2012 X'MAS

2012 X'MAS , 我家變了BBQ勝地....
我們家住村屋, 家門前有個大大的花園, 所以一到冬天便成了BBQ勝地, 朋友家人都愛來我們家BBQ...

娘家一家十多人來了開PARTY & BBQ... 小朋友們更為開心, 因我家人空間比較大...
有7個小朋友, 家中十分混亂....... 我預備了汽球, 個個都玩到顛 (小朋友真的很容易開心)

可愛的晴晴B

晴晴B還小, 喜歡和老公玩夾波波, 好大膽呢, 又好肉緊, 好好笑...

我家的"玩具"多到不得了 (只因我家有個萬千寵愛在一身的小魔怪)

非法賽車開始!!!!

BBQ時間...

第二天朋友們又來了BBQ...
我們家有個很好的習慣, 就是BBQ都會煲白果薏米腐竹糖水, 這天奶奶都為我們準備了, 在氣溫急降的晚上, 好溫暖呀~~

第三天和老公一家XMAS PARTY... 又大食會又BBQ... 好多野食呀!!
又BBQ... 我不再燒了, 不過一家人圍著火爐傾下計, 都好開心 ^^

第四天XMAS正日, 本打算到老公朋友家, 但因為這幾天大多節目想休息下 (而且不想BBQ/ 打邊爐), 倆口子決定到沙田行街街....
STARLIGHT.... 好靚呀... 和老公一起, 很浪漫呢....

BOXING DAY... 我倆去了食BUFFET....
團購的EATON HOTEL... 三百多元... 都OK呀, 有生蠔, 魚生也很肥美... (只是煮食太少了)

早前經過TIME SQUARE....

同事買的XMAS CAKE, 好靚呀... 味道就一般啦....

X'MAS COOKIES

為朋友和家人做了X'MAS COOKIES...
用了2個晚上, 花了不少時間同心機呢...

搓搓搓, 印印印...

焗焗焗...

放涼放涼放涼

扮靚靚

朋友們收到都好開心, 小朋友更把我的COOKIES吃清光!!
所以還是值得的!!

另外還做了chocolate flower (跟小王子媽媽學的)

雖然CHRISTMAS已過, 都祝大家HAPPY NEW YEAR!!

聖誕樹的故事 - 下集

上篇提到聖誕樹又爛了....

一直我都想買多點掛在樹上的波波, 可惜平的我不喜歡, 貴的又不捨得買...

老公為了補償... 這天給我買了很美很美的波波, 在元朗一雜貨店買, 老闆說因為有一店倒閉所以執到平貨, 所以價錢一點都不貴呢... 超級喜歡!!!!
多謝老公

我把聖誕樹搬到電視旁, 比較"安全"的位置, 而且歪歪的感覺不會太明顯, HAHA....

真的十分滿意我的XMAS TREE呀!!!! ^^

樹下放滿了我們買給小朋友的禮物, 現在的小朋友真幸福呢....

聖誕樹的故事

住進這HOME SWEET HOME 已快2年了!

艾利絲小時候很希望家裡有棵聖誕樹, 可惜家裡小小的卻住了多多人...
所以一有了我們的SWEET HOME, 我說過每年XMAS都要有聖誕樹呢!

今年是我們第三年佈置聖誕樹, 也是第三次買聖誕樹, HAHA...

第一年的聖誕樹在淘寶買, 原因是XMAS前一星期才去買, 誰知元朗的五尺/六尺聖誕樹都SOLD OUT了, 只好在淘寶買...
價錢都忘了, 只記得不貴, 不過樹身不夠密, 樹腳是膠做, 聖誕節後打算收起棵樹, 那膠造的樹腳... 一拆即斷...
不用收啦... 可以掉了....

第二年的聖誕樹在日本城買, 心想之前的聖誕樹不夠美, 再買一棵也好^^
樹身夠密, 樹腳鐵造, 很喜歡!! 立即叫老公買回家!
聖誕過後, 又是時候收起它...
由於樹身枝葉細密,而且有點"吉"手, 要收都有點困難, 老公很MAN的一壓...其中一PART樹身斷了!!
不用收啦... 可以掉了....

今年是第三年, 也是在日本城買, 因上年的我很喜歡的, 價錢又實惠...
我對老公說, 今年由我收, 你還是不要幫忙啦...

怎知...........
一天晚上, 老公說棵聖誕樹好像有點歪, 老公輕輕一抝...
OMG.... 樹身又斷了.....

