8號風球

突如其來的8號風球, 令我地多了一天假期.... 上一次的風球假真係唔記得左幾耐之前lu....

以前就算放假在家, 都係hea下, 因為同kenneth住得太遠, 無去拍拖.... 呢朝一知道唔使返工, 就好開心咁抱住老公再訓過... 係一種突如其來的幸福!!

以前住九龍, 可能d樓密, 雖然打風但都無太大感覺, 但宜家住村屋, 夜晚就算開住冷氣都聽到好勁既風聲.... 除左個天黑晒, 日間d雨聲風聲真係聽到都有d驚, 完全唔敢打開門窗!!!

外面d樹吹到斜晒, d垃圾周圍飛....

住村屋感覺真係好唔同呀.... 而且.... 真係邊度都去唔到....

諗下諗下, 屋企真係要買多d野食存貨, 等第時打風都有多d野食呀!!!

同kimmy去studio影相

kimmy係我兒甥女, 也是我大日子當日既花女...

大日子既佢表現相當好, 識得揮手微笑 , 攝影師都忍唔住同佢影好多相...

我好錫佢架, 因為佢真係好乖, 而且bb時既kimmy已好可愛...

宜家佢已經4歲半啦, 我有個好傻既諗法, 唔想kimmy咁快大個, 好想佢永遠都咁可愛...

老公都話我傻....

為左留住佢可愛既時刻, 呢日我同kimmy去左studio123影相...

可惜kimmy病左成個week都未好, 仲瘦左好多, 真陰公....

如果唔係一定影得更好....

(病到o牛晒, 叫佢笑都好勉強....)

去相啦....

第一個造型: 紗婚look

自從做過花女後就好鍾意婚紗.... 仲有佢好鍾意既bear bear....

第二個造型: 民族衫

佢話件衫好"吉", 又開始累.... 影得唔太好....

第三個造型: 公主裝

kimmy最鍾意disney公主, 一見呢件衫即刻精神晒....

(不過好大個眼袋, 要ps下... haha)

第四個造型: 便服

估唔到呢個look影得最好, 因為有波波池同大bear bear.....

相對我地大人影prewedding, 我覺得kimmy已經好叻啦....

而且好抵, 4個look, 28張相先hk$488, 加hk$300可拎晒d相....

比起我地過萬蚊既婚紗相, 真係濕濕碎呀..... haha....

2011中秋佳節

以往的中秋都是和爸媽過, 今天就是和老公的家人過...

KENNETH的家很傳統, 大部份節日都是在正日做節....

這天中秋正日, 阿叔們, 姑姐們, 還有他們的小朋友都回來吃飯, 好不熱鬧!!

家人把許多燈籠掛上, 門口又有, 車房又有...

小孩們除了各式各樣的燈籠, 還有大量的瑩光條...

我兩也來開心一下 ^^

這天一家人吃飯後便坐在花園賞月,吃生果, 吃月餅...

月餅除了傳統的和冰皮的, 還有榴槤的, 雪糕的和自家制的, 好飽啊!!

二叔從大陸買來一個燒雞爐, 他說很便宜的... 一共燒了四五隻雞, 又香又脆, 正!!!

我中秋當晚掛住食, 忙了影相, 該把桌上滿滿的食物拍低呢!!

第二天假期, 睡到中午先起身....

這天我試了自己整garlic bread...

好味!!!

老公找來蕃茄, 火腿和cheese, 我說像pizza多一點... haha... 

中秋過後, 好快就聖誕/新年啦....

婚禮商戶評語(9) - MC Tim Lau

Vendor: Tim Lau

Website: http://www.timlau.com

Price: HK$3xxx (2010頭的價錢)

TIM LAU我相信好多新娘子都知道佢係邊個...

當初因為我地擺成四十多圍, 所以先決定請一個專業MC...

好多人私人留言問我覺得TIM LAU點, 所以就快D寫呢篇啦....

老實說TIM有好有唔好既地方...

好

• 多年MC經驗, 對住幾百人都不怯場, 說話流利


• 與好多出名既攝影師, MUA, 場地 etc 合作過, 會有默契而且熟人好辦事

唔好

• 自己腦內有自己rundown, 不太照新人rundown去做


• 雖然口才好好, 但其實場場婚禮都講差不多既野

自己經驗

• 朋友同家人feedback都話佢好好, 當晚氣氛好好, 因為我地好多guests (46圍), 一定要有經驗既人先識handle, 影相同成晚rundown好順利... (相信一般朋友做可能會好亂)... 有好多人問佢拎卡片, 有個friend第二日即book左佢....


• 佢教我老公俾SURPRISE我, 老公之前私低下問佢話自己唔識唱歌可以做咩... (SEE 大日子紀錄(13) - 進場 + 開席) 雖然係好少野, 但我老公係好唔識情趣既人, 所以我都好開心...


• 之前同TIM講過要玩GAME, 佢話佢會準備, 因為婚前太多野攪, 我就諗住TIM準備左咩就玩咩GAME啦, 無太CARE... 點知當晚無玩GAMES... 原來佢同左我老公講左話因為唔夠時間(但我當晚唔知), 但當晚我仲有時間同FRIEND吹水影相, 而老公就去左同FRIEND對酒, 又點會無時間呢? 有好多GUESTS都係我地兩個唔識既, 心想希望老爺奶奶既朋友玩GAME可以開心D.... 估唔到咁貴請佢無玩GAMES呀...


• 婚禮後先醒起張單寫住送一個女MC (即係加埋TIM有一男一女MC), 我記得o個時TIM剛加價, 所以佢話"送"一個女MC, 點知個女MC無影, 我o個時又唔醒起!

總結

佢個腦已有自己rundown, 要同佢communicate多d, 重要既要emphasis, 因為佢好忙架, 可能都係靠經驗, 無咩preparation... 而且如果一向都係妳話事, 一定要同佢講有咩要問你唔好問你老公... (我老公就係聽晒佢話最後無玩到game!)... 而且其實佢會做埋consultation架, 婚禮上有咩唔識都可打電話/email問佢架! 我地都問過好多野, 咁先值咁貴ja... haha...

請左個MC, 當日一完成左馬灣婚禮就成個人鬆晒, 所以酒樓既野, 除左RECEPTION同DECO, 基本上都唔使點理, 所以請MC係十分正確既決定... 一個專業MC, 的而且確係好過是是旦旦搵朋友做MC架...

不過請唔請TIM LAU就自行決定啦....

呢一年內去左幾個婚宴都見到TIM, 佢真係好HOT, 而且好多人都話見過佢上電視, 不過慢慢發現佢場場表現都差不多...