錦上路環保農場

呢個農場距離我家只係5分鐘車程，因為聽說農場好細所以遲遲未去。剛過去嘅星期日就喺去街街前順道帶同包包去。

將車泊喺錦上路西鐵站再行過去。

去到發現都幾多人喎，好多小朋友走來走去，包包有啲驚，唔敢自己行。(最近發現佢細膽左，一多人嘅陌生地方就唔肯行)

我地就帶佢行下無咁多人嘅一邊先

農地無咩植物好睇。。。

而今次黎呢度嘅主要目的係睇兔仔！

因為包包好鍾意小動物，好似狗仔貓仔咁，我覺得佢都會鍾意兔仔。

入去前papa話不如唔好入，因為好多人喺入面，包包唔會肯落地咁話。但我就話一場黎到，點解唔入去呢？

於是我地就用$5買左啲菜去餵兔仔！

啲兔仔的確好可愛呀，一啲都唔怕人！

包包：你係邊個呀？

一如我所料，包包好鍾意兔仔，完全唔驚！
同papa一齊餵兔……

包包對餵兔無咩興趣，因為。。。佢直情想去摸啲兔仔呀！

papa顧得包包，又顧唔到啲菜，啲菜跌晒落地引來好多兔仔 XD

於是由我接手！由於啲兔太狼而包包又成日想摸佢地，我就畀包包坐大脾。
(註：包包唔係攬住我，佢係想攞我夾住嗰把遮ja)

你睇啲兔真係好熱情！

一放低包包佢又去掂啲兔仔啦～

畀mama捉住，無法啦，啲兔仔好污糟，又唔知會唔會咬人，小心啲好！

餵完兔仔我地就走啦～
隔離係hello kitty farm，聽說又係好細仲要入場費，所以唔去lu...

btw呢日真係又焗又熱，包包都成頭汗，真係估唔倒第二日咁涼呀！

去沙灘玩沙

呢幾日凍左好多呀～

上個同上上個weekend都好warm，趁天氣好，要去多啲地方玩先！

上上個星期日，真係好好天呀，成11月都仲咁熱！所以我就把握機會，帶包包去沙灘玩沙！

其實對於連草地都麻麻地嘅包包，我都估到佢第一次掂沙一定唔鍾意架啦，但mama都想包包接觸多啲，我相信包包大少少一定會愛上架 (有邊個細路唔鍾意玩沙吖！)

去到warm up下先！

包包：呢度邊度黎架？

畀啲玩沙玩具佢掂下，又畀佢望下海咁

藍天白雲，加上微風，真係好舒服呀！我好想訓個晏覺呀～

換左衫就畀包包落地啦～

一如我所料，唔鍾意，唔肯行，要抱抱！
mama就盡力鼓勵下佢，畀佢摸下，近望下啲沙

可惜，仍然係樹熊，唔肯落地

你睇包包個樣 XD

又八卦望人地啲小朋友玩

但就全程呢個皺眉樣

天氣好到不得了！黃金海岸個沙灘啲沙都ok唔算粗，但啲水就唔得啦～

抱住包包行左陣沙灘，papa再接再厲…… 可惜仍然失敗……

呢個時候papa竟然話畀包包掂下水！啲水涼涼地，對於已經十分不安嘅包包，又點會鍾意吖(╯з╰)

結果未就係。。。爆喊

人地以為我地虐兒呀！！

好啦，好啦，休息下先啦～

papa拍下腳仔，費事痴住啲沙唔舒服。

唔行就不如玩下沙吖
啲玩沙玩具mama特登買架！

papa攞水，一齊玩啦～

點知包少真係一啲興趣都無……

papa整嘅，幾靚！

坐出少少，仲係咁痴住mama，唔肯自己坐

咁我就同佢玩自拍啦～

呢個咩表情呢？(^@^)

繼續呢個皺眉樣……

睇下，包少對腳係完全唔想掂到啲沙 XD

mama好努力引佢玩都唔玩……

papa抱佢行左一圈

返黎都係皺眉樣

papa唔心熄，話著鞋應該唔驚啦～
當然… 唔。會。啦。

算啦，唔好迫佢啦～
遲下去多幾次就唔會驚啦～

跟住我就同包包坐喺地墊，包包半挨住我好舒服咁。我地一齊望住人地玩沙，包包好鍾意其中一個小男孩，見到人玩踢沙仲笑到卡卡聲，心情先靚返ja.... 上返上面，仲肯自己行去carpark呢！

下一次去沙灘應該要等到出年夏天啦～