2009Malaysia - 沙巴難忘之旅 day 5

6月19日

今日天氣很好,其實除了出島嗰日,日日天氣都很好!我身體似乎好返dd了,早餐食多左,不過都唔係食好飽,kenneth就好好胃口...

早餐後我地去泳池hea,我終於可以落下水啦,不過都未好番晒所以玩左一陣就瞓喺沙灘椅度,好正,個pool好靚...

終於可以落下水啦...

你睇kenneth幾爽!

lunch我地出town食海南雞飯,去左好出名既"味雅",我好耐都無食過米啦!由於在singapore時食過既海南雞係"鞋鞋地",我地選左雞脾肉,RM7.5一客,加我至愛的凍檸茶,kenneth就叫左涼粉冰,RM3 each,好抵! (total RM21!)

下午我地去睇長鼻猴同螢火蟲,3pm導遊黎接我地去,要1.5至2個鐘車程,其實喺玩激流附近... 呢幾日我係甘瞓,所以成程車我都唔眼瞓... haha...

沿路經過,人地話呢坐山就係神山...

一到左我地先黎食個tea,有d 糕點同tea/coffee,都ok,不過我就唔肚餓...

河邊...

之後我地影下相就出發去睇長鼻猴,又係坐快艇,不過呢度風平浪靜,舒服好多

出發啦! (我地個導遊,d 廣東話好得意)

哪呢隻野就係長鼻猴啦,佢地話佢"嗰方面"好勁喎!

又係日落啦,點睇都甘靚...

睇完長鼻猴就到dinner,都幾有風味,好彩我已經有返胃口食野...

食完dinner我地又坐艇出去睇螢火蟲,今次坐隻大d既,我同kenneth揾左個靚位喺上層,由於太黑,影唔到相,d螢火蟲好似聖誕燈甘,有好多喺樹上,d光其實好弱,但個環境好黑所以好靚,而且天上重好多星星...導遊重捉左隻俾我地睇,在kenneth手上發光,好奇妙...

睇完螢火蟲之後就回程了,又係坐1.5個鐘,導遊重帶我地去買chocolate...

回到hotel已快11pm,明天早機回港了!

Go to Day 6

Back to Day 4