老公呀老公, 聖誕節還未到呀....

老公還很勞氣的說以後不買日本城的聖誕樹!!! 可憐的我又不忍怪他, 聖誕樹又折了....

最後........

我用膠紙暫時把聖誕樹駁回, 所以現在聖誕樹有點小歪,
每天看到歪歪的聖誕樹都忍不住笑, HAHA...

下年又要再買聖誕樹, 去那裡買聖誕樹好呢????

2012與媽同行新加坡 DAY 4

2012年10月23日 (二)

呢日起身時好似OK喎.... (BUT 之後.....)

因為媽咪怕我唔舒服, 所以早餐又係HOTEL樓下FOOD COURT... (好在揀左呢間HOTEL)
我反而開心, 因為有新加坡式早餐, 仲好抵食... 而我又食得落喎 (之前仲驚自己嘔完會食唔到野)

而媽咪呢.......... 港式點心AGAIN !! HAHA....

其實呢個FOOD COURT都幾乾淨企理架...

食完之後, 我地就去ORCHARD ROAD 那邊行下, 順便買手信....
MRT一出個MALL好大 (ION ORCHARD), 我地買左肉乾同斑蘭CAKE做手信, 見到好多HK人呢....
不過我行行下就開始胃痛... 我身上有一粒胃藥, 但食左之後都無用... 唔知點解會胃痛...

經過屈X士我再買胃藥, 因為真在太痛, 諗住可能之前食得一粒唔夠, 但食左之後好少少左一陣, 好快就再痛, 我好少胃痛, 更加未試過食左藥都仲痛!!! 我懷疑係胃抽筋 (雖然我唔知咩係胃抽筋), 因為我企直個人就抽住抽住咁痛, 坐底/彎腰就好D.... 所以我要好似老人家咁行!!

呢度個FOOD COURT真係好大而且咩SG特色食物都有!!! 本打算在此食LUNCH, 但我真係胃痛得好勁, 媽見我咁辛苦就話回HOTEL休息啦.... 也無行過ORCHARD ROAD 其他地方, 有D掃興呢 (雖然媽咪一點都唔介意)....

呢晚要返HK啦.... 回到CLARKE QUAY 又見到雪糕車, 媽咪當然要再食榴槤雪糕三文治啦.... HAHA... (呢樣係媽咪喺SG最LIKE既野)
我如果唔係胃痛都想再食呀....

休息一會就CHECK OUT, 不過因為我太痛太辛苦, 我地決定去泳池!!!!!
因為去POOL媽咪可以游水, 而我就可以訓一陣!!! (咁都畀我地諗到, HAHA!!!)

我訓左一個鍾左右....
起身時好似無事, 但一行又痛過 > <
媽咪都肚餓了, 要去食LUNCH!!!
黎左SG都無試肉骨茶, 見到CLARKE QUAY附近有松發, 雖沒黃細亞咁有名, 有得食好過無啦

我覺得好好食呀, 可能肚餓啦... D豬骨唔鞋, 個湯又唔太黑椒...

我仲買左湯包... 返屋企奶奶煮左, 老公都話好食呢, 冬天食完個人暖粒粒...



我其實坐低係唔痛, 但一行又痛....
為左唔好掃媽咪興, 我地繼續行程 --- GARDEN BY THE BAY

GARDEN BY THE BAY, 係新加坡6月最新開幕既景點, 成個公園有幾個維園咁大, 耐心行可以玩足1整日架....
http://www.gardensbythebay.com.sg

坐MRT去到BAYFRONT....
跟指示慢慢行到GARDEN BY THE BAY...

一出MRT, 一邊係SANDS ...

一邊行去GARDEN , 你睇點解SG細過HK但都咁多地方, 大到咁???

到啦到啦... 中間棵"樹"頂有間餐廳架... 而條空中橋要畀錢先可以上架 (SG$5)... 因為其實都幾熱, 所以我地唔上去啦....

行過條橋過對面!!

在橋上既景色, 又真係幾靚喎... 右邊個DOME就係我地想去既地方啦....

過橋後個公園好大, 有唔同主題, 中國花園﹑馬來西亞花園﹑印度花園等等....
但我要好似老人家咁行.... 又有點熱... 我仲畀蚊咬 (艾利絲好野蚊)... 行左好耐呢...

