WEEK 6 (回憶): 睇中醫

一向有睇中醫習慣, 所以有左都去睇中醫, 醫師叫我最好食安胎藥, 為左BB, 我當然信醫師啦...

而且中醫有話我知什麼唔好食... 有D真係唔講唔知架... 都好多野唔食得喎....

D藥好苦, 而且要日日煲日日飲, 雖然辛苦, 但為左BB, 我會忍!!!!!!

另外一提既, 係中醫話我肚入面既係囝囝!! 我話咁快知?? (得6 WEEK JA WOR) 中醫話你3個月後即本睇下係咪囉 (好有信心咁)

老公就覺得無咩科學根據!!

至於中醫中唔中, 遲D開估...

WEEK 6 個胃開始多胃氣 (我平時無咩胃氣的), 但都食到野... 仲因為生日WEEK食太多而重左2-3LBS!

WEEK 5 (回憶): 我的生日周

這個WEEK是我的生日週, 因為有幾餐生日飯要食, 老公千叮萬囑我要小心食野...

同朋友食飯, 好開心, 好想話畀人知那個不能說的秘密呢 (不過當然不能說啦)

生日同老公去食BUFFET, 因為係老公一早BOOK左所以照去, 但可憐我咩都唔食得, 只可以睇住老公食蟹, 食魚生...



我食左好多SALAD, 但後來有朋友叫我出街唔好食SALAD, 怕唔乾淨! 好在5星HOTEL應該夠乾淨!!

又原來生菜係屬於涼既菜, 唔應該食 (後來睇中醫先知), 我又係食左好多...

我又食左PARMA HARM, 又有人話會有菌...

RITZ CARLTON既DESSERT以CHOCOLATE為主, 我又係食左好多, 後來又有人話我知懷孕不可食CHOCOLATE, 因有咖啡因同好甜...

好在無事JA....

咁.....其實孕MAMA真係無咩可以食喎.......

相關BLOG:
2013 MY BIRTHDAY

WEEK 4 (回憶): BINGO!

呢個CYCLE已經係第4個CYCLE, 開始有點心急, 好想快D有,唔想再等呀!!

我一向PERIOD都好準, 所以大概知道自己幾時排卵, 人地話DAY26就CHECK到, 所以DAY26我就CHECK紅D (因為一盒紅D有好多, 唔怕浪費)
見到有條線好快出左黎, 上個月都CHECK過, 條線好淺架喎....

所以我又CHECK 綠D....
結果係....



有一條好淺既線, 淺到我以為自己有幻覺..... 個刻心裡面好冷靜, 因為其實係驚多於興奮...

我SEND畀老公睇, 老公好緊張, 話佢都"好似"見到有線!!!
我好怕令老公空歡喜, 放工還要到媽咪度食飯, 成日個心情都唔知點咁...
我放工時就買左支棒棒, 回到家老公立即叫我CHECK, 佢都好心急!!

結果係...

老公好開心... 我地終於成功了... 不過我都好坦白咁同老公講我既憂慮, 老公話好多野我地控制唔到, 就交畀個天啦... 嗯嗯, 知道了...
第二天去了相熟醫生度CONFIRM, 回家就告知老爺奶奶...

呢次我千叮萬囑奶奶唔好同其他人講住!!!

之後我就打電話BOOK檢查...

不過第一次檢查要到 7 WEEK... OH 要等3個星期呀.... 可唔可以快D呀.... 好無安全感!!!!

我懷孕了!

艾利絲懷孕了!!

這個消息我還沒在FB公佈, 所以暫時所有POST都會私有化, 也希望朋友們不要把我的事告知其他人, 謝謝!

可能很多BLOGGER都估到了, 因我最近都很留意MAMA們的BLOG呢!

其實艾利絲在上年就試過懷孕, 可惜在6週時自然流走了... 醫生話香港每5個人就有一個係咁, 沒有原因的...
我知道其實好多人都試過, 所以有此經歷的靚太, 不要傷心, 我相信緣份!!
雖然當時沒有需要做任何手術, 也對身體沒有造成任何傷害, 但心靈不多不少的有點陰影!

所以這次艾利絲有時候都很擔心, 又有時在亂想一通, 不過現在已經感覺到胎動, 所以懷孕的感覺強了, 我知道我要對BB有信心, BB要加油啊!!

在懷孕的初期, 胃口不好, 雖沒有嘔吐, 但經常反胃想嘔,有胃痛胃漲, 食唔落野, 人又易累, 實在沒有力氣寫BLOG...

現在好了很多啦... 之前的感受我用了個APP記低, 希望可以寫回之前的一切一切啦 (雖然可能只有簡單幾句)

因為.... 這21星期, 發生了不少事...

在此特別多謝老公在這幾個月來的細心照顧和忍讓!!

