婚禮商戶評語(5) - MUA 亞安

大日子的相片已經收到, 可以開始寫多點關於婚禮事情了...

說到大日子, 不得不提我的化妝師 (MUA)... 當初選擇MUA時, 沒有選到星級化妝師, 除了因為被星級價錢嚇怕外, 是因為相信自己的樣子其實不難化... 我的MUA, 價錢的確算大眾化... 不過MUA, 人夾人, 以下只是個人看法, 只供參考....

Vendor: 花嫁阿安

Website: http://hk.myblog.yahoo.com/calarysage

Price: 10小時 HK$5XXX

性格

阿安很NICE, 本來我BOOK的是10個小時的PLAN, 但因為我當天行程太豐富, 路途遙遠, 阿安當日選擇全日跟著我, 在沒有加錢下, 實在"抵到爛"!! 化妝時會跟我閒談, 十分健談... 又會幫我著晚裝婚紗, 記得我因為瘦了, 晚裝有點鬆, 要阿安和伴娘出力的幫我加扣針和貼膠紙!!!

之後阿安還將當日好拍的相片燒了CD給我, 十分細心

化妝

說真的, 化妝技巧不算十分出色, 底妝不夠貼, 早上化好的妝, 到出門時已開始出油 (不過我的臉是很易出油的).... 不過都不算嚴重

其中一個妝, 雙眼皮膠紙貼得不好, 看上去雙眼無神, 到我看到朋友的相片才發現... 我不斷埋怨為何身邊的人當晚都不覺這個妝有問題?? 可能是現場看不太明顯吧...

髮型

不得不讚, 阿安的髮型SET得很好, 記得試妝時她不用HAIR SPRAY都可以SET好幾個髮型, 而且一點都不亂, 又快手.... 當天每一個髮型我都十分喜歡!!

首飾頭飾

另一個我BOOK阿安的原因是因為她會提供首飾頭飾, 阿安的首飾頭飾很多又精美, 任何顏色的禮服都有相關的首飾頭飾, 不用自己煩惱這方面問題... 當天早上我本來準備了美國大玫瑰作褂頭, 怎知自己忘記了帶到娘家, 幸好阿安有後備頭飾!!

姊妹化妝

我當天還跟阿安BOOK了姊妹/家人化妝, 阿安因為要幫我化妝, 所以帶了2個化妝師來, 不過這2個化妝師真的不行... 姊妹/家人都投訴化得不好!!! 這是我家人在我大日子唯一不滿的事!!

相片會在下一篇私有化...

大日子造型 - private post

我的淘寶裙

之前影既一輯prewedding photo買左2條淘寶裙...

(秘密的prewedding by WM Law (private post))

白色婚紗

http://item.taobao.com/item.htm?id=3541777969

原價: RMB249+30(運費)=RMB279

Comment: 聲稱可免費量身定造, 但因為背部係綁帶設計, 所以唔會唔o岩著, 我見好多blogger買呢件先放心買... 個小拖尾影相好好, 不過個design有d娃娃裝, 會著肥人, 手工我沒太考究, 收到時無穿無爛就ok了...

呢條裙我送左俾嫲嫲既印印工人, 因為佢好幫得手但因為要返印尼嫁人所以就快唔做啦... 而呢個工人仲送左份結婚禮物俾我同KENNETH,雖然唔係貴重野, 但都好感動啊, 呢件婚紗真係好o岩送俾佢!

 

桃紅色晚裝

(seller叫玫紫色)

http://item.taobao.com/item.htm?id=4024145035

原價: RMB188+30(運費)=RMB218

Comment: 只有大中細碼, 我買了細碼... 收到時有點鬆, 不過背部有扣所以唔會跌, 同相片差不多顏色, 手工ok, 發貨好快...

現有意以HKD200轉售, 加送H&M頭飾一個 (長度我沒改過, 覺得影相長D無所謂)

註: 我身高15Xcm, 體重9Xlbs, 桃紅色, 胸前有閃石

胸圍: 79-81cm, 下胸圍: 68-70cm, 腰圍: 64-66cm

有興趣者請私人回應, 約定好交收時間地點先hold貨

心太軟

急不及待要寫blog, 因為我第一次整心太軟就成功啦!!! yeah....

原來都唔難整, 可以再encore!

加上chocolate icecream, 正!!! (KENNETH係super chocolate fans, 咩都要朱古力味)

其實最最最重要係唔好焗過鐘, 如果唔係就變普通朱古力蛋糕!

