上回(北上造衣櫃 (家樂居歐森) - 1)講到我地個衣櫃黎到裝唔掂, 最終都要萬能姑丈幫我地執手尾...
萬能姑丈呢日黎到, 佢話一般既師傅可能都裝唔到, 因為我地間房已經放左床, 得好少位俾個櫃, 而且櫃高到頂, 其實應該要先入櫃再入床架... 姑丈幫我地裝時都好小心, 以免整花我地既牆同門, 而且得咁少位佢都裝得好辛苦, 我諗一般師傅好大可能會撞到D牆同門花晒!! 今次真係錯有錯著, 好彩無俾錢人裝, 更好彩既係我地有個咁好既姑丈!!!! (真係好幸福!!! 而且我覺得姑丈係SUPER專業又細心!!當然唔少得KENNETH幫手啦!!)
姑丈重話個櫃個QUALITY幾好, 門係玻璃門(好重手), 門"碌"係靚 "碌" (係趟門), smooth又靜!! 我話D板好似薄D喎, 佢話宜家D櫃都差不多, 無以前D櫃咁好架啦... 佢都話呢個價錢好抵!! (不枉我地咁辛苦買佢番黎!)
見到個完成品真係好開心呀, 呢個係我一個人用既衣櫃呀!!!! (HOHO...)
手機影暗左, 係磨沙玻璃門, 有點日式, 清清地好襯我地間房!!
上回係有D後悔買左呢個櫃, 但呢日真係覺得我地既決定係無錯!! (女人真係善變, HAHA...) (註 : 6呎濶高到頂衣櫃, 玻璃門 + 纖維板, RMB2560未計運費)
以呢個價錢呢個QUALITY真係十分OK, 不過要注意 :
- 最好先入衣櫃後入床, 如櫃高到頂最好造時寫低, 等師傅預早知道
- 千萬唔好自己裝櫃 (除非你有經驗), 因為一般人係唔會識裝!
- 大陸買野真係要自己跟緊D!
有朋友問我點解唔搵姑丈造櫃(姑丈係專造木工), 因為姑丈話佢公司如果造個6呎櫃要6-7千, 佢都知貴, 所以好耐之前就同我地講如果我地見到平D可以自己買...
FOR MORE DETAILS PLZ SEE:
個櫃真係好高喎, 係咪差小小到天花呀?
ReplyDelete[版主回覆08/29/2010 23:50:00]掂到天花架
you are so lucky to have your uncle, it's really a good deal wor!
ReplyDelete[版主回覆08/30/2010 21:00:00]我都覺得自己好LUCKY!
你個衣櫃真係做得好平呢~~~ 我地個時選擇左都係揾番裝修師傅訂造，真係閒閒地計埋裝工要八九千係走唔luk...
ReplyDelete同埋睇出黎你個櫃既效果都很不錯﹗
[版主回覆08/30/2010 21:00:00]我都覺得自己好好彩!!
你抵wo!, 我做2800呀~ 不過我果個9尺高, 到頂 上面要另外分開兩個開既櫃門~ 我d櫃, 激到我死~ 唉~~~ 果間野唔聽我電話, cut 我線, 好過份呀!~ 你好好彩呀! 嗚嗚>< 我今日先到呀d貨, 陰公
ReplyDelete[版主回覆08/30/2010 20:57:00]大陸買野真係好講彩數!! 我都覺得自己好好彩!!
呢個價錢好抵喎
ReplyDelete[版主回覆08/31/2010 19:14:00]HEHE... 不過大陸買櫃真係要小心d!
嘩..你個依櫃真係好抵呀..又靚WO.....我之前係香港訂做... 好貴呀..仲要細過你個個.....之前真係蠢唔識四圍睇下...有咩好野, 依家先睇到..實在太遲喇...
ReplyDelete[版主回覆09/01/2010 16:49:00]我大陸造先平, 咁hk既人工貴所以都貴d... 其實香港好多野都大陸造架...
我d櫃到左了. 送小左toilet櫃全套 (原來未做) kitchen既櫃做錯 廳櫃既''櫃頂眉''做錯 .....唉~
ReplyDelete[版主回覆09/01/2010 16:46:00]aiya, 你記得blog呢間衰野, 等人地唔好幫親!! 我見d大陸人真係好興送少幾件, 可能"博"你唔記得!!
我同你一樣．．．．． 已經裝左床先黎個大櫃， 個ｃｆ係度裝．．．爆左幾次 最後整爛左我ｗａｌｌｐａｐｅｒ同埋百頁簾 ＞＜ 後來收工．． 第２日我同我男友同意佢拆左我地張床再安櫃．． 可惜個櫃已經５勞７傷．．．． ＞＜ ＴＯＯ ＢＡＤ！
ReplyDelete[版主回覆09/07/2010 17:13:00]ooo... 我地都係好彩有姑丈, 如果唔係命運可能同你一樣!! 剛睇左你個sinablog, 你全屋好多櫃呀... d燈好靚... 加油, 就快完成啦!