀錢, NO SHOW都唔會扣錢ja...

訓醒後我地就去搵食啦...

行去MRT時見到雪糕車呀... 就係好出名既雪糕三文沿啦... SG$1 件, 好抵呀!!!

媽咪好鍾意食榴槤, 當然要榴槤味啦...

我試左一啖, 榴槤味好濃, 媽咪係咁話好味呢...

而我就要左CHOC-CHIP... 味道OK啦... 只係無咩驚喜..

呢日我就想帶媽咪去食海南雞飯... 其實我上次來SG都覺得SG既海南雞飯唔係想像中咁好食... 因為我地香港人食開新鮮雞, 又滑又有雞味...
不過一場黎到都應該要試下!!
本來想去DUCK TOUR既, 所以跟旅遊書搵左呢間喺CITY HALL附近既"逸群海南雞"
不過旅遊書又無講邊個MRT出口, 所以我地是旦出去然後再搵街名...

就係咁走多左路啦.... 其實我OK架, 就當行下街睇下風景建築物....

但媽咪就好唔LIKE... 係咁話點解行咁耐架...
行左15MINS終於搵到啦.... 條街有D好靚既屋仔呢....

好在呢度有冷氣ja... 如果唔係媽咪又無胃口食野....
呢度好簡陋, 都有唔少本地人幫襯!

我地叫左半隻雞, 同一碟菜... 仲有一青檸水同意米水... 不過個意米水好怪....
我媽係咁話貴, 話食呢D野都咁貴呀? 又話碟菜咁普通都要SG$10, 又話D雞無味, 仲要大大聲咁講!!

而我就覺得雞味唔濃, 不過都滑, 係底嗰幾舊鞋D... 個湯出奇好飲, 無味精味, 連阿媽都讚! 個油飯都好好食呀.... 個菜雖然一般, 但都新鮮爽口!!
我地2個最後都食唔晒...因為我都飲左好多湯呢... 如果老公喺度, 一定清晒呀.... (老公好鍾意食油飯!!)
新加坡黎講呢餐其實唔貴呀, 而我食飽飽都好滿足!!!

行返去MRT經過RAFFLES HOTEL, 外表好靚呢...

食飽之後行左陣個MALL, 媽咪例排話D野貴, 好快就行返出黎...
我諗住同媽咪去魚尾獅嗰邊行下....
雖然只係一個MRT站, 但我都諗住坐TAXI過去...
點知我媽居然話佢上次黎SG已去過魚尾獅, 唔洗再去喎!!!!

可能媽咪仲有D累啦....
唔緊要, 最緊要媽咪高興, 唔去就唔去啦...

於是我地就返HOTEL... 因為HOTEL有個唔錯既POOL.... 返去游下水, RELAX下都好...

游完水, 沖埋涼, 休息一陣已經天黑啦...
我地係時候食DINNER....

CLARKE QUAY 夜晚好靚呀, 媽咪都話靚...

見到MY DREAM WEDDING同一對香港人影婚相, HAHA!!

如果同老公黎一定會坐低HAVE A DRINK呀.... 河邊好舒服呢....

本來想同媽咪去老巴剎食串燒, 但經過今日知道媽咪係唔可以去無冷氣地方, 所以唯有放棄 (-__-)

我問媽咪想食咩....
媽咪居然話想食.... 日..本...野!!!! 

CLARKE QUAY有2間日本餐廳, 但媽唔係話貴就唔O岩食...
媽好眼利見到對面THE CENTRAL有間日本餐廳.... 所以我地就行左過去啦...

點知入到去....
係日式西餐廳 (好似香港POKKA CAFE)
個MENU都OK既...

媽話唔係好餓, 所以唔係叫左好多野食...
有SALAD, CORN SOUP, SALMON WITH CHIPS, CARBONARA, LEMON TEA...
(好唔日式啊, HAHA!!)
好在媽咪都OK...

食飽飽就慢慢行返HOTEL...

咁就一日啦...

真係好唔"新加坡"呀.....