7月24日
星期六, 我地去左東門為OUR HOME造窗簾, 一早已聽聞東門有個窗簾布料廣場造窗簾好平, 咁我地就更係再次北上買平野啦!!
好多謝BLOGGER＊小藻＊既資料, 真係好有用呢!
我同KENNETH由元朗去落馬洲 (HK$7 VAN仔), 再由福田地鐵站去老街站(RMB3蚊), 真係同我去旺角差不多車費, HAHA...
如果由羅湖去只係2個車站
因為我地唔熟路(幾年前去過都唔記得lu), 而且聽聞東門好多爬手, 所以參考左＊小藻＊既意見:
地鐵老街站下車 A出口就是步行街
如果熟悉東門附近的路
其實在步行街最尾的天橋對面就是
不過步行街也有很多分支 容易不自覺走了冤枉路
所以最直接的方法是從C出口上地面 (C出口係一個商場, 行番出大馬路就得)
然後沿著馬路走（見下圖）
好快就見到條天橋啦(行10分鐘左右), 不過唔係對住天橋o個棟(華佳窗簾布藝廣場), 係後少少o個棟先係東門布料窗簾廣場呀! (圖中右面o個棟)
入到去我地就直上4樓睇窗簾, 因為我地唔諗住睇其他布料... d窗簾真係好靚, 有d係超grand, 我諗我屋企要超大同樓底超高先做到囉... 首先我地行左幾間睇下d款先, 都有好幾款心水, 我地最重要既係露台門個窗簾, 想要靚d既, 所以又入左一間問價, 窗簾+窗簾頭+紗+3條軌, 以我地個SIZE(2M X 2.3M)大概五百多, 都o岩budget既... 因為時間無多, 我地就去左網上都好多人用過既"雄發", 都係o個句, 唔怕貴少少, 最緊要有人用過ok就唔怕俾人呃!!
"雄發"d款係無人地咁華麗, 平實d囉, 不過佢地好多版睇, 要求唔高都一定會揀到, 而且價錢係算實惠的, 咁當然都要睇你夠唔夠牙力啦~~~
睇下我地揀左咩啦...
一入門口就見到呢幅, 已經好鍾意, 不過黑白色又好似爭少少(怕白色污jo左會好舊同好覺), 原來佢地有啡+米白色!!
啡+米白色無現貨, 只可睇catalogue, 睇相都ok呀, 雖然有d驚貨不對版, 不過考慮左一陣都決定要呢款, 原因係佢地上面個窗簾頭造得好靚, 有d絨布同珠珠, 考手工同埋個shape o岩我地個樓底唔高既sweet home... 希望出到黎個效果ok啦...
窗簾+窗簾頭+紗+3條軌 = RMB578, 講價後RMB520
廳另一細窗用同款窗簾(唔要紗同窗簾頭) = RMB70
兩房四隻窗就要左呢款遮光布, 以我地個窗個size要RMB90蚊 (其實其他款有平D, 不過我地覺得呢款靚, 貴D都算)
另外我地重幫屋企人再造多4幅窗簾, 都係RMB90一幅 (個老闆娘重問我地間屋點解咁多窗, HAHA...)
之後KENNETH話不如造埋CUSHION, 襯番間屋, 我地就揀左呢隻紫色既布襯番個PURPLE WALL, 個質料好好架, 好滑好soft, 造CUSHION連心, RMB100三個, 老實講有D貴, 不過見質料好個色又o岩就算啦... (3樓有好多CUSHION賣, 重好平!)
TOTAL: (90X8)+ 70 + 520 + 100 = 1410, 講價後= RMB1300
(9個細窗 + 1 露台 + 3個cushion連心)
黎之前有諗過即日攞定快遞黎香港, 不過因為我地o個3條軌太長, 上唔到地鐵之外又好難拎番黎香港(同埋我地重有第二個地方要去), 而且我地要車咁多塊都希望佢地慢工真係出到細貨, 所以俾錢叫佢地快遞落黎, 收RMB100 (我唔知有無收多, 不過o個一百幾十算啦)... 而且佢地咁多人試過我諗唔會車得太差啩...
俾一半訂, 一個week之後送黎, 希望造得靚啦...
店舖：雄發
地址：東門布料窗簾廣場四樓16-35號
電話：86755 82252671 (老闆柯先生)
注意：
- 佢地價格以平方米計算, 所以在家度尺時最好用m/cm
- 問價時唔好理幾錢米, 俾個尺寸佢quote價, 因為有d佢會計完之後又平好多俾你(我估計係睇你要既布有幾大塊)
- 窗簾頭價錢好講車工/其他extra布料/珠珠 etc, 可以好貴架
- 窗簾要留意遮光度, 睡房就最好用遮光布or遮光度高d既布, 不過一般遮光布都無咁靚, 而遮光度高d既布都係厚身d所以都貴d
- 地鐵限制貨物高度: 1.6米
!!