2010 X'MAS 節目(3) - ELEMENTS + BBQ + BUFFET

2010年12月24日

我地唔想同人迫, 只係去左ELEMENTS食餐飯, 跟住去HMV買碟返屋企睇... 其實只要同心愛既人一齊, 簡簡單單已好幸福 ^^

我地一向都唔會特別買X'MAS PRESENT, 因為唔想大家破費, 但某一年KENNETH開始買朱古力俾我, 所以我宜家都會買朱古力俾佢, SWEET SWEET 過聖誕!! (其實D朱古力會一齊食... 重會一齊肥... HAHA...)

2010年12月25日

呢日我一家人黎我家玩同BBQ, D小朋友好興奮好開心, 我買左D聖誕玩具同氣球俾佢地玩呀... 家姐們同姐夫都有黎, 不過呢日寒風襲港, 住開九龍既爸爸媽咪凍到唔肯去花園BBQ, 笑C我... 由於我整日忙於同我D兒甥仔女玩, 完全無時間影相!!!

好耐都無同屋企人BBQ, 聖誕節同一家人過真係最開心...

整古做怪的小KIMMY...

2010年12月26日

呢日因為姐夫贊助, 一家人去旺角帝京食BUFFET, 不過好多好多人呀... 呢D大時大節真係唔好去食BUFFET!!!

又見到孖仔啦... 佢地宜家同KENNETH好FRIEND啦... HAHA...

一去到已狂食, 到DESSERT先記得影相.... 不過呢D都MA MA....

一連幾日X'MAS假期就咁過左, 不過同往年唔同既係我大部份時間都係同屋企人過... 唔知點解最近好想多D時間陪屋企人... 唔同以前只係掛住出街同FRIEND玩呢!!