今次是蛋撻!!! 原因係成日想食新鮮出爐蛋撻, 但依家已經好少有, 就算有都要就好時間去買, 市面上通常都係D連鎖餅店, 佢地D蛋撻都唔好食既.....
呢次焗出來好得, 好香牛油味, 老公都話好味!!! ... 食一個都唔夠o侯呢.... 第一次整都唔錯, 下次可以再好D!!!
原裝食譜在這: 蛋撻
食譜 : (3吋 蛋撻模 7 個)
蛋漿材料 :
雞蛋 1.5只 (打散)
糖 30g
水 120ml
鮮奶 / 花奶 30ml
做法:
1) 預先將糖加水煮溶放涼備用
2) 雞蛋拂勻後放入大碗內, 然後將花奶加入蛋漿內拌勻, 再將糖水慢慢沖入蛋漿內
拌勻, 再用篩過濾去除雜質備用
撻皮材料 :
低筋麵粉 110g
奶粉 6g
無鹽牛油 70g
糖霜 20g
蛋 半只
做法︰
1) 將低筋粉及奶粉先過篩被用
2) 牛油和糖霜打至幼滑, 將蛋汁逐少加入拌勻, 再將粉篩入搓成麵團,
放入雪櫃雪15分鐘
3) 將麵團平均分開多份放入撻模壓平麵團，麵團要高過模邊用叉在撻皮上叉孔,
然後注入蛋漿約7分滿
4) 焗爐用180度預熱15分鐘, 將蛋撻入爐焗15-18分鐘
後感
------
1. 我用的是鍚紙即棄模(我懶), 比較細, 所以以上份量可整8個 (如果唔係個底會太厚
2. 蛋漿有點浠, 個人認為可減少點水, 會更好味!
3. 蛋漿7分滿, 個人覺得8分都得 (因為個鍚紙即棄模好"淺", 7分滿得好少ja....
--------------------------------------------------------------------------------------------------
同場加映我家新鮮種既菠蘿!!!
細細個, 未切已勁香菠蘿味, 食落係好甜好fresh !!! 咁細個一家人都係每人食到少少ja (好珍貴呢)
不過原來菠蘿頂d葉好尖好硬架, 我差d畀佢"吉"到呀...
--------------------------------------------------------------------------------------------------
另外要表揚一下老公整既西多士
點解要表揚?? 因為我老公好少入廚架, 因家中有3個女人煮野畀佢食囉 (佢老婆我, 佢媽媽, 工人姐姐)
老公話西多士係佢最拿手既..... 我同佢一齊左10年終於有幸嘗到啦.... wahahaha.....
加煉奶食又真係幾好味呢....
