倒數100日

2010年11月19日, 係BIG DAY倒數100日, 星期六我地就去左做FACIAL + 食餐好既!

其實KENNETH係好鍾意做FACIAL架 (我發現愈來愈多男仔鍾意做FACIAL), 佢一個人又唔好意思入美容院, 所以每次我去都會盡量帶埋佢去... 不過自我 9 月開學之後, 就忙到傻左... 宜家搬左入元朗, 多番D時間, 就去做FACIAL啦...

KENNETH話我幫佢修媚痛到死, 人地做就唔痛喎! 訓係度就有人攪好塊面好爽喎... (懶就懶啦....)

放學後先去做FACIAL, 做完都成8點幾, 我地去左元朗好多人去既田中食飯(位於大馬路,日本餐廳), 成日都要等好耐架...

原來D份量好大份, 真係飽到上心口!!

(天婦羅好大碟, 但就ma ma 地)

番到屋企我重整左個CHOCOLATE CAKE (唉, 唔記得影相呀!), 不過係好簡單既款式ja (一定唔會難食, HAHA!) ... 因為KENNETH成日話我買左個焗爐又唔用, 為左"交代", 就整個EASY既, 查實我真係有心學整CAKE架....

不過都係o個句, "俾D時間我"... HAHA...

好滿足既一日!!

紅篋

見sogo thankful week, 就去買左個紅篋, 唔係大紅, 係桃紅色... 因為紅色的, 我真係揀唔到... 細細個, 好鍾意 ^^

(相片有色差)

買後心裡面怕媽咪唔鍾意(因為係桃紅唔係大紅), 回家時就問媽咪O唔OK...

點知媽咪既答覆係 : 應該OK既... 有"碌"就得啦...

婚照 index

所有婚照分享都私有化左, 要我ADD左既朋友仔先睇到架...

 

品果 (麗江)

婚照分享- 品果麗江(自拍相片)(1) - private post

婚照分享- 品果麗江(自拍相片)(2) - private post

婚照分享- 品果麗江(品果相片)(1) - private post

婚照分享- 品果麗江(品果相片)(2) - private post

品果排版Finalized - private post

婚照分享- 品果麗江 - 大相簿 - private post

婚照分享- 品果麗江 - 細相簿 - private post

 

MONALISA (香港)

婚照分享- Monalisa相版 - private post

婚照分享- MONALISA - 室內篇 - private post

婚照分享- MONALISA - 公園篇 - private post

婚照分享- MONALISA - 沙灘篇 - private post

婚照分享- MONALISA - 遊艇篇 - private post

婚照分享- MONALISA - 夜景篇 - private post

 

ooops.production (香港)

ooops.production 收相啦 - private post

第一次煮早餐

星期六放學靜雞雞去左SUPERMARKET買野食, 為既就係煮個愛心早餐俾KENNETH食!!! 小女子真係好少去SUPERMARKET (通常去都係幫媽咪買日用品), 原來宜家D野真係貴左好多!!!

屋企個電磁爐只係煮過instant noodles, 今次係第一次用個"獲"...

BACON好貴呀....

麵包焗過架, 唔知點解唔"濃"?? (焗左好耐架啦)

查實咁煮法其實同出去食個早餐差不多價錢ja.... (唔知會唔會有下次... haha....)

 

 

搬左啦...

雖然OUR HOME一早已經裝修好, 但我遲遲都未搬入去 (都係因為忙同.... 懶啦)

呢個WEEK終於都搬左入元朗啦, 開始我既新生活!!

最唔習慣既就係要早一個鐘起身返工, 迫地鐵, 又怕MISS左班車就會遲到... 清晨既元朗比市區凍少少, 要著厚D衫...

遲左返屋企, 又早左訓覺, 感覺少左好多時間用...要慢慢習慣....

未來奶奶每餐都煮好多野食, 又日日有靚湯, 真係怕呢3個月會變肥...

而我同KENNETH就好有新婚既感覺, 夜晚食完飯一齊睇電視, 又食下生果, 已經覺得好幸福... 希望呢種感覺KEEP到去大婚之日!!

星期一 : KENNETH等埋我放工, 一齊返屋企, 第一次放工一齊返屋企, 好開心, 唔知第時KENNETH會唔會成日都等我放工呢?

星期二 : 我要返學, 好遲先返到屋企, 未來奶奶留左靚湯俾我, 好開心, 好溫暖...

星期三 : 我去做YOGA, KENNETH去踢波, KENNETH駕車接埋我, 好野, 唔使迫地鐵!

星期四 : 發覺呢幾日都無咩時間上網同執野 (D野搬左黎都未執晒), 呢日特別早D返屋企, 但係真係好少時間用, 因為要早D訓呀....

星期五 : 返"娘家"食飯, 好掛住媽咪呀, 又食左好多媽咪煮既餸... 入到自己間房, 感覺好似唔再係自己間房, 好奇怪...

