2019 Chinese New year
年廿八，去左行花市，元朗嘅花市好細，好快就行完 但係每年嘅傳統 都係要去親下熱鬧 兩個小朋友 最開心就係有得買玩具
大個咗哥哥已經唔要氣球要買玩具，細佬都跟住唔要氣球。買左槍同劍，最緊要佢哋開心
細佬好為食乜都想食
今年細佬大個左，對所有嘢都好好奇，呢樣又點下嗰樣又點下
哥哥就最乖最聽話 唔會亂咁搞啲嘢
農曆新年阿媽我請咗大假，所以就趁放假嘅時候帶佢哋去玩
屯門新開咗個公園，終於可以去。呢個時候真係好好 ，天氣又好 ，又好少嗰啲講普通話嘅人 ，兩個小朋友勁開心 ，原來屯門公園係好大㗎！
玩完換好衫之後仲去咗食雪糕 ，兩個梗係開心到不得了
到咗年初一梗係要幫佢哋著得靚靚仔仔啦 不過呢個大年初一真係好熱呀 佢哋兩個影完相之後 都急不及待咁除咗啲衫 ，真係激死 ，早知買啲薄啲嘅靚衫啦
細佬見我哋個個都影相 佢又拎住個玩具電話話影相喎 笑死我 哈哈
我哋住村屋 每年都會買好多花 咁樣影相真係好靚呀 好多顏色
呢個細路仔多多手腳
每年大年初一 都會請隻獅黎旺下間屋 。細佬知道後 非常之期待 ，一聽到打鑼打鼓嘅聲音 就已經企定喺花園度等
佢唔單止唔驚 仲想走去摸佢呀 真係 笑死我 呢個小朋友 又大膽又貪玩
新年嘅節目當然唔少得打麻雀啦 呢個小朋友 又話要打麻雀喎
哥哥大嗰啲 就鍾意玩board games 呢一日都有好多表哥表姐陪佢玩
年初二去婆婆度拜年 一朝起身又係勁熱呀
細佬特別鍾意恐龍鱷魚呢啲動物 都唔知點解嘅
呢日著咗 父子裝 係咪好正呢？
年初三 不宜拜年 我哋就去咗附近嘅 一個新景點行下 估唔到有幾靚喎 不過兩個仔成日都唔肯影相 激死我
返到屋企 哥哥又掛住玩games 爸爸就話不如搞下momo揸車啦 喺冇乜車同冇乜人嘅花園 都揸得似模似樣 哈哈
年初四 爸爸媽媽都請咗假 我哋爭取二人時間 去咗睇九點鐘早場 真係好耐都未試過睇戲喇 晏晝就返屋企車埋兩個小朋友 同爺爺嫲嫲去飲茶
見天氣咁好 帶咗細佬去附近嘅農莊行下 小朋友 餵下兔仔魚仔 喺草地跑下 就已經好開心 番到屋企好快就瞓咗喇
年初四 團拜 屋企好熱鬧好多人呀
幫細佬換咗另一套唐裝 係哥哥以前細個嘅
呢一套好sharp呀
呢張相係情人節營嘅 當日要返工 個人又攰 就簡單買個蛋糕慶祝下， 仲要買個兩個仔都勁鍾意食嘅芒果蛋糕 ，老夫老妻係咁上下啦
記錄完畢