2010年10月3日
姊妹裙呢個ITEM好難攪, 又怕貴, 平既又怕D姊妹唔鍾意, 又驚遇到黑店... 所以想快D K.O.佢!!!
呢日去左好多BLOGGER 提過既布藝坊, 但地點唔方便之餘, 間店有D UPDUB... 我地TARGET 長裙, 布藝坊$290, 但係店內有分晚裝款同姊妹裙款, 晚裝款貴D ($5XX), 而姊妹裙得好少現貨, 只可睇相... 而且呢日有D熱, 間店好似無咩冷氣, 所以我地好快就走左...
之後我地去左TST百利... 行晒全座百利, 有d靚既就貴, 平既好多都係淘寶貨(特別係o個d只賣大中細碼既店), 最後見到2樓有間寫住"短裙:$238起, 長裙$338起", 不過無開門, 叫人上去4樓既店...
上到4樓, 間店叫 full house富屋, 地方好闊落唔迫, 每人可試3件, 有個款既姊妹裙做緊promotion 只係$300 (長裙), 其他款有d $338, 有d$388... 所有款都可選色包改一次... 現場有衣車...
首先係伴娘睇中一條裙, 布藝坊賣$580, 呢度賣$388, 試完覺得好好...
之後其中兩個姊妹都試左d姊妹裙, $300 o個隻唔好睇, 再試一條$388, very good, last試一條$338, ok but $388好d...
我地會要7條姊妹裙同一條伴娘裙, 經我地努力講價後, $338可做$318, $388可做$350, 最後我都係揀左$388 o個條, 我都想我d姊妹靚d架!!!
就係呢條既長裙款, 米白色+金色ribbon :
但係..... 點知到俾deposit時先話我知如果肥過大碼既要加$50!!! 咁我地都去到呢一步, 算啦.... 佢重話要所有姊妹度晒身先會一次過order裙, 所以要快d叫其他姊妹黎度身!!
2010年10月10日
呢日同媽咪家人去TST, 主要係睇媽咪晚裝順便叫埋家姐去度身(呢個家姐都係我當日姊妹)... 而且重有我個兒甥女(十幾歲)同我大家姐同姐夫, 一行7人上到去!!
本來我對呢間店印象都OK架, 但呢日真係俾個"八婆"激到我好嬲, 宜家重有D後悔JOIN左...
一開始我個兒甥女試左條短裙仔, 都幾FIT, 只要修少少就可以, 有個改衫既阿姐好好, 話即刻改到可以即刻攞走, 咁條裙都係$238, 都算低... 咁我就例牌問個"八婆"可唔可以平D啦, 點知佢"居然"話"你即刻改要加$30架喎!!", 咁我未話咁我下次先拎lor, 反正我都要同其他姊妹再上黎!! 根住佢先話減$10... 但係要知道當時係無其他客在場(即係個阿姐好得閒), 擺明玩野... 我就話我幫你買9條裙, 你無客都唔改俾我, 有無攪錯!!! 個"八婆"先好悔氣咁話幫我改...
根住根住... 話說我伴娘條裙上次已試已度, 個"八婆"居然同我講條裙要加錢!!! 我話我上次試好度好你同事都無話要加錢, 你宜家話要加錢講唔講得通?? (我呢個時候都重control到自己)... 佢先話咁咁咁唔使啦...
之後到我家姐試姊妹裙, 我家姐有d肉地, 但大碼都著到, 個"八婆"幫我家姐度身(見佢mark低左), 但就係個阿姐幫我家姐試衫 (我諗佢見唔到我家姐試), 而阿姐都話大碼ok... 點知呢個"八婆"之後居然同我講我家姐條裙要加錢!!! 我話我家姐試大碼著到點解要加錢, 個"八婆"居然話d衫俾人試鬆左wor... 又話到時著唔到唔關佢地事... 咁我話新裙爭幾多先, 佢就話"唔知架!"............ 我根住話d裙可以放ga wor, 我家姐又話無可能要加布, 叫佢度多次, 點知佢係度得勁鬆lor!!! 我家姐又話佢可能會著girdle, 個八婆居然話著多件"衫"係裡面更加要加布!!!!!!! (究竟佢知唔知咩係girdle?????) 擺明屈錢啦, 我地更係勁唔高興啦, 一人一句同佢理論, 後來個老細終於都出聲 (係個中年男人一直都唔出聲), 話唔使加錢!!
我已經好"慶", 因為我地等緊阿姐改我兒甥女條裙唔走得住, 呢個八婆又攪事... 佢話我要俾多$200訂!!!!!! 我話幾多訂我同你同事傾好, 你張單又無寫明我點解要俾?? 我話我同你買9條裙你都咁既態度, 你真係好過份喎!!!! 連我媽咪都出聲話佢咁樣做生意點得架.... 呢個時候條裙已改好.... 我係超"慶".... 我大大聲話唔使同呢個人講野, 走!!!!
