6月17日
今天出島玩浮潛,之前十分期待的一日,卻是我最驚險同難忘的一日
一早我同kenneth都無胃口食早餐,大大份的早餐都浪費了,我一早便痾左一次,而且我個胃開始有d唔舒服,在等導遊來接我們時,我同kenneth都拿拿臨食左喇叭牌!
10mins車程,已到了碼頭,好靚,但天開始陰... 你睇我對腳幾紅!
我地坐快艇出島,剛開艇時無咩野,但之後就好快好大風
第一個去既島係Manukan島,一落船就見到好多魚,好開心,立即去餵魚
導遊阿倫好似我同kenneth一個馬來西亞朋友,好nice... 我地餵左一陣魚,諗住行入d玩浮潛,點知個天開始風雲變色,好大好大風,又大浪,好似香港8号風球咁,阿倫話每年只有幾次,咁都俾我地遇上,真黑仔,我地唯有去避風...
嗰度真係好靚,但睇下我d頭髮就知有幾大風!
我地同阿倫周圍揾地方避風,最後揾左個地方坐,但係都係甘食風,吹左兩個半鐘,我好凍,其間又痾左一次, 成朝都無咩食野,所以kenneth買左kitkat俾我食,吹吹下愈來愈凍,實在好唔舒服,打晒冷震,原本諗住陽光與海灘,點估到咁凍,而且大風大浪已令到我們不能再浮潛,d沙都反起晒,阿倫話游水都唔會見到魚,我同kenneth決定回市區,原定會去的Sapi島都放棄了... 黎沙巴居然無玩浮潛,實在可惜...
回市區又係坐快艇,但由於大風大浪,勁"浪",勁"jock",又多水花,下艇後我立即想嘔... 頂到返hotel,我即刻去toilet,勁嘔同勁屙,連d喇叭牌同kitkat都嘔埋出黎,好嗅,好辛苦... 其實kenneth都開始有d唔舒服...
之後我地要換hotel, nexus resort, taxi 45 mins,我好唔掂,全程瞓著,好在kenneth係度...
一到hotel我已支撐不到,真係成身無力, 要瞓落床休息,kenneth餵我食藥,我又立即瞓著...瞓左一陣,聽到kenneth講野,原來到佢有野啦,kenneth開始發冷同頭痛,兩個都好病,我地兩個病人就係甘喺hotel瞓左成個下午...
瞓到4:30pm,由於我地book左massage,一定要起身,我感覺上好似好d,而kenneth都無咩野,我驚之後會肚餓,所以食左兩塊餅,我重以為自己已經無野...
呢間就係nexus既房,喺去massage前影的
露台景,好靚...
我地book左borneo spa 既massage,重指明要喺beach既massage hut度做,好可惜當天天陰加大風,當我地考慮重出唔出去massage hut時重開始下雨,kenneth見我唔舒服就決定喺indoor做,真係好可惜,因為個半鐘兩位費用為RM667!
borneo spa 其實好出名,手勢幾好,但我又開始病,一做完我就出toilet又屙又嘔,之前食嗰兩塊餅都嘔埋,好辛苦,成身無力,好辛苦先行到返房... 返到房我又要瞓喺床,瞓左半個鐘,kenneth叫我起身去下面餐廳食飯,佢話佢book左枱,我開始覺得奇怪,見佢甘有心我好辛苦甘起身,努力行去餐廳,但係間hotel好大,好似要行好耐甘,我行得好辛苦,行下停下又蹲下來,到餐廳時我快要暈倒了,一坐低就伏在枱上,連坐的力氣都無,kenneth好擔心我,決定同我上返房,之後叫waiter送d食物去我地間房...我行出餐廳時企都無力,kenneth就背我返房,佢真係好勁,背左我好耐,流晒汗,如果唔係我都唔知點返房,辛苦晒kenneth...
返房之後我在床上哭了,因為真係好辛苦,kenneth專登book間靚餐廳同我食飯又去唔到... 其實有想過去醫院,不過我有d驚,所以都係無去....
之後我頂唔順又去屙,在toilet時聽到room service到了,點知我一出toilet, kenneth就拎住一大束花,呢個時候我終於知道了,我即刻大喊,係甘喊,kenneth話我知有39支玫瑰,因為3月9日係我地既紀念日!kenneth慢慢拎左隻介指出黎,問我願唔願意嫁俾佢,我就一路喊一路點頭,我喊左好耐,我好內疚,如果唔係我病,kenneth可以喺一間好浪漫既餐廳同我求婚, 到現在我都有點內疚...
呢個就係病到死下死下又喊完既我... 39支玫瑰 + diamond ring... 多謝kenneth...
kenneth order左soup同2個pasta,佢餵我食野,但係我真係食唔到,kenneth自己都只係食左少少,我地又浪費左d食物 (呢餐要RM113)... 基本上我個肚係空,但我不知不覺間就瞓著左了,我無沖涼就瞓著,衫都無換...
Go to Day 4
Back to Day 2
