2010年9月25日
呢日媽咪一早叫醒我, 話同我去買金!! 媽咪話D金一日一日咁升, 唔係辦法, 話要快D買... 原來媽咪有供開金會 (係一間細細地既傳統金舖), 我同媽咪爸爸飲完茶就去揀金啦...
首先睇龍鳳扼, 媽咪問我鍾意邊對, 但老實講我真係無所謂, 反而驚媽咪要使好多錢, 因為D金真係好貴... 個SALES拎左一對出黎俾媽咪睇, 媽咪就話 "唔得, 咁細對!"... 媽咪就拎左最大o個對話要呢對!! (因為係細金舖, 最大o個對都唔係話好誇o個隻) 媽咪重話想買大對D都無!!!
我真係好感動呀 ~ 就係呢對啦...
之後媽咪就話要買多條頸鍊俾我... SALES就話新返左好多新貨拎俾媽咪睇... 但媽咪又話太細條, 唔得體, 又話唔夠靚... (好似媽咪揀唔係我揀呢!)
根住媽咪就自己揀左2條俾我揀, 2條都ok, 於是我就揀左條輕D既, 因為實在唔想媽咪用太多錢.... 就係呢條啦...
媽咪又話要買埋耳環襯番, 但我立即阻止, 因為耳環真係帶左都無人知, 唔想媽咪破費啦.... 而且我個化妝師有provide埋首飾...
呢日真係覺得媽咪好錫我, 好幸福 ~ 
呢排都無咩時間陪媽咪爸爸, 好慚愧... 希望婚後有多D時間可以陪佢地!!
D金真係好貴呀, 升到...................慘不忍到
ReplyDelete[版主回覆09/26/2010 22:38:00]係呀, 你買左未呀? 未就要快D啦...
真係好貴呀!!我叫媽媽唔好買啦~ 用番佢結婚果對,之後比番佢,真係唔想佢破費呀!!
ReplyDelete[版主回覆09/28/2010 14:24:00]媽咪話佢外家好窮, o個時都無咩手飾... 所以我地真係好幸福... 我話借家姐o個d帶, 媽咪話點都要買d嫁妝俾自己個女喎...
我上星期都買咗喇,本來想等下仲有冇得跌,不過睇個勢都係會升喇,所以要買了~~
ReplyDelete[版主回覆09/28/2010 14:26:00]次次跌就跌少少, 升就升多多!!! 都係早d買好...
你媽咪真係好鍚你呀!!
ReplyDelete@@ D 金真係好貴呀, 之前媽咪都同我去睇左...但實在太貴..買唔落手呀~~~
ReplyDelete[版主回覆09/29/2010 23:06:00]要買就快D買啦...
係呀,媽咪買比我時我都揀啲輕手啲o既,好彩之前買咗o乍,今日13100喇~~
ReplyDelete唉.. d 金價真係... 升極都仲有!!! 阿媽話唔會跌添呀... 你媽咪幫你話哂事你又聽哂佢話，佢鍚你你又尊重佢 對呃同埋金鍊都好得體~~~
ReplyDelete[版主回覆10/05/2010 11:53:00]阿媽話唔會跌添呀 <- 我媽咪都係咁講!