放肆...

這幾天家裡上唔到網, 真係多得"網X行"....

上一篇的事情, 多謝大家關心, 艾利絲現在已沒事了, 見到BLOGGER朋友留言問候, 十分窩心...

之前提過生BB, 但現在因身體問題, 要推遲計劃了, 不過不要緊, 我倆可以再玩下先都好, HAHA....

之前為了準備懷孕, 已經好幾個月戒了生冷無益食物, 凍飲, 雪糕, 更加很耐沒吃了 (我真的是很聽話的孩子, 呵呵)
不過最近見身體好了, 暫時又不打算懷孕, 心情又大好, 又大熱天時, 老公又批准 (女人總有很多excuses的!), 我開始放肆了.... WAHAHA.....

第一擊, 當然是雪糕啦.....  YEAH YEAH YEAH...
THE ONE 的 Smile Yogurt & Dessert Bar
怎能不動心呢....

為了慶祝我沒事, 我和老公決定食餐好的, 我想食韓燒, 去了 金饍韓國料理 KimChee
只因餐廳位置隱蔽, 甚少滿坐, 所以坐得舒服, 因客少服務好, 食品也算不錯...
有得燒, 有人參雞湯(連原隻雞上), 還有石頭飯等等...
最開心有柚子雪芭, 好味呢....
埋單五百多, 多謝老公^^

 

之後又同朋友食放題 (艾利絲真的很放肆呀~): 板石 itaishi
朋友介紹的, 坐位闊落, 食品比很多放題都好, 不過抽風差, 到後期煙霧迷漫... 坐近門口會好一點....

飯後同朋友去食甜品... HEHE...
甜品工房 The Dessert Kitchen

不過畀老公話我太放肆, 現在要收斂下 :(

同場加映可愛到爆的晴B... 一見到她真的什麼煩惱都無了, 超超超超可愛呢!!!!

2012 端午節 - 食糭 + 燒雞

端午節落雨無去街... 留在家食糭+煲劇+整燒雞!!

媽媽會包糭, 爸媽係潮州人, 所以包潮州糭, 媽媽畀左廿幾隻糭畀我同老公家人, 真係有排食呀....

係紅豆糭, 仲有蝦米, 花生, 冬姑同豬腩肉, 好味呢....

食完糭就煲劇, 最近睇緊"步步驚心"呀, 三十幾集, 睇好耐都未睇完呢, 不過又真係幾好睇喎....

無無聊聊, 跟BLOGGER 貓小玲 整燒雞!!
(http://blog.yahoo.com/love_memories/articles/611014/index)

百佳買既冰鮮雞好細隻呀...

我個焗爐有自動旋轉功能, 不過隻雞太細好難FIX.... 所以我係半自動旋轉, 燒一陣轉一轉,  燒一陣再轉一轉咁...

45MINS 後OK啦....

真係好香香草味呀...

老公同家人大讚好味, 仲嚴隻雞太細唔夠喉呀!!!

絕對可以ENCORE呀, 下次買隻大D既雞先, 仲可以試下唔同既調味呢!!

去流浮山食海鮮

老公嫲嫲生日, 全家去左流浮山食海鮮.... 去左我地相熟既新桃園酒家....

奶奶順道去買D海味, 我都有份食架, HAHA....

好多海味呀.....

仲有咸魚, 不過我奶奶好勁, 係會自己晒咸魚架....

好啦, 開餐啦....

- 鮑魚加原隻雞
- 龍蝦E面
- 魚 (炒)
- XO醬聖子

- 魚 (炸)
- 避風塘炒蝦
- 炒蟹
- 凌魚球

仲有生果同馬豆糕甜品, 真係好飽呀....

我已經唔只一次黎呢度食, 唔知係咪因為相熟, 不過真的覺得呢間D海鮮好好味, 而且每碟份量都好大呢!! 好過去傳統酒樓呀....

祝嫲嫲福如東海, 壽比南山呀....

準備.....

結左婚年幾啦, 係時候諗下生BB啦....
要生B梗係上BABY KINGDOM (BK) 啦....
一直以為生B好易, 咩唔係唔避就好快有架咩??
一上BK, 嘩.... 好多人試好多個月都唔得, 仲有D要做人工, 真係攪到我驚驚地, 仲好緊張!!!!
而且仲有好多方法去教人增加機會率...
小女子真係大開眼界, 真係唔知原來有呢D方法!!! (查實我之前連排卵期都唔知係咩, 聽過下但無研究....)

雖然我倆都年輕, 但都想盡快攪掂, 唔想個心掛掛, 唔想次次黎M前都擔心一大餐, 又怕自己食錯野做左高危動作....

所以就學人做D野增加機會率.... 起初驚老公唔LIKE, 好在老公都接受 (因為老公最近發仔瘟, 好想做DADDY!!!!)

計算排卵期
計劃生育的夫婦們，如果想爭取時間，早日完成任務，增加成功率的話，首要任務除了做足驗身準備外，學懂如何計算排卵期亦十分重要。根據研究所得，女性的排卵期一般在下一次月經來潮前1
4天，但這個數據只適用於月經週期正常的女性。然而大部份女性，每次月經的週期都會有數天的差異，所以單純用月經來潮前後1 4天的方法計算排卵期準確度相當低。

排卵棒或試紙
排卵棒是利用尿液中促黃體生成激素( L H )的含量測試出排卵期前的促黃體生成激素分泌高峰，當LH
達高峰表示將於3 6小時內排卵，而在這一、兩天行房，成孕的機會會較大。

- 學人買紅D (計算排卵期) :　點知我睇D唔睇D, 以為要日日TEST, 買左勁多, 有排用, HAHA....
- 買紅D送綠D (驗孕試紙) : 咁係咪唔使買棒棒?