食譜:

材料 (約4-5小個份量)
黑朱古力  100g
無鹽牛油  100g
雞蛋    2隻
蛋黃    2個
低根麵粉    50g
砂糖    20g (隨個人喜好)
裝飾   糖霜少許 (隨個人喜好)

 

1. 牛油同朱古力切塊, 把牛油同朱古力一齊座溶(隔水加熱至煮溶), 攪暈


2. 把砂糖加入蛋中, 再加入2個蛋黃, 一齊打暈


3. 把蛋漿加入朱古力溶液度, 將佢地搞暈, 將麵粉遂小篩入混合物中, 攪暈


4. 在蛋糕模掃上1層溥溥的牛油, 把朱古力漿在模中約8成滿


5. 包上保鮮紙, 放入雪櫃雪至少1小時


6. 焗爐預熱200度


7. 約焗6-7分鐘到 (唔同焗爐可能唔同時間), 鍾意爆多d漿就唔好焗太耐, 而唔鍾意爆漿既朋友都唔可以焗咁耐..如果唔係就變朱古力心太『硬』


8. 出爐! 放涼後反倒在碟上脫模, 加上糖霜裝飾,加上雪糕會更美味, 一冷一熱而且無咁"濟"

建議先試焗一個, 試下要焗幾耐同想爆幾多漿...

結婚一個月

2011年3月26日 (星期六)

話咁快就一個月啦...

新婚生活還是好開心... 希望以後既日子都一樣開心...

呢刻覺得自己好幸福, 生活在少天災既香港, 有家人老公愛錫... 我地有自己既家, 有自己既車, 每天有奶奶工人煮飯, 日日有靚湯, 我地又有穩定既工作, 實在比好多人都幸福! 真係要珍惜眼前既一切!!!

呢日沒有特別節目, 因為唔想使太多錢 (如果個個月都慶祝真不得了), 而且日日睇日本既新聞, 都無咩心情.... 結婚後又元氣大傷, 想開始好好儲錢...

一早返學前我去左剪頭髮!!! 結左婚後,一直都好想剪下把頭髮, 而且我已經好幾年都係曲髮, 終於走去整直同剪左4吋!!!

呢日KENNETH特登黎大學車我放學, 之後我地就去元朗食飯, 食既係日本菜... 沒太過擔心D食物, 因為相信佢D材料一定唔係黎自日本..

因為說真的, 食物MA MA...

居然有美國生豪... 仲有紐西蘭三文魚...

之後我就話要去買蛋糕, 因為我成日都覺得要有個蛋糕先叫慶祝, 但KENNETH見到大大個蛋糕都話真係食唔落... 跟住就話買2件CAKE好啦... 食咁多肥C我喎...

其實我都係志在影幅相, 紀錄下, 食唔食真係無所謂... HAHA...

(直髮的我第一次影相)

之後就去SUPERMARKET買雪糕, 點解? 因為我又有攪作!! 

婚禮商戶評語(4) - 易拉架 Banner Shop

話說我地既當日攝影既公司"專業製作"送左張banner俾我地, 但係唔包個易拉架!! 佢地可以$100租金+$100按金租俾我地... 當我同朋友提開話要記得big day前去租時, 有朋友就話易拉架好平ga jar...

咁我就立即上網search下啦... 原來易拉架真係好平架....

Vendor: Banner Shop (其實佢同eprint係同一間野)

Website: http://www.bannershop.com.hk/

Price: 因為我地已有banner, 淨架$50, 而連banner都只係$75 !!!!!!!

Comment:

因為實在太平, 好想寫o係blog話俾人知, haha... $75一個, 真係整多幾個都唔肉痛... 不過我已有2幅油畫, 1個卡通foamboard, 所以一個易拉架已經夠啦... 當然呢個易拉架都係朋友影相位之一...

而quality基本上就係人地o係街度sell寬頻呀, sell信用卡o個d隔離個易拉架... "專業製作"都幾搵笨呀, 要$100租金+$100按金... 不過banner shop只係輸出, 係唔包design架, 簡單既可以只俾相佢, or自己用photoshop加d字都好容易呀...

易拉架有手提袋, 好方便...

不過太大風既地方係放唔到易拉架, 室內or 只要有靠山既地方都ok...

"專業製作"整既banner我都覺得普通ja, 唔明點解個天佔既area咁大, 不過唔使錢算啦.... 我有個朋友仔都係join"專業製作", 我個易拉架可以留俾佢用, $50用2次都抵呀!

