為了可以有多點時間陪BB, 我決定開刀, 已BOOK了9月12日開刀...
呢日去DR. CHEUNG度產檢, 係產前LAST 一次啦....
DR. CHEUNG話BB頭仔偏大, 而且未落盆骨, 我盆骨細, 所以選擇開刀係好既, 如果順產未必生到, 或者要痛好耐!! DR. CHEUNG話睇胎盤應該未咁快生得, 可以等到12日, 到時BB應該會有7磅啦...
回家時心情好興奮, 知道BB一切安好, 出生有7磅都唔錯呀! 回家前同老公去B仔買糖水, 我要了芝麻糊... 一直以來沒有清胎毒, 因我的中醫話我不用特別去清胎毒... (到現在也不知BB早了出來跟這芝麻糊有沒有關係呢!)
2013年9月7日
零晨2點尿尿, 到5點幾又要尿尿!! 但呢次D尿尿係忍唔到咁流出黎, 好在有用護墊, 去到廁所, 痾完又無野, 所以又訓返.... 到7點幾, 又要尿尿, D尿尿又係忍唔到... 我都有懷疑穿水, 但明明DR. CHEUNG話未生得, 唔會啩.... 去到廁所, 一抹, 有D粉紅色... 那一刻好驚, 因我唔知我係咪穿水, 又係咪即係要生啦?? 坐在廁所呆了一陣... 老公見我咁耐未出黎就問我有無事....
我話: 有血水呀, 我好似穿左水....
估唔到老公好冷靜, 問我係咪要去醫院, 我話我都唔知呀...
老公叫我快D打畀DR. CHEUNG先啦...
DR. CHEUNG話我穿左水, 叫我地要去醫院啦...
其實我一D痛都無, 而且穿水係少少咁, 用M巾就得... 所以坐車時又無好緊張, 仲遇到個好FUNNY既TAXI司機!!
去到法國醫院, 辦好入院手續後就剃毛, 之後有姑娘幫我CHECK宮頸同睇下係咪已穿水... 嘩, CHECK宮頸好痛呀...
本來姑娘話駁機, 但後來又有姑娘話唔使啦, 要即刻做手術啦... 有人叫我換衫, 之後有人幫我抽血(驗血)... 跟住我就畀人推去手術室....
我咁大個女都未做過手術, 情形就好似拍戲咁, 經過好多地方, 好多燈, 好快咁就到左手術室... 老公都換好衫陪產... 個手術室唔同拍戲, 好大間... 好多人....
其實我都無時間去驚!!
到聽到DR. CHEUNG把聲,我立即放心好多.... 我話你又話未生得既!!!????
DR. CHEUNG話BB要自己話事幾時出世呀.... 不過佢話可能BB踢得大力, 踼穿左個水囊....
阿B平時真係踢得好勁, 但估唔到你真係咁唔聽話呀, 趕住出黎!!!
之後就有麻醉師同我講一推野... 麻醉支針都唔算痛... 好快我對腳就無感覺, 跟住SET好晒D布, 老公可以入黎啦...
跟住FEEL到有人好大力推我個肚幾下, 好快就聽到BB喊聲.... 阿B喊得好大聲呀, 我聽到後忍唔住喊... 好感動... 陀左9個幾月, 終於出世啦.... 10:25 AM .... 真係好快呀....
阿B係咁喊, 聽聽下覺得好攪笑, HAHA... (呢個MAMA好變態)
有人抱埋黎畀我地影相... 但那刻我勁想嘔... 勉強影完... BB同老公都要出去啦....
佢地一出去我就嘔, 係麻醉藥既反應!!
反而係手術後要觀察成個鐘先返房, 老公等好耐好擔心我.....
呢日我未落得床, MAMA好掛住BB呀....
因為係星期六, 我同老公2家人好多人都黎探我同BB...
大多覺得BB似PAPA呀...
我幫BB起個乳名叫包包... 因為 ....
(未收水呀)
包包, MAMA & PAPA 好愛你...
你要健健康康, 快高長大...
現在, 沒有任何事情比你更重要...
MAMA呢一生會盡最大努力去愛你, 保護你...