記得我同媽咪講要搬時, 媽咪話 "其實唔使咁快搬啦", 我話住埋一齊方便攪結婚既野, 因為我要返學無咩時間... 媽咪就話 "都係既, 不過其實唔使搬咁多野啦, 得閒可以返黎訓ma... "

我知.... 媽咪唔捨得我搬... 我都唔捨得"做女"既感覺呀... 宜家... 真係感覺似人地老婆...

媽咪你放心, 我會成日返黎架 !!!

confirmed VAN+大巴

因為男女家相距遠, (而我兩都堅持在自己父母家出發), 所以車程好大問題... 我同KENNETH都有個大家庭, 為左家人舒服D, 要BOOK多幾程車, 又要諗BOOK同咩SIZE...

要諗D車點行, 就要先諗下個RUNDOWN...

嘩, 我同KENNETH一傾就傾左成日, 好多意見分歧, RUNDOWN真係好難攪... 宜家DRAFT左，發覺D時間真係唔夠用, 好似好趕, 要再諗下！

花車安排 :

• 酒樓包3HR BENZ, 可能會UPGRADE / OT, 遲D BOOK... (係銀禧車, 原來銀禧好多BAD COMMENT, 雖然有D擔心, 但唔想嘥左)


• 因為太多好友有車, 決定朝早唔要VAN, 由兄弟們揸車 (又可慳錢!)


• 下午馬灣註冊, 路途遙遠, 要安排VAN俾女家家人 (九龍出發) (4HR)


• 要安排一架大巴俾男家家人親友去馬灣 (元朗出發) (3HR)


• 馬灣只容許2架私家車+旅巴進入, 入唔到咁多私家車, 所以要安排一架VAN俾兄弟姊妹 (為慳錢, 只要單程, 回程就煩請兄弟姊妹坐大巴)


• 散席時安排VAN俾女家家人返九龍 (單程)

數下數下都唔少野....

{Mrs Chik Chik}度有個LIST有好多VENDOR (租車 - 28座van), 我揀左幾間網上比較多人用既QUOTE價 :  孖一世 , Dream Wedding , 誠信 ,軒武 , 銀禧 , 重有not on the list 既生記同自由樂

我地想一間BOOK晒, 唔使煩, 但原來有D VAN一定要跟BENZ，而有D VAN係唔做單程，有D又無大巴，有D已經FULL左，最攪笑係有間話唔入馬灣（因所有入馬灣車輛同車輛公司都要預先批准，太煩），而有D 又QUOTE得貴...　

最後真係得返一千零一間合心水 -- Dream Wedding

唔係最平，但差唔係好多，而劉生好好人，我多次EMAIL同電話佢都好有耐性咁答我，佢D 車入過馬灣就令我更加放心，唯一擔心係佢無門市，希望佢唔會走左佬！

成日既車未計BENZ UPGRADE已經HK$4XXX !! (計埋BENZ應該OVER 5千)

希望用咁多"財力"造出黎既ceremony係值得啦!!

 

BTW, 原來宜家城巴都可以俾人租架！（巴士租賃服務）不過KENNETH話唔鍾意巴士，我問過價，以我個情況租架雙層巴士同我租架大巴差不多價錢！

之前睇過一ｄ有用既資料：婚禮租車需知

 

Dream Wedding

Website: www.weddingcar1312.com.hk

 

E-mail: cr1312@yahoo.com.hk

 

Tel: 68901312/ 67358366 (Mr. Lau)

品果收相啦!

我好好彩, D相無穿無爛.... 不過品果都係寄少左2隻CD, 要再等... 好在我有時間!!

但係相簿顏色contrast好大, 攪到D相有D唔自然, 個人更加似KEY上去!!

個九宮格已經掛左上牆啦, 同OUR HOME既門一樣係深啡色, 好MATCH!

大陸野係咪咩都大件D??? 本相簿咁大, D相放到好大... 見到自己個頭咁大好得人驚!! D跨頁重恐怖.... 重要勁重 (水晶面)....

個油畫成半隻門咁大(相中油畫係斜放左), OUR HOME係村屋, 樓底矮, 掛牆唔靚, 都唔知放邊!!?? 唔通得床下底可以收留佢????

油畫係無盒架, 得一張BUBBLE紙, 包唔晒成幅畫, 而且個框好輕, 唔怪得有BLOGGER既油畫黎到香港爛左!!

同場加映MONALISA既油畫, 個框真係靚好多, 加上靚靚既壁燈, 成為我家最搶眼既一個角落!!

KENNETH既家人(阿叔阿嬸姨媽姑姐)第一次見我地D相, 反應有:

"嘩好靚呀............. 個景!"

"你兩個有D似KEY上去"

"個雪地係咪真架? 你地真係上雪山影呀?"

"宜家D後生影結婚相都攪咁多野!"

"嘩, 影兩輯咪要好多錢?"

"點解宜家D相簿咁重?"

 

其實MONALISA既相係靚D, 不過港式一D, 所以家人對品果麗江輯相反應大D!