婚禮商戶評語(3) - 小禮物 (餐具)

一直都無提過我地既小禮物, 因為想keep住神秘感...

因為我地擺四十多圍, 小禮物都係一個好大既cost, 我地又唔想送d唔等使既野, 真係諗左好耐... 後來o個時喺筍崗見到d餐具好靚, 價錢又ok, 於是決定喺淘寶搵!

Vendor: 淘寶華晨餐具

Website: http://trade.taobao.com/trade/detail/tradeSnap.htm?tradeID=60062397663050

Price: RMB2.25 一勺一叉, 刻名RMB0.2一隻, total RMB2.65 (連盒), 未計運費

Comment: 呢個SELLER未必係最平, 但我睇過佢大部份評語都很好, 我買咁大數量, 一定要搵個信譽好D既SELLER! 而佢個態度都好好, 雖然中間有D問題發生左...

我地既小禮物: (可選其他公仔, 不過我唔鍾意卡通, 所以揀哈哈笑)

我地喺買既時候無預計到有defect, 我地買左520件, 就有1x件有問題, 如刻名刻得唔好(有d直情無刻到), 同埋支勺/叉本身有缺憾... 而且我全家人一盒一盒咁打開睇先發現到(520盒check左好耐呀!), 如果唔係可能會送左d唔靚既俾人! 少左十幾盒即係有1圍幾既人無小禮物? 點得呢?

我即刻同個seller講啦, 佢都話呢d大量生產, 當中少不免會有d瘕疵, 而KENNETH都話我地其實好似買緊批發貨咁, 人地都要QC完先拎出去賣啦... 始終呢個價錢又好難話520盒都perfect!

個seller都好好, 願意免費造多30盒俾我, 不過運費就要我自己負責...

講到運費, 呢d匙羹同叉都有d重量架...

睇下幾大盒... (total 2大盒加一細盒)

我地買520盒, 計埋運費, 除開hk$4.xx 一盒 (太耐唔太記得exactly幾錢運費)

香港買成$7 or $8 架, 已經平左好多啦...

而當日, 我地最終擺46圍, 所有guests都拎走晒d小禮物, 有d家人都無小禮物呀(520份唔夠派), 始終我相信匙羹同叉, 拎返屋企個個都有用既...

如果唔係買咁多既話, 建議可去筍崗買, 自己用車仔拎落香港, 運費可慳唔少架....

婚禮商戶評語(2) - Cupcake Tower (Cup Cakery)

馬灣婚禮想切真蛋糕, 年多前見到周刊介紹Cup Cakery, 個Cupcake Tower 好colorful, 一見就好鍾意... 知佢有做wedding package 就一心諗住wedding前order...

點知到wedding前2個月先發現間地舗close左, 好在有電話, 原來宜家o係家樂商場入口間ice cream shop寄賣... 你唔走埋去問佢, 都唔會知佢有做wedding package架! 有興趣既人要走埋去問呀!!

而Cupcake Tower只需一日前order, 我地都係big day前幾日先order.

Vendor: Cup Cakery

Website: http://www.cupcakery.com.hk

Contact: Tel: 6906 6244, Email: cupcakeryy@gmail.com

Price: 我join既package係100件Cupcake + 塔頂蛋糕(0.5磅) = hk$1400 , 蛋糕架以按金$500免費租用 (老實說真係好reasonable, 一般既wedding cake都要過千啦!)

Comment: Cup Cakery既 service 好好, 好細心, 塔頂蛋糕可因你要求去整(如咩color, 寫咩字等), 有過二十款既cupcake供選擇, 免費送貨到mtr.... big day既Cupcake 除左一隻味唔好味, 其他都好ok, 外觀就好靚, 家人同guest都好鐘意, 到宜家都好多人讚我個Cupcake Tower! o岩晒我地咁靚既馬灣公園, guests又食得開心 ^^!

店內既Cupcakes:

big day既Cupcake Tower, 好多人讚, 又好多人同"佢地"影相... ^^

KENNETH數緊有無100件, haha... 不過原來個tower係放唔晒100件架!

(定係要放到好迫??)

Close Up, so colorful!!

塔頂蛋糕, 我只係同佢講想colorful一d, 係Cup Cakery幫我設計的  (當日馬灣公園好熱, 好似有d溶...)

不過我big day無機會試個蛋糕 (唔知點解無人俾我試既??)

而身邊人都無咩人試過, 估計係太細個好快俾人搶晒!

呢幅係交收時影既, 靚d架!

特別鳴謝好友F既相!