2018年8月19日
Villa 可以order早餐，而且都幾豐富！
因為湊住兩個又無影早餐
對住個pool早餐，啲小朋友個心已經飛左去
泰國雖然熱，但呢日天陰陰，啲水都有點凍
就係咁，momo細佬之後嗰日就病了，鼻水長流o(>﹏<)o
小朋友有得玩水就開心！
屋企人仲帶左呢啲大型水泡
（怪唔得佢地咁多行李啦）
玩完水洗完白白就換衫去 lunch啦
我特別買左泰式親子裝，淘寶買超平！
Chocolate factory 係餐廳名，喺海邊，風景好靚，食物多選擇
估不到平日來都好多人，沒有book位嘅我地要分兩張枱坐
可能游完水特別餓，兩個仔都食好多！
如果天氣好應該好靚！
之後就去swiss farm 啦
一去到momo見到啲羊就勁開心
佢真係好鍾意動物呢
哥哥就有少少驚，餵動物都企勁遠，哈哈
細佬相反，走勁近，要捉實佢先得！
好多影相位，可惜我兩個仔唔肯企定定我影
有啲遊戲可玩，但太舊我地都唔敢玩
細佬唔夠高騎馬，只能坐呢隻影張相
哥哥本來唔敢坐，有表姊陪先肯坐
其實行得好慢，姑媽佢地又跟住行，好安全
細佬追鴨仔
呢架車原來郁得架，仲可以遊園一週！
四個小朋友+我（因為momo太細要陪）
一齊坐，都幾得意，小朋友又開心
之後我地返villa休息一陣，先去dinner
原來打算畀佢地恰一陣，點知個個超興奮唔瞓，係細佬仲細瞓左陣
Preecha seafood restaurant
包車車我地去餐廳，好快就到
阿包表弟喺車度瞓左
阿包同表姊仔，兩個無瞓，去到餐廳係攰到呆晒細佬因為唔舒服都呆呆地
食物比想像中要一般
又可能因為我地樣樣都清蒸啩
兩個仔食得麻麻，好麻煩
但細佬隊晒個椰青！
食完飯叫司機車我地去食榴槤！
地道街邊檔，又平又好味！
老公一家都好鍾意食榴槤！
好豐富嘅一日！