懷孕初期, 很多食物唔食得, 又無胃口, 老公比我更緊張, 而且幾乎同我一齊戒口, 生冷野我唔食得佢都陪我唔食!
而且經常陪我在家發毛 (因懷孕初期怕不穩定所以盡量少出街)...

老公公司很多ANNUAL LEAVE, 所以幾乎每次產檢都陪我去... 現在BB大了, 老公更加期待每次產檢的日子, 因為可以見見BB!!
佢成日話BB一定好掛住PAPA, 其實係自己好掛住BB就真呢!

老公依家日日都會對住我肚皮同BB傾計,仲要貼到好埋好似講WALKIE TALKIE咁, 佢話驚BB聽唔清楚喎, 好攪笑呢...

有時我話佢, 佢又會走埋黎對住我個肚講, "BB, MAMA又話人啦, PAPA好慘呀!", 畀佢激C...

孕MAMA有時會燥D, 以前我好有耐性的, 依家成日都嚴老公煩, HAHA... 當我話老公煩時, 佢又會同我個肚講, "BB,等你出世我地一齊煩MAMA呀, WAHAHAHA..."

好開心有老公支持, 除了經歷了一些我們不能CONTROL的事, 其他時間我都算係一個HAPPY 的孕MAMA...

BB要加油啊, 要一切順利, MAMA同PAPA都好期待你的來臨呢!!

人生新一頁

艾利絲將要步入人生新一頁, 大部份內容將會被私有化....

我用了個幾小時去整理自己的BLOG友LIST.... 現只限相熟或有寫BLOG的朋友仔....

如你看到下一個POST, 就即是我已ADD你了....

其他有興趣的BLOG友, 請留言, THX!!

換了S4

用了IPHONE已一段時間, 是時候換電話又等不到IPHONE NEW MODEL...

終於投入了SAMSUNG 的懷抱... 同老公一人一部, 一黑一白... 都幾好用, 不過用電就快左D, 個MON大左, 部機輕左又快左...

2013 老公生日

我近來好懶呀............

4月19日係老公生日.... 當日我地都要返工, 所以就只係放工一齊食餐飯...

自從沖繩之後, 老公就好鍾意食日本燒肉... 不過香港食日本燒肉都唔平呢... 所以就趁生日去食啦....

因為其實我唔太好牛, 所以牛X 那些我有D怕"太牛", 問左朋友意見又望過下OPEN RICE, 我地去左:

盛八日式燒肉店
http://www.openrice.com/restaurant/sr2.htm?shopid=19221

其實佢MK同CWB都有店, 我地就腳去左TST店...

店內環境昏暗, 我用手機影既相全部都好黃!!

個爐係咁: (幾好, 有大細調教, 唔會太易燶)

我地ORDER左:

OPEN RICE PROMOTION $138飛驒牛肩胛大皿(原價$228)
其實都唔知係咩, 不過$138大大碟好抵食, 但就應該唔係咩靚牛, 燒得耐DD都韌, 味道都OK

唔記得左什麼牛, 好像是MENU推介的
呢個好味!!

薑汁豚肉, 燒完真的食落有薑味, 不錯, 不過得8小塊太少了....

原價$498的A5和牛, HSBC CARD有50%折, 個樣好正呢...
因我唔食太生的牛, 會燒耐少少, 所以吃不到入口即溶的感覺, 不過都好鬆化, 而老公就讚口不絕呢!!

叫左碟VEGIE, 用生菜包住燒左既牛, GARLIC 同ONION, 再點SOURCE, 係我最鍾意既食法, 無咁濟又無咁熱氣, 好味!!

依家睇返D相都溜晒口水呀....

其實仲ORDER左2隻蠔, 不過原來燒完大縮水, 完全唔抵食!!

原本驚唔飽, 所以叫多個豚肉蘋果粒生菜包, 唔好睇佢好似好少, 但食極都有, 嗰2個SOURCE, 一個有D似韓式辣醬, 一個係MUSTARD, 2個都好味, 而且呢個有加蘋果粒, 味道有驚喜, 唔似一般的生菜包, 我鍾意食!!!

可惜老公呢日揸車, 無得飲酒, 有D掙少少咁, HAHA...

雖然埋單有點貴, 不過都好味又食到好飽....

回家同老公一齊切CAKE.... 係我前一日偷偷買定的呀!! 帝苑FINE FOODS 的CHOCOLATE TRUFFLE, 好滑好濃既CHOCOLATE, 老公都話好味!!!

(回家時落大雨, 我倆其實想盡快換衫, 所以只係草草影2張相, 個BACKGROUND勁亂, HAHA)

老公呢日好開心呀, 除左食左好多野之外, 而且呢日佢得到一樣好寶貴的禮物
佢開心到許願時唔知許咩好, HAHA....

遲D開估!!