穿過個公園就會見到兩個大型溫室花園 – Flower Dome & Cloud Dome
呢2個DOME就要畀錢既...

因為時間都唔早, 我地唔能夠行晒2個DOME, 所以就揀左媽咪比較鍾意既FLOWER DOME...
順帶一提老人家 (>60歲)有優惠架!

入到去有冷氣, 真係舒服晒呀... 我要休息下先再行, 個胃仲係好痛

有好多奇怪既樹...

FLOWER DOME 最多既當然係花啦... 我影左勁多相呢....

大過手掌既花...

媽咪話D盆栽好靚...

近HALLOWEEN所以有HALLOWEEN DECO...

呢個AREA 好COLORFUL 好靚呀...

呢D 南瓜 係真架!! 好假呢...

仲有好真既假雞...

一直行行行, 發覺入口另一面嗰PART未行, 於是又行返上去...

好多好得意既仙人掌!!

有毛架...

D 蘆薈大到好似食人花咁...

D樹好奇怪, 又好得意...

見到個DOME外面既SANDS嗎? 太陽都開始下山了....

由高處望下, 呢個DOME一D都唔細呢...

天開始黑, 場內既燈開始亮起, 又係另一個景象...

臨走時我又要坐下休息下... 心想仲係咁痛, 不如食粒止痛藥啦 (雖然人地話胃痛唔好食止痛藥), 但我真係唔想再痛落去呀, 咩都要試!!!!

點知...................

食左5分鐘後.......

個胃唔痛啦 !!!!!!!!!!!!!!!!!!!!!!!!!!

呢粒止痛藥應該一早食........... 咁我就唔使痛左咁耐 !!!!!!!!!! 

個胃唔痛後, 我成個人生猛晒, 又因為快要返HK而好開心 (呢個不孝女, HAHA)

晚上既景色真係好靚呀...

行返今日行過條橋, 夜晚天氣唔太熱, 係呢度散步都幾浪漫呢....

我地行GARDEN BAY BRIDGE過SANDS, 上到個BRIDGE回頭一看, 成個GARDEN BY THE BAY 真係好靚!! (可惜我個相機唔能夠將全景拍下!!)

而呢條GARDEN BAY BRIDE都好靚....

行過去會望到SANDS既HOTEL LOBBY.... 好大呀....

個SHOPPING MALL都係超大!!! 全部都係名店.... 當然仲有CASINO, 不過我同媽咪都係唔賭錢架...

又到DINNER時間, 呢度D餐廳係好貴嗰隻, 所以我地都係去返FOOD COURT (黎SG去得最多既真係FOOD COURT!! )

嘩呢度真係大到呢.... 行去FOOD COURT都要15 MINS!!! 而FOOD COURT真係咩地方既食物都有, 一定有你鍾意既野食!!! 附近仲有D比較" 適合"我地既SHOPS... HAHA...

因為唔再胃痛, 我可以食自己想食既野啦...
我要左日式便當, 唔錯呢...

媽要左中式水餃面 (媽咪似乎都係喜歡中式食物)

而我一路都食得好開心, 因為呢度係有WIFI架..... 一路食一路同老公TEXT.... 諗起可以好快見到老公就好開心... HAHA....

媽咪一直都好想買D手信畀佢D孫, 但孤寒既媽咪見到好多TOYS / CANDY 都嚴貴!!! FOOD COURT旁邊有間MINI SUPERMARKET....
我就提議不如買7彩益力多啦.... D細路
又鍾意飲益力多, 而7彩益力多係SG先有架!!! 就係咁, 媽咪好開心同滿意呢個手信, HAHA!!!
好彩臨走前都買到手信, 如果唔係媽咪就成日囉囉孿!!!

買左幾排益力多, 不過無影相...

之後我地就返HOTEL拎行李, 再去機場啦...

本來想去USS時買M&M'S, 最後因為唔舒服無得去買...
去到機場就買左呢個畀老公, HEHE.....

喺機上我全程訓覺, 野都唔食.... 返到HK係早上5點幾...
老公黎接機, 之後我地休息一個鐘就返工啦!!!

好多同事都唔知我去左玩, HEHE....

就係咁就完左呢個咁"奇特"既新加坡之旅....  奇怪既係我返到HK咩事都無, 仲好好胃口, 都唔知點解喺SG會咁唔舒服!!!

而老公見到我呢次咁既樣, 話以後去旅行都要倆個人去先可以喎, HAHA....