Day 2
是日景點: 西松屋&玩具反斗城
包包同平時差不多，8點左右起身。
飲奶奶先！
梳洗好，9點落去食早餐。包包因為唔係"空肚食早餐"，佢通常食少少麵包就唔食野！仔呀仔，點解你成日唔食野架？！
最鍾意就係橙汁
呢日開始租車，10點OTS會黎酒店接我地去新都心DFS攞車。因為沖繩租車係24小時計，即係我地last day可以10點還車。租車好平呀，5日先一千港幣左右！我地仲租埋wifi router，就隨時都上到網啦～
辦完手續攞得車都11點啦～
今日嘅“景點”係西松屋同玩具反斗城！哈哈！
那覇西松屋新都心店
那覇市おもろまち3丁目4-26
電話: (098)861-8320
電話: (098)861-8320
由DFS揸車過去西松屋只需5分鐘
一入到西松屋就好興奮，好多野買呀～
papa就負責睇住包包，我就盡力買野。
包包都玩得好開心架，周圍攪野，又撩人地啲小朋友玩，追追逐逐，追到papa叫救命呀～
其實宜家都好後悔買得太少呀～嗰時諗住會去玩具反斗城，所以忍住手買。但其實西松屋買日用品同衫褲鞋襪會多啲同抵啲，玩具反斗城就買玩具，baby food同disney product! 老公又話如果我想可以過兩日再去西松屋(點知最後無時間去)，攪到我唔算買左好多！西松屋主要買左啲衫仔鞋仔，牙膏牙刷，水泡(即買即用)，零食，bb日用品。
去完西松屋就去反斗城，喺西松屋後面嘅apple town商場入面。3分鐘就到。
Toys "R" Us Nahashintoshin
日本 〒900-0006 Okinawa Prefecture, Naha,
Omoromachi, 3 Chome−3
Tel: +81 98-865-5566
入到去都無點影相，因為包包開始眼訓，要把握時間！
mama睇緊後面啲high chair，包包見到個學行車想坐，我就放佢落去，papa終於有時間休息下同去廁所，哈哈！
(最尾我係買左張highchair返香港架，遲啲分享)
行完有啲失望，想買鞋畀包包，唔係無碼就唔靚。啲玩具又好大盒，真係唔知點帶返香港所以無買。本來想買balance bike, 但啲款又唔靚喎。有啲野想買又1516。所以都唔係買左好多野。老公就話諗下先，仲有時間再返去買。呢日就買左雨傘水鞋，baby food，衫仔送朋友。
戰利品遲啲分享。
之後就喺商場食lunch。fb group見人介紹食壽司，但之前一晚宵夜食左壽司唔想又食，而且唔知包包啱唔啱食呢～其實呢個商場好多食店，好多選擇。就喺壽司店旁見到有間餐廳好多小朋友，間餐廳好baby friendly，主要食西餐，好啱包包，我地就入左去。
間餐廳叫LaLa Primo, Apple Town 2/F
第一次坐tatami食西餐！包包張baby chair好得意呢！仲有好抵食嘅兒童餐！
叫左三樣食物，全部都好好味！包包都好畀面食左好多，兒童餐仲有雪糕，包包又有雪糕食！
兒童餐只係六百幾yen
食完仲可以行來行去玩下
呢餐我地食左好耐~
唔知點解同bb一齊啲時間好唔見使，話咁快已經兩點幾！
唔知點解同bb一齊啲時間好唔見使，話咁快已經兩點幾！
食飽飽就上車啦～去我地呢兩日住嘅海灘酒店Rizzan。
Rizzan Sea-Park Hotel
Tancha-Bay
沖縄県国頭郡 恩納村谷茶1496
電話：+81 98-964-6611
要個幾鐘車程，正好畀包包訓陣！
去到check in上到房都差不多四點啦～
間房好大，但就舊左啲！fb好多人住呢間hotel, 間hotel好大好大，一來價位平，二來房大，三來就係個好靚好大嘅海灘。
個view好正呀～好想即刻跳落水呀！
包包最愛hide & seek，睇佢幾開心！
mama出露台掠衫，佢又攪攪震
是日book左人氣餐廳琉球之牛食燒肉(喺香港叫酒店幫我地book)，呢間餐廳只可以book 5:30，所以我地好快又要食dinner 啦～
著左新買嘅涼鞋仔，包包好鍾意呢～
喺酒店附近，所以我地就5:15出發。點知畀gps點我地繞左個圈，泊得車去到遲左10分鐘，張枱無左要再等位！好在我地食完lunch無耐唔太肚餓，就去對面便利店行下，順便睇下今晚宵夜食咩好，hehe...
琉球の牛
沖縄県国頭郡 恩納村前兼久909-2
電話：+81 98-965-2233
6:15左右返去好快有枱啦～
仲見到好多人喺門口等位
同埋好多香港人呀～
隔離枱好好，幫我地影相
啲牛真係好味，真係入口好鬆軟，宜家諗起都流口水！因為怕燒肉唔啱包包食，我朝早已經用象印焗左啲南瓜(香港帶去)同蕃茄仔(前一晚買)，加少少燒牛肉畀包包食，佢都好畀面食唔少，papa話佢果然識食！但就好曳攪呢樣嗰樣，為左有安落飯食，佢食飽就畀佢睇兒歌。
食食下我地發現前後左右都係香港人，隔離枱伯伯仲喺今朝間double tree by Hilton見過，佢同包包玩得好開心。包包又撩後面枱哥哥姐姐玩，笑到卡卡聲。到我地食完走時，包包仲親善大使咁周圍同人byebye同飛吻，個個都話佢好可愛好好玩唔怕醜呢！
之後我地就去返便利店買野食。包包有cheese cake, mama我就食薯片，papa就有杯麵啤酒！
呢日時間尚早，返到去就去酒店shop買煙花去沙灘玩。
包包著左涼鞋，一踩落沙度就呱呱嘈，樹熊上身痴到我實。我仲以為上次去完沙灘佢唔驚沙添！！到點煙花時佢都仲嚴緊自己對鞋有沙 -_-#
可能上次沙灘啲沙係濕，無咁吉腳。係mama唔好，我應該做好事前功夫，畀啲心理準備佢先！
papa見我抱得攰就接手抱佢，點知佢一直喊，我地以為佢眼訓啦，就唔再玩上房休息。
點知第二日先發現佢手仔原來畀火屎辣到呀！我即刻怪papa，因為包包喊得最勁時係佢抱包包玩緊煙花嗰時，真係心痛死我。而我都覺得包包好勇敢，因為佢好快收左聲唔再喊，第二晚我地再去玩煙花佢都無驚驚呢～
上到房食包包至愛cheese cake, 沖埋涼都成十點先訓。
