艾利絲BLOG

Friday, 22 February 2013

2013 情人節

2013年2月14日 (初五)

呢日我請左假, 而老公要返工... 所以我一早計劃好要煮個情人節大餐!!!

下午就自己一個人去買餸....

是日MENU + 老公送的花花

(今年請左假, 老公唔使送花去我公司, 幫佢慳唔少架!)

南瓜蕃茄濃湯
真係好濃, 好味呀!!

芝士煙肉焗大啡菇伴三文魚大蝦沙律
呢個大啡菇真係不得了, 好食到呢... 老公食左2隻都想再食!!! 大啡菇味濃, 加上沙律伴碟剛剛好!!

蒜蓉牛油焗大蝦併海鮮意大利麵
個意粉除左SEAFOOD, 仲有磨菇同洋蔥, 加埋個SOURCE, 好味!!!

加埋紅酒, 正呀....

我每個餸都煮多左, 但老公將我煮既全部食晒!!! 所以食左3個菜老公已經超飽, 食唔落甜品啦.... HAHA...

過左2日先食既甜品 - 心太軟伴雪糕

其實唔係第一次整架啦, 呢個係老公最鍾意食既甜品, 佢可以連食2個唔加雪糕都得架... 佢一D都唔會覺得"濟" !!!!

對於好少好少煮飯既我, 真係好滿意呢一餐架, HAHAHAHAHA.... (自己讚自己XD)
所以食譜都係由BLOGGERS度學返黎, 真係好多謝BLOGGERS既無私奉獻!!!

最開心係老公覺得"真係"好食!! (因為其實我煮咩佢都會食晒架! HAHA)

老公食完之後同我講 (係唱):

"我真幸運, 有你愛每對眼睛也妒忌...."

佢話覺得自己好幸福, 仲立即POST上FB晒命... HAHA....

以往情人節都係老公出錢送花請食飯, 今年就等我"付出"下啦.... 見到老公咁開心, 我都好開心呢....

老公, 希望我地以後永遠都咁SWEET ^^

雖然情人節已過, 都祝大家永遠恩愛, 幸福, 開心!!!

Thursday, 14 February 2013

新年快樂!

祝大家新年快樂! 心想事成, 身體健康!!
各位靚太愈來愈靚, 畀老公錫到燶!! KEEP住恩愛!!
有小朋友的快高長大, 聽教聽話!!

Sunday, 20 January 2013

High tea @ FINDS

是日和朋友到TST 的FINDS HIGH TEA...

FINDS據說是吃芬蘭菜...
內裡地方闊落, 每台之間都有點距離, 是三五知己傾計的好地方...

不過燈光十分暗, 沒帶相機, 用手機拍的照片都朦查查的....

TEA SET 是一個木架加上SCONES...
(沒有拍下MENU, 所以現在只有看圖寫文)

上桌時WAITER會幫那2個粉紅色小杯的alcoholic dessert 點火...

這個我沒試, 因我不吃有酒味的甜品...

SCONES 味道不錯, 只是中間那像XMAS PUDDING的東西味道有點怪...

第一層

第二層

第三層

(右邊的其實只是strawberry dip chocolate!)

TEA方面, 我選了GINGER LEMONGRASS TEA, 味道淡淡的, 我喜歡...

朋友的Cappuccino, 那杯子很精緻...

總結味道是OK的, 是只沒有驚喜, 而且雖是2人份量但大食的人未必吃得飽呢...
不過以HK$268 (另加一) 的價錢, 實在不能要求太多....

我們另外叫了sausage... 味道很好不過份量少了點呢....

朋友生日, 我們預備了birthday cake

所以最後都過左一個十分好美好既AFTERNOON ^^....

FINDS Restaurant & Bar
尖沙咀金巴利道39號帝樂文娜公館1樓

2013 New Year

依家先寫...

艾利絲返工不能寫BLOG, 回家又不想開電腦, 六日又去左街街.... 好懶呀!!!!
不過我仍然有用手機睇其他BLOGGER既BLOG架...

2012年12月31日, 老公接我放工後便回家吃飯....
以往幾年都係去IFC COUNT DOWN, 因為中環碼頭夠大, IFC又高, 11點半先去到都得...
今年轉左會展, 實在唔太想去TST迫...
晚上又涼左好多...
本打算外出湊熱鬧的我們....
結果係縮紗...
我: 老公, 咁凍不如唔好出去啦...
KENNETH: 老婆, 你真係好, 其實我都唔想出去架, 諗住你想出先陪你JA....

HAHAHAH....

呢幅相係我地"嬲"住張毯暖粒粒睇煙花既時候影.... HAHA...

咁我地呢2日做咩呢??

就係煲劇啦....

犀利人妻

我知佢唔算新, 但因為上電影版而再次HIT起... 朋友話結左婚既我一定要睇喎...
我知呢套劇係講小三, 老公都同我一齊睇^^

我覺得OK啦... 不過有好幾集我都睇到喊.... 係因為我都有老公所以覺得個女主角好慘...
而且又有教人點樣知道自己老公有無小三, 好有用!
更加可以警惕老公唔好行差搭錯, 因為我係唔會好似個女主角咁好人架!!!!

不過我仲未有仔女, 可以講得好輕鬆, 可能有仔女諗法會唔同?!

我覺得畀結左婚既男人睇都好架, 因為真係睇到個女主角好慘, 有時D男人睇唔到係唔會知女人畀人搶老公有幾慘!!
當然劇裡個男人後來個下場都唔多好, 正正話畀人知玩女人係唔會有好結果, HAHA!

不過老公都好驚我太投入, 好似全世界既男人都係衰人咁喎, HAHA....

呢個NEW YEAR果然好"騎呢"呢.....

Monday, 31 December 2012

2012 X'MAS

2012 X'MAS , 我家變了BBQ勝地....
我們家住村屋, 家門前有個大大的花園, 所以一到冬天便成了BBQ勝地, 朋友家人都愛來我們家BBQ...

娘家一家十多人來了開PARTY & BBQ... 小朋友們更為開心, 因我家人空間比較大...
有7個小朋友, 家中十分混亂....... 我預備了汽球, 個個都玩到顛 (小朋友真的很容易開心)