Monday, 19 July 2010

OUR HOME 裝修@WEEK 11 (正式完工+感想)

OUR HOME個廚房整好啦!! 十萬分多謝KENNETH姑丈, 真係唔知點多謝佢, 好鍾意個廚房呀~~~


上層係用黑鏡, 下層用啡木色, 一邊牆用左不锈鋼板, 方便清潔之餘又好睇!! (WHIRLPOOL 抽油煙機 + RASONIC電磁爐都裝好啦!!)


同埋其實我地都整左假天花架...



台面好寬闊, 好多地方用呢.... (金章洗衣機已經用緊啦~)



姑丈真係好好人, 收左我地一個親戚價, 以下係姑丈幫我地整既野:



  • 裝全屋門+框+鎖+鉸

  • 裝洗手盆櫃 (因洗手盆櫃在深圳買的)

  • 廳燈槽

  • 廚櫃

  • 廚房廁所假天花

  • 幫我地買料 (e.g. 鋅盆, 鎖, 鉸... )

  • 幫我地又拆又裝D床+衣櫃 (原本KENNETH房既床同衣櫃搬到新房)

要知道大熱天時做呢D野真係好辛苦, 而姑丈TOTAL只係收左我地親戚價萬幾蚊!!! (包埋買料既錢喎!)  而且姑丈手勢好好, 又有多年經驗, 唔使我地煩之餘重俾左好多專業意見我地, 地下未來奶奶個廚櫃(都係姑丈造)用左十年都無爛, 所以如果大家想造廚櫃, 我極力推薦姑丈架!!! (賣下廣告先) 想要姑丈CONTACT 請私人回應呀... 我唔知姑丈個原價貴唔貴, 不過起碼手工好同唔會一肚氣囉, 大家可以QUOTE下價自己衡量下! 而且姑丈其實本身都忙, 我見佢成日有電話同埋佢都係得閒時先黎幫我地整個廚櫃, 佢咁忙都幫我地真係唔好意思....


總結成個裝修過程, 我係相當感恩...


雖然剛開始時我同KENNETH有D意見不合, 但之後都覺得大家有默契好多!


雖然四出為OUR HOME買野好辛苦, 但到見到完成個樣同有個家既感覺真係好滿足!


雖然中間有D不愉快既事情, 但算是用錢解決到, 算吧!! 而且師父手工係MAMA, 不過都無重大問題, 都算吧!!


雖然我地為慳錢而北上買料, 但過程係出奇地順利!! (磚黎到無爛, 傢私都好好, 燈又WORK, 淘寶又買到平野!!)


雖然我地錢唔多, 但有個SUPER GOOD既姑丈幫忙都有一個SUPER GOOD既廚房!!!


雖然我係一個麻煩既師奶仔, 但有個愛錫我既未來老公SUPPORT!! 也都好多謝KENNETH家人們支持同幫忙, 真係覺得我地好幸福!!


OUR HOME 重有D野要添置, 我地會繼續努力!!

Posted by at
Labels:

16 comments:

  1. Orange19 July 2010 at 08:59

    你個廚房整得幾好呀,簡簡單單好舒服~ 恭喜你地好快有靚靚新居呀
    [版主回覆07/19/2010 14:10:00]thx

    ReplyDelete
  2. CHERRY19 July 2010 at 18:25

    咁大個廚房快D下廚報答你未來老公仔啦
    [版主回覆07/19/2010 14:09:00]haha... 你做咩講埋我未來老公o個句呀!!

    ReplyDelete
  3. 幸運兒19 July 2010 at 18:50

    個kitchen 真係整得幾好呀~~~ 而且親戚價真係so good!!!
    I like the black * brown design
    [版主回覆07/19/2010 14:06:00]yeah, 我地就係like black+brown, 因為kenneth唔想個廚房太女人感覺, 好滿意呢!

    ReplyDelete
  4. Vanilla.T19 July 2010 at 19:13

    個廚房都好大喎...
    比我就一定會成日煮野食喇..^^
    [版主回覆07/19/2010 14:04:00]haha... 不過我煮野唔叻, 但我會努力去學!! 而且我未來奶奶煮野好叻, 我怕獻醜~~

    ReplyDelete
  5. 菲比小妹19 July 2010 at 20:03

    個廚房真係好大呀!! 萬幾蚊淨係個廚櫃都唔得啦!你姑丈真係好!!
    [版主回覆07/19/2010 14:02:00]姑丈真係好好呀! 個廚房交左俾佢真係可以煩少好多野!! 

    ReplyDelete
  6. Vanilla.T19 July 2010 at 22:54

    你會同奶奶住? 其實我覺得有個私人廚房最好...自己想試整咩都得？ 衰左..最多...扔左佢... 起碼係自己地頭嘛!!!~
    [版主回覆07/19/2010 16:41:00]我地住村屋, 未來奶奶老爺住地下, 我地住3樓, 未來奶奶有自己廚房, 我又有自己廚房... 無錯呀, 衰左..最多...扔左佢... hehe...
    不過重有d擔心個電磁爐, 要學下d火力控制...

    ReplyDelete
  7. 文大小姐20 July 2010 at 01:00

    萬幾蚊, 抵到爛呀~~~~ 有親戚價真係好呢~~

    ReplyDelete
  8. Agnes20 July 2010 at 04:54

    好舒服好簡約
    Good!

    ReplyDelete
  9. Fi20 July 2010 at 06:27

    嘩,個廚房好大好靚呀,我有個咁既廚房就好喇!

    ReplyDelete
  10. Double Leung20 July 2010 at 22:47

    廚房用左黑色come污糟呀!!! 好有大廚的感覺..哈哈..
    [版主回覆07/20/2010 16:00:00]haha... 大廚的感覺...攪到我好大壓力喎~

    ReplyDelete
  11. Mrs. W20 July 2010 at 22:48

    真係整得幾好喎.  個不锈鋼板idea 好好, 等我都諗下咁整先.
    [版主回覆07/20/2010 15:47:00]姑丈話宜家興, 好多人都咁做, 有d人會用強化玻璃(多d顏色揀), 而且裝鋼板o個part可以唔使換磚, 可以買少d磚呀~

    ReplyDelete
  12. Mrs. W21 July 2010 at 07:55

    又係喎, 可以買少d 磚喎.  我地間屋上手業主做左大部份裝修.  我地主要都係線下灰...廚房可能會整假天花同埋加多個吊櫃.  等我同男友講下先, 可以抹少d 喎.

    ReplyDelete
  13. 碧姬 BiKi21 July 2010 at 23:07

    你個廚房好闊落喎!!!
    [版主回覆07/21/2010 18:10:00]係呀, 其實大到有d覺得唔想咁大, 寧願個廳大d... 我都要開始努力學煮野!!

    ReplyDelete
  14. 柏。拉。桃 。PPHEA22 July 2010 at 19:07

    個廚房真係好大呀!!
    希望你地快d安頓好啦~

    ReplyDelete
  15. Mabel24 July 2010 at 09:30

    黑鏡櫃門好型呀 ~~
    [版主回覆07/25/2010 22:07:00]太好啦你都咁覺得, KENNETH就係想個廚房型D!

    ReplyDelete
  16. SkyBlue5 November 2010 at 17:34

    哇, 個廚房做得好好呀
    [版主回覆11/06/2010 23:21:00]THX ^^

    ReplyDelete

Subscribe to: Post Comments (Atom)