OUR HOME 係村屋既3樓, 夏天真係熱到你唔信!!!
我家廳個冷氣係2匹, 但我地開左冷氣成個鐘都重滴緊汗, 天花板係"辣"手架!!! 如果無開冷氣, 坐5分鐘已經濕晒...
改善呢個問題有好多方法 (基本上住得村屋既人都有呢個問題)
- 油隔熱油 (聽說用左等於無用)
- 隔熱磚 (有少少用, 但去水做得唔好3樓會流水, 而且舊得好快, 保養煩)
- 搭鐵棚 (貴)
- 搭玻璃屋 (貴貴貴)
因為結婚同裝修屋內已用左好多錢, 我地打算過兩年先整靚個天台 (到時應該會搭鐵棚, 換磚, 油油, 要努力儲錢!) 但係宜家要解決呢個問題又無太多錢可以點呢??
(註: 我地個天台係好少好少機會用, 而且十分殘舊)
於是我地買左2大塊遮陽網, 即係人地種花用o個隻... 然後DIY整上天台...
工程浩大, 但我地成功解決左個問題, 好有滿足感!!!
1. 從淘寶買來兩大塊遮陽網, 7米X8米同3米X4米, RMB190 (我買左6針, 密度好高, 所以貴D, 而且運費要RMB200! 不過直送到家門) TOTAL RMB390...
o個間玻璃屋係隔離屋架... 我地個天台真係荒廢左好耐...
2. 鑽洞加上"壁虎", 遮陽網要加上綱索先可以掛上去... 要綱索先夠力架, 普通繩係唔夠力... (看,天台既油已經LUK晒, 真係好舊!!)
3. 唔好以為好簡單, 要穿上綱索, 要有位俾佢入先得, 我們家無衣車, 拎出街車又太大塊, 我地只好一針一針咁連... 呢一塊布係7米X8米, 做C我地!!!!
4. 用力把遮陽網掛上去, 中間(對角)重加左條綱索 (無影到), 等塊布無咁重... 而另一塊細既因為塊布細D, 好容易就掛左上去 (辛苦晒KENNETH啦!!)
大功告成!!!
遮陽布連工具大概HK$600, 宜家OUR HOME已經唔熱啦, 真係改善左好多好多!!!
我地兩人用左一晚去連布同穿線 (9pm to 3am!!!!), 又用左半日o係天台整個網, 真係唔簡單架, 所以一定要blog, 記低我地辛苦既成果!!!!
可以用咁少錢solve到個問題, 好開心, 而且塊布係可以拆落黎, 要用天台時就可以拆, 不得不讚下自己啊!!!!
不過KENNETH話佢人工好貴, 如果計埋佢時薪就好貴...HAHA...
謝謝你肯聽我意見...
我都未見過人咁整,好叻呀你哋!!
ReplyDelete[版主回覆08/12/2010 23:51:00]多謝多謝, 真係用左好多心機架....
我之前聽人講都係brush d 油, 可以隔熱同防水咁話.
ReplyDelete[版主回覆08/13/2010 11:52:00]朋友用隔熱油但佢話對隔熱一d用都無喎... 可能唔明顯啦...
係呀,住頂樓真係好熱ga ,除非裝修時整埋隔熱板la or 整鐵棚仲好,可以擋埋雨~~
ReplyDelete比你諗到哩個方法,真係醒~ 不過記住下雨要去收番佢呀, 不然淋濕咗好重會易爛~
[版主回覆08/13/2010 11:47:00]佢其實膠膠地, 唔索水, 而且係網(即係會漏水), 所以落雨都ok... 不過如果打風我就會去收
你地真係好有心機呀
ReplyDelete我呢排都淘寶淘上癮呀
[版主回覆08/13/2010 11:45:00]淘左好野記住share喎!!
見過有人裝嘖水器，但好浪費，你e個係平靚正方法....
ReplyDelete[版主回覆08/15/2010 14:06:00]係呀, 其實我地之前都有自己灑水(因為天台實在太好溫), 真係好晒水...
DIY~又學多一樣~正!
ReplyDelete嘩!! 你地真係好勁, 諗到呢個方法, 仲要係你地2個自己整上去!!
