其中一個揀呢間酒店嘅原因，係因為呢日一早我地book左元氣村同海豚玩，車程大概35分鐘！早兩個月就要full pay book定，價錢都唔平，大概5百幾蚊一人，大小同價。
元氣村喺水族館附近位置。
因為大小同價，我同momo就唔join了
唯有遙遠望下
之後就去室內坐，無冷氣，都少少熱
但準備左零食同果蓉畀momo, 所以佢都好開心
據爸爸報導，因為要半個人落水，阿包驚到wewa鬼叫，哈哈～
但玩完時，我問佢好唔好玩，你就話好好玩，仲話叫細佬大啲一齊再黎玩呢！
睇相都覺得好好玩呀！
之後我地就去只有5分鐘車程嘅水族館
呢日天氣好好呀！
我地去到就先去食lunch, 嗰度有間和食自助餐，雖然食物普通，但就好啱老人家同小朋友食。
因為我地都唔係第一次去水族館，所以我地今次唔入館啦，只係睇海豚表演同周圍行下，唔入館係唔使買飛架！日本人真好！
阿包睇到拍晒手，細佬可能見到哥哥咁hyper，佢都好hyper, haha
最後都要影下到此一遊
好快我地又返返酒店
一出露台見到呢個景
兩個小朋友即刻換泳衣落去玩！
水上遊戲區係要另外畀錢，住客平少少
阿包開頭話玩，去到又縮沙唔玩
所以就喺沙灘玩下水算
Momo第一次去沙灘游水，佢好鍾意玩水，但唔鍾意有水泡
但阿包又wewa鬼叫
天氣好好，啲水好清！
海水係咸嘅，兩個小朋友一畀水淺到雙眼就鬼殺咁嘈，所以好快我地就去左泳池玩
不過個泳池好細
玩完水沖完涼，兩個小朋友極速瞓左
叉完電就去食晚飯啦
我地去左名護市嘅hamazushi
出名抵食！
真好抵食！100yen, 120yen一碟！除了魚生都有好多熟食，仲有甜品蛋糕等等！阿包都食到飽飽。
不過卡位就唔太適合細bb，佢有booster但較適合大少少嘅小朋友，所以要抱住bb食有點狼狽，bb又多手搞枱上嘅野。網上睇過有個kids play area，但呢日去就唔見。
我地早去walk in，見到晏少少已經好多人排隊
壽司店隔離就係aeon supermarket, 媽媽我補給bb食物，又掃左一堆baby food（因為好平），我地又買左啲水果雪糕同宵夜！最重要係買左煙花返酒店沙灘玩。
阿包係超鍾意玩煙花架！
細佬仔又未識驚
好完滿嘅一日，雖然媽媽我攰到傻左:P
仲有好多衫，奶樽，餐具未洗。。。。
