紙婚之旅DAY1@珠海海泉灣

11月頭去了澳洲, 12月X'MAS, 1月NEW YEAR, 2月情人節, 元氣大傷底下ANNIVERSARY只好去珠海澳門啦....

其實志在休息下, 去邊都OK啦....

因為想RELAX, 近近地就去浸溫泉.... 老公揀左珠海海泉灣, 因為夠大而且車程唔太長....

一早9:30船去珠海, 一上船就大覺訓, HAHA....
一個鐘左右就到, 之後就轉海泉灣SHUTTLE, 都係一個鐘鬆D就到啦....

點知一去到..... 嘩勁凍呀..... 又大風..... 死啦....

落SHUTTLE去CHECK IN, 先話我地知我地住另一棟!!!! 由於海泉灣好大, 去另一個地方係要坐佢D GOLF CAR, 嘩, 一路坐一路凍到震呀....

終於都到我地呢晚住既"海王星" !!!

點知佢地D SERVICE 真係好慢呀..... 得2個COUNTER 動作又慢.... 攪左好耐先CHECK IN 到!!

CHECK IN完已經LUNCH時間啦....

海泉灣除左HOTEL有餐廳, 園內都有其他小餐廳的... 我地就去左一間類似茶餐廳的, 因為無咩胃口....

食左2個麵都只係RMB60....一D都唔貴喎.... 味道就一般啦....

 

食飽飽之後我地就周圍行下....

不過真係好凍呀..... 攪到無咩MOOD TIM.....

有個好靚既湖, 可能掙船仔/ 水上單車架..... 不過咁大風.... 一個人都無..... 玩既話只會食風.... haha.....

oh..... 好凍呀.....

其實環境真係幾靚架.... 可惜呢日又凍又天陰陰呀.....



之後我地就返hotel 抖下.....

lobby

我地間房於最高層的7樓(我要求的), 較靜.... 不過真係靜到有d 驚.... 因為hotel太大啦.... 7樓有個area如下圖, 係好靚架不過一個人都無.... 講野仲布回音tim.....

房間都唔錯, 幾大又有露台.....

什麼都有齊.... 拖鞋浴袍都有.....

所謂既海景房呀.... 個海遠到差d睇唔到.....



望落樓下既花園....


酒店既外觀.... 我覺得好cute.....


因為外面太凍而我地又著唔夠衫, 我地就o係酒店訓晏覺, haha..... 話時話, 好耐都無訓過晏覺啦....

訓醒已六點, 去食晚飯lu..... 食晚飯前去便利店買杯麵!!! 點解?? 因為我每次浸完溫泉唔知點解都會好肚餓架....

我地揀左間靜少少既西餐廳....

環境氣氛都ok....

食左德國豬手同ribs扒... 個豬手唔錯, 但個扒就唔太得啦..... 不過大陸地方算係咁啦....

食完飯就去睇show, 係package包埋既....

係一d 歌舞雜耍, 我覺得好好睇呀.... 唔錯唔錯.... 票價原價成rmb120架....

睇完show就上房換衫去浸溫泉!!!!
(日頭時拍的)

天氣咁凍浸溫泉真係好正呀....

返到房已經覺得又累又餓, haha.... 立即食杯麵.... 再沖個涼就訓....

真係勁好訓呀..... 好舒服呢......