ReplyDelete好就好啦，不過如果可以種d plants 係上面重好~~
ReplyDelete[版主回覆08/23/2010 13:42:00]
真係要種到成個天台都係先可以, 不過天台都好大下... 而且種野怕有積水野蚊又要打理... 等過2年, 我地就會整番靚個天台
無呀，想大家再環保d! 期待見到你個新天台~~ ^^
ReplyDelete[版主回覆08/23/2010 13:48:00]我都無諗環保tim... 第時會盡量環保!
如果你第日得呢，用埋太陽能版仲正!!
ReplyDelete[版主回覆08/23/2010 14:00:00]其實我真係試過search架, 不過我呢d舊式村屋裝好煩, 重好貴(depends on你想generate幾多電)... 有research話hk空氣差,能見度好多時低, 夏天又成日落雨, 所以太陽能唔普及(唔effective)....
環保... 通常都係要好多$$$$... 而且唔保證可以回本... haha...
(攪呢個網之前,我真係做左好多research架...)
原來你呢個網~
ReplyDelete我既新居都有個天台架 ( http://hk.myblog.yahoo.com/ll-link/article?mid=238 )，夏天真係會熱到咁嗎？ worry............................
ReplyDelete宜家間屋仲裝修緊~~
[版主回覆04/20/2011 21:49:00]嘩你間屋好得喎.... 我呢d村屋邊有得比!!! 我地都諗住裝修個天台, 不過結婚同之前裝修用左好多錢.... 要儲下先...
最主要係天台個地 (即係間屋個天花板) 一整日都俾個太陽晒住, 吸晒d熱, 所以屋內會好熱好焗, 你第時睇下會唔會啦...
謝謝意見. 好方法.
ReplyDelete[版主回覆05/19/2011 23:06:00]今年我都開始用啦, 用了真的無咁熱架....
hi:想問下你係淘寶邊間買呀...可唔可以SHARE條LINK比我...因為我都住2/F,,,,日,頭真係好熱呀..我想好似你咁樣自己整呀..THANK
ReplyDelete[版主回覆06/13/2011 21:56:00]http://item.taobao.com/item.htm?id=3693217942
呢隻係六針加密型, 所以貴少少, 希望幫到你啦...
你好, 請問你的"璧處"用咩打入墻? 以及鋼索的接口位點收口? 鋼索喺邊d地方買?
ReplyDelete我對你呢個DIY隔熱方法真係超感興趣, 他日我收番層樓一定會咁整, 想先問定資料做定功課.
so far你都用左2年幾, 請問依然安好嗎?? 保養方面要落功夫嗎??
Thanks for your big help...^^
[加菲貓仔仔回覆06/06/2013 13:07:39]HIHI, 我的家將近完成裝修了. 請問你第二次用無咁密, 用索帶呢個網, 好過加密網&針線呢個配搭嗎??
你住村屋, 天台係3樓都要諗食風, 我住........6樓天台喺7樓, 咪無望囉.
我整既話, 諗住落雨呀, 打風會收左佢落地揾野責住先, 唔好比機會佢扯爛. 我諗咁樣保養可能會好D.
[版主回覆11/10/2012 18:26:54]牆上用電鑽鑽個洞, 就可以將壁虎塞入去! 去五金店有D類似鎖既野可以用來收口, 其實五金店有齊所有用品, 你將你想法同五金店講, 佢就知啦! 個網用左一年就KO左, 因為殘得好快... 不過由於僭建問題, 我地唔可以起野, 所以第2年又淘過新既網, 呢次要左無咁密既網, 咁落雨個網都無咁重而且無咁食風, 而且由於都係打算用一年, 所以唔再連線, 用索帶纏住就算... 本來都無野, 但上次10號風就將個壁虎都拗直左, 幾驚成塊布吹走呀!! 所以E+打風會拆個網落黎, 所以你掛個網時唔好咁死, 要拆得落黎先好, 而且千萬唔好掛太高, 好食風呀, 食風呢個問題真要再研究!! 而冬天我地係唔用個網架... 有咩問題再問我啦...