大肚dum

上文提到包包而家為食左好多。

你睇佢食完飯個大肚dum XD

小小嘅胃裝到好多食物，希望佢唔好食濟！

包包，媽媽好愛你個肚腩仔，要keep 住咁好胃口呀！

包包17個月成長紀錄

包包快18個月大啦～艾利絲又例遲，因為早前包包又病左，距離上一次病只係相差三個星期！好在今次只係氣管敏感，咳咳咳，唔會傳染，但因為夜晚成日咳醒，都睇左兩次醫生，媽媽荷包又扁左，又無覺好訓…… 幸好新年前好返晒！新年又忙左一輪，仲有就係我地plan緊同包包去旅行呀！

而經過16個月時病一病，包包突然變左隻為食豬！mama我又開心又煩惱！

重

睇醫生時磅11.1kg, 82cm

食

• 包包變得好為食，特別係見到我同papa食野就一定lur食，吖吖吖咁叫！
• 最愛除了橙外，就係面包！其次係apple, pear, strawberry etc，見到就扭食，好心急，等耐一陣都發脾氣！
• 連奶都飲多左，而家一餐食到7安，包包由6個月開始厭奶，而家終於唔再厭啦，有時見到支奶已經好心急要飲，仲肯主動自己hold住支奶！(佢之前唔肯架！)
• 超鍾意飲湯！飲半碗大人碗都唔夠！我99日日都煲湯，dinner佢一見到碗湯就會唔食飯，要飲湯先，但飲左湯又食好少飯，好麻煩！有時煲啲湯唔啱佢飲，佢見到我地飲又會扭計喊！所以嫲嫲而家好好，成日都煲包包啱飲嘅湯水！
• 依然兩奶三固，早晚飲奶，日頭兩餐杰粥(我放假就會煮通粉)，dinner就食bb飯，同大人同枱食。
• dinner佢就最煩，除了要飲湯先，見到我地用筷子又要用，甚至要用我隻碗呀！試過指住碟葉要食！終於體驗到為食b嘅煩惱！

訓

又係病嘅後遺症，而家係我攬住先肯訓！試過由佢喊，想佢自己訓床仔，但佢會狂喊，喊到咳晒，企喺床邊唔訓，好可憐咁…… 我真係唔忍心呀，於是開始左我嘅陪訓日子！佢訓左先搬佢返bb床。我仲試過唔覺意訓左著呀！不過攬住佢訓又幾sweet嘅！

而午睡又係問題，因為包包大左，2個nap好似太多，令佢夜晚要好耐先入睡。但1個nap又太少，眼訓嘅話dinner就好扭計又食得唔好。所以而家有時一個有時兩個nap，仲tune緊。

牙齒

8隻ja.... 我見好多同期bb已出大牙！

但無咁多牙個樣就仲好bb呢

活動能力

• 行路好快，幾乎跑啦～但又因為行太快成日kick到
• 睇迪士尼覺識turnaround，仲turn得好開心
• 聽到喜歡嘅歌會踏腳dancing，真係好可愛！好鍾意聽愛回家首歌！
• 大部份指令都好肯做，係好多時唔肯hello~
• 我開始教佢自己用匙羹食粥仔，通粉就最好畢，喺我幫助下試過畢到大半碗呢！但粥仔就煩啲，開頭幾下都肯，之後就玩野係咁督督督，整到周圍都係！包包係唔怕污糟，跌左喺個tray度佢又個用手拿返黎食，轉頭又去捽眼r頭！要繼續努力！

認知能力

• 認到好多野啦，但包包要睇心情先彩你！
• 最叻認動物，最鍾意dogdog , meow meow, rabbit, panda, froggy
• head, eyes, nose, mouth一時時，nose 同mouth有時亂指
• 聽得明白我地大部份指示

語言能力

• 依然發展緩慢…… 今個月最叻baba，咩都叫ba, 當然叫爸爸都係ba，但唔知點解教咩都ba ，唉…
• 叫佢叫mama, 又係ba，但需要我時就會叫mama架喎！
• 另一方面，極多bb話，隨時扮聽電話，ee urur，好可愛又攪笑
• 用食物引佢，就只係吖吖咁叫，只顧食物完全無心聽我地教佢
• 其實包包又唔係唔肯講野，但教極咩都ba，有時講到，又唔再repeat。bb話發到好多音架，又聽明我地講野架，已經17個月，真的令媽媽有點擔心呢！

情感發展

• 愈來愈有主見，好多野要自己做！
• 另一方面都好有手尾，好多時都會將啲物件放原位。我朋友話包包好處女座喎，好定唔好？
• 無耐性，一要等就發脾氣，而家盡量咩都要佢等下先！
• 好古惑，叫佢唔好做，我一轉頭佢就即做！話佢佢就笑，激死！
• 當然佢都好醒目，睇人黎扭計！最扭係嫲嫲！
• 由於包包未識講野表達，好多時佢表達唔到就發脾氣。所以我真係好想好想佢快啲識講野！

