最近病得好辛苦, 由感冒變成咳咳咳咳.... 咳左都有10幾日啦... 睇左3次西醫, 3次中醫, 宜家好番d, 決定由佢, 希望"吽"下自己會好... 咁大個女都係第一次病咁耐, 所以呢2個week個人都好depressed... (食唔好, 又訓唔好...)
星期六同KENNETH見面時, 佢無啦啦俾封信我, 原來佢知我最近心情唔好所以寫左d野俾我... 好窩心呀...
(佢中文唔好, d字又唔靚, 所以係"打"出黎既, 重用左好CUTE既FONTS!)
我真係好希望我地能夠永遠都好似呢刻咁相愛, 因為我知愛係會因為環境, 心態, 同一d估唔到既野而變質, 所以我決定要blog低多d我地既回憶, 第時睇番, 就會記得我地有幾愛大家... 愛是不可偷懶的!!!
KENNETH, 我知你自從升左engineer之後就好忙, 你要加油呀, 因為今日既辛苦係為我地既未來準備, 至多我應承你我學煮野食整多d好野俾你食啦... (資質有限, 俾d時間我就得架啦... hehe...)
自從快要做人老婆之後, 突然覺得做女既真係好幸福... 我病媽咪又煮野俾我食, 未來奶奶又係好care我... 我地一定要好好孝順自己既媽咪呀!!!!
星期六晚發生左一單笑料, 話說未來奶奶話荔枝酒可治咳, 佢有d自己釀既荔枝酒, 係咁叫我飲... 其實我係唔飲得酒架, 飲少少就唔舒服... 但我見未來奶奶係咁叫我試下, 我就當飲苦茶咁飲左3大啖... 唔使半個鐘我就開始頭痛, 係痛要訓係度, 又成身無力暈下暈下, 根住就訓著左... 攪到KENNETH同未來奶奶好擔心, 重話以後都唔會俾我飲酒喎... 但我第2朝就咩事都無啦... 只係覺得自己咁易醉好攪笑!!
原來d荔枝酒係用米酒釀, 好勁架... 而且呢次係KENNETH同我拍拖以黎第一次見我飲醉酒, 佢話估唔到我真係咁渣喎... (所以我一向都好disipline, 唔飲酒架!)
近來我地婚禮方面都無咩進度, 因為我地weekend掛住打wii.... haha... 我要返工+返學, KENNETH又成日要OT, 攪到我地一到weekend就懶到死...
不過我地都有d野計劃緊架... 而且都知要快d做下野... 我都俾身邊既朋友仔"哦"啦...
我會加油架啦!!!!!
so sweet.............. jealous
ReplyDelete你男朋友, 同未來奶奶都好錫你ar~~
ReplyDelete呢期秋燥ar... 要介口, 煎炸熱毒, 西瓜, 橙, 凍野...都唔好食...
仲咳的話, 試吓跟呢條方煲水...
雪梨乾 (1両)
龍脷葉(5錢)
枇杷葉(3錢)
北杏(3錢)
清潤ka, 個個都可以飲...
唔想煲的話, 食多d雪梨/鴨咀梨 (最好連皮), 都有幫助ka~~ take care~~
我好似好婆仔tim~~
[版主回覆09/21/2010 00:30:00]你好勁呀, 等我叫媽咪煲先... 其實我已經有介口, 都飲過好多"潤"既湯水, 係咳少左, 但重係咳...
我之前都係感冒之後咳唔停...
ReplyDelete我就煲一大樽帶返工當茶飲, 飲咗2-3就冇事la...
好sweet喎...^^
ReplyDelete試0下薄荷葉+黑糖煲水，我年頭咳咗成2個幾月，飲過N種良方，最後飲咗4日薄荷葉+黑糖煲水就好返... 可以一試，真係要好好孝順媽咪，佢四維問人咩可止咳，又不停煲俾我飲...
[版主回覆09/21/2010 13:57:00]THX, 等我叫媽咪煲先
好sweet呀~羨慕c人囉~
ReplyDeleteso sweet!~ 有d 說話寫出黎比講出嚟好ga~ 仲有得留念tim~
ReplyDeletehey girl... totally agree with your "愛是不可偷懶的" :)
ReplyDeleteadd oil and take care !