2013 Chinese New Year

終於有時間寫下BLOG啦....

今年係第2年在OUR SWEET HOME過年了, 所以已經不再有新鮮感HAHA....

不同的是今年天氣真的好好呀... 相對上年超凍加上下毛毛雨, 今年氣氛更濃厚呢!!

我們家住圍村, 而且老公家族大, 所以過年都是很熱鬧的!!

年初一

做了鄧家新抱, 以後每年年三十晚 (今年係年廿九) 都要去拜神/拜祖先啦.....  
初一一早都不能太遲起床, 因為鄧家新抱傳統要在大年初一敬茶給老爺奶奶架.... 仲要敬茶給嫲嫲呀...

家中好多花同桔桔...



之後就會一家人吃早飯... 同派利是...
說真的, 第一年派時覺得好肉痛架...
不過今年第二年派又OK喎, 大家亙講祝賀說話都派得好開心 ^^
最多人問幾時生返個呀???  睇黎真係要快D生返個幫補下呀, HAHA....

初一早上會食齋.... 都好豐富呀...

吃飯後, 老公同家人都急不及待開枱啦....
老公全家人都識打牌架.... 我都識, 不過好渣, 所以無打呀....

下午就有舞獅到我們家... 真的很熱鬧呢...

村內好多小朋友都會跟住隻獅周圍去.... 突然間花園出現好多唔識既人....

當然少不了燒爆竹...



之後家人就繼續打牌, 我就行行企企, 跟老公學下打牌, 睇下小朋友, 叫下工人倒茶煎下糕咁啦...


年初二

(是日沒有拍照)
這天早上到了奶奶娘家拜年, 奶奶娘家在流浮山, 而我的職責是..... 跟在奶奶身後, 見奶奶派利是就跟住派....
所謂出得黎行, 預左要還.... 老公以前豐厚的利是錢現在要還啦....

之後我就回媽咪家拜年....
我和老公偷偷先到麥記食野, HAHA.... 住九龍真好, 想吃什麼都在附近 (其實我倆真的很少食麥記架)
晚上媽咪煮了好多好多食物呢...

到晚上回到家, 我倆都覺得好攰好眼訓呢...


年初三

是日不宜拜年, 我們到了林村許願樹...

上年的願望成全了一半, 希望今年所有願望成真啦, HAHA!!!

晚上我們去了看BIG 4 CONCERT....

好攪笑, 不過對於想聽好歌的我們, 就覺得少了點.....

年初四

終於可以在家休息....

而老公就WHOLE DAY 打牌 =.=

基本上新年的節目就是打牌打牌和打牌...

看來我都要加把勁學打牌了....