木糠布甸

由於我未來奶奶係廚藝高手, 我家又有"姐姐", 我實在不宜阻住個地球轉....

不過OUR HOME既廚房實在唔細 (plz see here), 為左唔想浪費"佢", 我決定向西式甜品埋手, 因為未來奶奶係唔會整西式甜品 (中式甜品佢都好勁架), 係無比較既情況下應該都見得下人啩...

我呢D BB班就試D容易既啦... 呢次就試木糠布甸!!

其實唔難整, 不過就要心機... 我要整D餅碎 (要木槺唔要石仔呀)...

之後又要一層一層咁舖, 我呢D笨手笨腳既人都攪左好耐!

雪完就食得啦!!

我自己覺得好好味呀... (自己係一定會話好味的, HAHA...!!!)

家人既COMMENT係好味不過甜左D, 下次可以再TUNE下/落少d煉奶 ...

 

木糠布甸食譜recipe

份量 : 8小杯

材料

淡忌廉        500ml
煉奶           150g
馬利餅        120g

按個人口味添加的材料（不加亦可）
雲呢拿香油　　　　　　　　數滴
可可粉／好立克／阿華田　　少量

1. 將馬利餅放進密實袋，輾成餅碎，要壓得碎一點，不然口感不像「木糠」，反而像「碎石」。餅碎倒在碗裡待用（可按個人喜好加入適量可可粉／好立克／阿華田）。

2. 將淡忌廉和煉奶混和，用打蛋器打至稠狀。這時可試味,如不想吃太甜，可酌量減少煉奶分量；也可按個人喜好加入1-2滴雲呢拿香油。

3. 在模底／碗低鋪上一層餅碎後，倒下忌廉煉奶，鋪平成1cm厚的第二層，繼續梅花間竹鋪。之後放入雪櫃冷藏4小時即成（或直至材料變硬）。