個"八婆"攪到我同我屋企人都好嬲呀~~~ 宜家我就好驚我d姊妹裙做得唔好!!!!!
我好希望只係呢個"八婆"有問題, 因為上次個女仔都ok架.... 唉~~~~
其實o個幾十蚊, 你可以mark up個價錢呀, 做咩要為幾十蚊攪自己個名又攪到人地唔開心呢????
full house富屋
http://hk.myblog.yahoo.com/fullhouse838@ymail.com
姊妹裙真係要小心揀，因為我之前d姊妹裙都有問題......我係度身既問題。所以都要跟緊d....特別係起貨既時間~
ReplyDelete[版主回覆10/12/2010 12:29:00]我都驚度身有問題呀... 我已預鬆左時間, 希望ok啦...
百利多左好多姊妹裙既shop, 好難知邊間係唔係黑店呢....我諗係今次個女人衰姐, 唔好比佢激親~relax~~~
ReplyDelete[版主回覆10/12/2010 12:26:00]thx... 真係好難知邊間係黑店...
唉，都唔知d人點做生意.... 唔好嬲啦... 無謂為d無謂影響自己心情...
ReplyDelete[版主回覆10/12/2010 12:25:00]遲d又要再上去... 又要見到佢....
呢d屈錢招只會整臭自己間舖個名, 條"八婆"有冇腦ga!?
ReplyDelete你d姊妹上去度身要小心d呀~~睇吓佢有冇玩野, 度到鬆晒咁, 做起條裙唔啱著又話要加錢先肯改個d呀~~~~~~~~~姊妹裙個d真係好多黑店..唉
by笨豬小慧simple
[版主回覆10/13/2010 12:11:00]我都驚緊...
wa~間野個亞姐真係好衰!! 希望你d 裙ok 啦... 之前做姐妹都係.. 去左幫襯百利出面地下個d地鋪度身訂造.. 比錢個時就好好笑容.... 比完錢就變面+串到不行!! (不過出來d 裙都ok... 佢地都係搵錢ga姐~~唔會特登整衰你d 野既~ relax!!)
ReplyDelete[版主回覆10/13/2010 12:09:00]多謝你, 希望d裙ok啦...
其實真係好難搵間又平又好...
ReplyDelete[版主回覆10/13/2010 12:08:00]exactly... 如果俾我揀多次, 我會去淘寶買then搵改衣店改... 起碼一切掌握在自己手...
咩d人咁衰架,不過可能係佢問題姐,其他sales唔係咁就得了~~~唔好為lee d人勞氣~
ReplyDelete[版主回覆10/13/2010 12:06:00]多謝你...
唉~ 姊妹裙係好煩架.. 我之前做姊妹時, 去百利試衫, 見到個客同個老板嘈, 嘈到拆天呀!!
ReplyDelete我仲未諗呢個item呀, 都唔知搵邊間好..
[版主回覆10/13/2010 12:06:00]唉... 我都驚我下次上去又要同佢嘈, 重有d姊妹未度身... deposit又俾左...
橕妳,到時我搵過第2間做...
ReplyDelete甘衰都有!!!
[版主回覆10/13/2010 12:04:00]我希望只係呢個女人既問題, 上次我地去時都ok架...
咁衰0既~~唱衰佢!! 好多jm都係買姊妹裙時有好多唔好經歷...
ReplyDelete[版主回覆10/14/2010 14:14:00]係呀, 點解賣姊妹裙咁多黑店架....
又真係好衰喎, 最怕又話呢度加, 嗰度加..... 不過可能淨係嗰個人...唔好比佢地影響心情 ^^
ReplyDelete[版主回覆10/14/2010 14:13:00]thx ^^...其實真係想好似你咁去淘寶, 不過有d姊妹對大陸野有d抗拒 (雖然我好鍾意淘寶)... 有d實物睇到佢地安心d... 宜家就有d後悔....希望之後上去會ok啦...
我都係因為咁, 遲遲未攪姊妹裙呀.
ReplyDelete[版主回覆10/16/2010 13:27:00]最好預多D時間去攪呀!
咁衰0既，confirm 好出好單先話加呢樣加個樣，明屈姐.....
ReplyDelete佢d 屈招真係層出不窮呢!!
嘩~~咁衰架, 明屈咩~
ReplyDelete一定要唱衰佢呀~~~~
姊妹裙呢part真係好煩人......因為係for朋友唔係自己嘛....
ReplyDelete間野好唔掂囉.....隨時都話要加錢咁....玩咩!! 企硬唔好咁容易俾錢....老屈咁....
希望你之後順利呀!!
我都好驚遇到呢d問題...所以姊妹裙呢part一直遲遲未決定...直至近排至最後決定係淘寶訂lu~
ReplyDelete[版主回覆11/25/2010 17:12:00]好彩最近上去2次另一個姐姐serve 好好多... 不過未到最後都唔知.... 淘寶好呀, good luck!