下排終於有4隻呀啦～

傻豬樣

而家好鍾意倒亂，成功反轉張櫈好開心

無時無刻都傾電話，講好多野架

星期日無地方去就會去鄉村俱樂部

包包而家已經唔驚草地，可能啲草短左，又可能佢太鍾意行行行……

自己食藍莓

有時會去公園

我型唔型呀？

長長嘅眼捷毛，媽媽都想要

企上張櫈度，話唔準仲笑！

pizza面 XD

剪左頭髮靚仔晒！

拎大人拖鞋著

好鍾意照鏡，唔係貪靚，係同鏡入面嘅自己玩，好傻豬

happy boy

幾曳豬，特登企上張櫈仔搵papa

自己食mummum

媽媽的話
今個月最大轉變係包包貪吃左好多，終於變返一個正常小朋友。話時話真係好神奇，無啦啦變得咩都食！當然因為貪吃又麻煩左好多。但同時間，我有時都會畀幾啖有味飯佢食，見到佢食得開心，我就開心。因為佢而家肯食，所以都唔需要開歌仔睇啦，但有時食到一半都係要一兩件玩具。如果佢食唔晒我都由佢啦。見到佢肚仔漲bokbok，媽媽就最滿足！

食呢方面唔使再擔心真好！

2015 Chinese New Year (1)

短短一年，包包真係大個左好多呀～
上年包包仲係一舊飯，今年佢明顯好enjoy呢個咁熱鬧嘅節日！

See 2014 Chinese New Year

艾利絲其實都無點準備過年，只係貼下揮春，執下屋，包下利是，因為其實主要準備99都負責晒lu....

年初一

包包習慣8時左右起床，佢飲完奶奶就幫佢換上賀年衫。mama買左對新鞋仔畀佢，佢超鍾意，仲自己幫自己著鞋，喺媽媽幫助下著左之後就好開心咁通屋行！

呢幾日好暖又有蚊，包包面仔畀蚊咬左幾粒呀！蚊呀蚊，點解你新年前先黎咬，攪到包包無咁靚仔啦！

等mamapapa派利是畀包包先！

但包豬係對利是無興趣囉～(^_^;)

爸媽祝你身體健康，精乖伶俐，快快樂樂！

到我同老公都換好衫，就落樓下同爺爺嫲嫲拜年啦～

而我呢個鄧家新抱，傳統上每年初一朝早都要敬茶畀6299架！

玩多一陣就祝包包返上樓nap，等佢一陣多啲精力同人地拜年！

訓醒嘅包包好精靈呀，叫佢請請，飛吻，錫錫都肯做！最攪笑係原本佢唔肯收利是，但我教佢利是可以收喺面包超人袋仔，佢就好落力咁收利是，差啲想收埋我同papa啲利是呢！

屋企年年買好多花，影返啲靚相先！

包豬又行行行

papa又錫錫

我地親人好多都住附近，拜年行過去就得！

包包去到人地屋企好開心！

偷糖成功幾開心！查實佢未食過糖架……

包包真係好鍾意琴，大少少一定畀佢學琴！

返到屋企又影下相

之後，每年傳統，都會叫隻獅黎舞下，62話咁先旺屋企。包包好叻，雖然好大聲但一啲都唔驚呀！

影完舞獅包包又要nap下叉下電

夜晚沖完涼換返個西式look先！

型唔型呢？

太多相，分兩篇寫……

羊年快樂！

包包祝大家
羊年快樂！
身體健康！
萬事如意！

速行花市

上年包包仲細，今年可以帶佢去行花市啦～

只係去左元朗個花市，其實好細，所以我地唔使半個鐘行完！

包包對周圍環境好好奇

家裡已買了幾盆桔同花，所以包包對桔唔陌生，仲得閒就走去搣幾粒 (^_^;)

包包好開心咁“行”花市，佢真係好鍾意行，仲成日行回頭路 (￣∇￣)

剛下雨，路面濕滑，所以有時都要抱住佢

去到乾貨區，本來打算買個汽球畀包包，但佢好攪笑一啲興趣都無，幫mama慳住荷包

問佢要唔要dog dog, 佢望住我，我話唔要就行啦，佢就行lu...

見到啲姐姐大叫sell野，就望實人地，人地好落力sell佢都不為所動，望一陣又行

papa話呢個客仔好難sell XD

行行見到一推汽球用手指指住，原來佢鍾意個飛機

姐姐好落力sell佢

不過papa諗住放佢落地等佢自己攞，佢就好快咁走左去！最後都係無買到！

兩父子又好溫馨錫錫

好快就走啦～

晚上食團年飯

同表姐仔影相