量度基礎體溫
基礎體溫是經過一個晚上，足夠睡眠醒來後的體溫。每天清晨起床前使用體溫計量度體溫，並加以記錄。正常排卵的女性，排卵期是在體溫升高前一天，如果是月經前第1
2至1 4天持續升高的話，便表示有排卵。月經第1天至排卵日前屬於低溫期，排卵後的高溫期可能只是升高0 .
3°C至0 .
5°C，而高溫期會持續至下一次月經來潮。體溫的上升主要受到排卵後黃體酮升高而造成。這個記錄可以讓大家推算自己是否有排卵及大約在那一天排卵。

- 學人買thermometer (量體溫睇排卵) : 但係要一早打開眼唔好MOVE就量, 但我SO FAR 一次都唔記得囉....

睇中醫飲苦葯
要生BB, 都要先養好身子, 所以開始睇中醫....
不過要成日飲苦葯, 好慘 :(



食葉酸
葉酸是一種水溶性維生素，是維他命B的一種，最重要功能是製造紅血球和白血球，增強免疫能力。孕婦缺乏葉酸，胎兒有機會夭折、體重過低，甚至神經管缺陷或脊椎畸形。專家建議，女性孕前三個月開始額外補充葉酸，可大大減少嬰兒的神經系統出現問題。一般成人每天建議攝取量為二百微克，女性懷孕期間更建議每日攝取八百微克。至於計劃懷孕的婦女，孕前可每日攝取四百微克。

另外....... 朋友o係我結婚時送左個奶咀水晶畀我, 佢話放床頭好快就有BB架啦... HAHA....

希望心想事成啦... ^^

雜相

之前影過一D相沒時間寫BLOG, 依家立立雜雜寫返先...

早前同老公去CWB買野, 我地呢D新界人, 好耐先去港島一次, 老公想去試下"華星冰室", 就去左食個TEA...

有點古老的裝修, 有很多華星時代既相...

MENU其實好簡單, 都係D早餐類食物.... 見到客人食緊既野都差不多呢...
我地就叫左兩個常餐...

X燒通粉很一般... 不過奶茶檸茶不錯....

多士OK

蛋係超滑, 好味!!

老公話有點失望呢... 不過我地無試豬仔包同校長多士, 可能呢D好食D呢??

有天看到有法包買, 就想再整GARLIC BREAD...
上次係用李X記蒜蓉, 這次是我自己挆的蒜蓉, 都一樣好味!!!

WEEKEND有時間會去探KIMMY同晴B...

晴B依家一歲幾, 真係可愛到不得了.... 雖然都幾頑皮, 但真係嬲唔落呢... 好想錫佢同摸佢面面呢...

KIMMY 9月就升小學啦, 真係大得好快呢.... 當日KIMMY是我的花女, 話咁快就高左咁多.... 真係好唔捨得, 佢大個D就唔同我玩架啦:D

後面係老公, 畀2個細路坐住... 辛苦晒... HAHA...

考到車牌啦~

近來我點解咁忙, 其中一個原因係我個個星期六都要學車, 剛剛2個WEEKEND仲要星期六日都學, 都幾累人架...

唔停得既我自上年畢業後就立即去學車, 點知原來排期考完筆試再排期考路試都攪左成半年!!
其實未嫁之前我係無想過學車, 因娘家跟MTR只係5分鐘路程!!
不過自住村屋後, 心想識揸車第時或許用得著, 所以的起心干去學...

只是自動波, 但我對揸車真的沒太大興趣, 所以呢次EXAM真係好緊張呢.... 係緊張左幾日呀....

今日考車一TAKE過PASS, 真係好好好開心呢.... 依家個人鬆晒, 又多返D時間, SO HAPPY

以後各位過馬路要小心啦... 因為又多一個P牌仔在路上呢.... HAHA

愛情? 感情?

最近很少寫BLOG, 因為公私兩忙....

家人和朋友都出現感情問題.... 看到他們痛苦的樣子, 我的心也很酸, 可以做的也只是陪陪他們...

痛苦, 不只是他和另一半發生問題, 還有的是一直的拖拉, 每天都在傷心的活著, 他們的問題, 他們也不知如何解決....

因為要澈底解決, 是一個十分痛苦的決定....

雖然我可以口口聲聲的說, 大不了就離婚吧....

但原來, 當二十年的感情後, 當你不再年輕, 當你已習慣了他的存在十多年, 這句說話不是每個人都說得出口....

因為男人一變心, 就再也留不住.... 然後會跟你說, 愛情已變成普遍感情....

即使你已不再愛她, 為什麼要去傷害一個仍然深愛你的人? 為什麼要去傷害一個你曾經深愛過的人?

我擁著老公, 感恩自己有個這麼愛我的人... 不過, 老實說, 我不知十年後廿年後會怎樣.... 因為自己看到的不少...

我不敢去想, 只希望我和身邊每一個人都能開開心心的過!!! 希望大家珍惜眼前人!!!